ເປົ້າໝາຍສູງສຸດແມ່ນຮັບໃຊ້ປະຊາຊົນໃຫ້ໄວກວ່າ, ດີກວ່າ
ກປ.ອອນໄລ - ຕອນບ່າຍວັນທີ 29 ມິຖຸນາ, ທ່ານເລຂາທິການໃຫຍ່ ໂຕເລິມ ແລະຄະນະປະຕິບັດງານສູນກາງ ໄດ້ລົງສຳຫຼວດຕົວຈິງຮູບແບບອຳນາດການປົກຄອງທ້ອງຖ່ິນສອງຂັ້ນຢູ່ຕາແສງຊວນຮວ່າ ແລະຕາແສງເຕິນວີ໋ງລົກ (ນະຄອນໂຮ່ຈີມິນ).
ຢູ່ຕາແສງຊວນຮວ່າ ແລະຕາແສງເຕິນວີ໋ງລົກ, ທ່ານເລຂາທິການໃຫຍ່ ໂຕເລິມ ພ້ອມດ້ວຍຄະນະປະຕິບັດງານໄດ້ລົງສຳຫຼວດສູນຮັບໃຊ້ບໍລິຫານສາທາລະນະ; ກວດກາການຈັດວາງພື້ນຖານວັດຖຸ, ເຄື່ອງອຸປະກອນ, ບຸກຄະລາກອນ, ການເຜີຍແຜ່ເອກະສານແນະນຳລະບຽບການບໍລິຫານໃຫ້ປະຊາຊົນ ເພື່ອກຽມພ້ອມການເຄື່ອນໄຫວກົງຈັກໃໝ່ນັບແຕ່ວັນທີ 1 ກໍລະກົດ 2025. ທ່ານເລຂາທິການໃຫຍ່ ໂຕເລິມ ຫວັງວ່າ ຖັນແຖວພະນັກງານຮາກຖານສືບຕໍ່ຍົກສູງຄວາມຮັບຜິດຊອບ ເພື່ອກະກຽມການເຄື່ອນໄຫວກົງຈັກໃໝ່ຢ່າງມີປະສິດທິຜົນ ແລະລຸລ່ວງໄປດ້ວຍດີ.
    |
 |
|
ທ່ານເລຂາທິການໃຫຍ່ ໂຕເລິມ ກ່າວຄໍາເຫັນທີ່ການເຮັດວຽກກັບຄະນະປະຈຳຄະນະພັກຕາແສງຊວນຮວ່າ, ນະຄອນໂຮ່ຈີມິນ. ພາບ: ສໍານັກຂ່າວສານຫວຽດນາມ |
ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ ການສ້າງຕັ້ງຕາແສງຊວນຮວ່າ ແມ່ນການຢືນຢັນຄວາມຕັດສິນໃຈດ້ານການເມືອງຢ່າງແຂງແຮງຂອງນະຄອນໂຮ່ຈີມິນ ໃນການຈັດຕັ້ງຄຸ້ມຄອງຄືນໃໝ່, ຂຸດຄົ້ນຄວາມສາມາດບົ່ມຊ້ອນ, ທ່າໄດ້ປຽບກ່ຽວກັບທີ່ຕັ້ງພູມສາດ, ຊັບພະຍາກອນມະນຸດ, ເງື່ອນໄຂພື້ນຖານໂຄງລ່າງ ແລະມູນເຊື້ອວັດທະນະທຳປະຫວັດສາດຢ່າງສຸດຂີດ. ຕາແສງເຕິນວີ໋ງລົກ - ເຂດດິນແດນທີ່ເຕັມໄປດ້ວຍຄວາມສາມາດບົ່ມຊ້ອນ, ຕັ້ງຢູ່ທີ່ຕັ້ງຍຸດທະສາດຢູ່ປະຕູທິດຕາເວັນຕົກນະຄອນໂຮ່ຈີມິນ, ແມ່ນເຊື່ອມຕໍ່ຕົວເມືອງ-ອຸດສາຫະກໍາ-ກະສິກໍາເຕັກໂນໂລຢີສູງ.
ທ່ານເລຂາທິການໃຫຍ່ ໂຕເລິມ ຮຽກຮ້ອງອຳນາດການປົກຄອງທ້ອງຖິ່ນຢ່າງຮີບດ່ວນ, ສ້າງຄວາມໝັ້ນຄົງຂອງອົງການຈັດຕັ້ງກົງຈັກໃໝ່; ຊາບຊຶມເນື້ອໃນຈິດໃຈຢ່າງທັນທີ: ກົງຈັກມີປ່ຽນແປງແຕ່ຈິດໃຈຮັບໃຊ້ປະຊາຊົນຕ້ອງບໍ່ຕິດຂັດ, ປະຊາຊົນຕ້ອງຮັບໃຊ້ໃຫ້ໄວກວ່າ, ດີກວ່າ; ຊີວິດທາງດ້ານວັດຖຸ ແລະຈິດໃຈຂອງປະຊາຊົນຕ້ອງໄດ້ຮັບການປັບປຸງກວ່າ. ສິ່ງສຳຄັນທີ່ສຸດແມ່ນຕ້ອງຍົກສູງຈິດໃຈສາມັກຄີ, ພ້ອມກັນຖືເປົ້າໝາຍຮັບໃຊ້ປະຊາຊົນແມ່ນມາດຕະຖານຕີລາຄາຄວາມສາມາດປະຕິບັດສຳເລັດໜ້າທີ່ຂອງພະນັກງານ, ລັດຖະກອນແຕ່ລະຄົນ...
ໂດຍ: ເຈິ່ນຮວ່ຽນ