ທ່ານ ຫງວຽນຈີ້ຢຸງ ຮອງນາຍົກລັດຖະມົນຕີ ໃຫ້ຮູ້ວ່າ: ຫວຽດນາມ ພວມສຸມໃສ່ “ແກ້ໄຂສິ່ງກີດຂວາງ”, ປ່ຽນໃໝ່ກໍາລັງແຮງການເຕີບໂຕ ແລະຂຸດຄົ້ນແຫຼ່ງກຳລັງໃຫ້ທະລຸລ່ວງ ເພື່ອສູ້ຊົນບັນລຸການເຕີບໂຕໃຫ້ໄດ້ແຕ່ 8% ຂຶ້ນໄປໃນປີນີ້, ສ້າງພື້ນຖານຊຸກຍູ້ການເຕີບໂຕເປັນສອງຕົວເລກໃນໄລຍະຕໍ່ໄປ.

leftcenterrightdel
ທ່ານ ຫງວຽນຈີ້ຢຸງ ຮອງນາຍົກລັດຖະມົນຕີ ກ່າວຄຳເຫັນທີ່ກອງປະຊຸມລົງທຶນປະຈຳປີ 2025 ຢູ່ UAE. ພາບ: ສໍານັກຂ່າວສານຫວຽດນາມ

ກ່ຽວກັບການຮ່ວມມືລົງທຶນຕ່າງປະເທດ, ຫວຽດນາມ ກໍານົດທິດດຶງດູດ FDI ທີ່ມີການຄັດເລືອກ, ສຸມໃສ່ເຂົ້າໃນບັນດາຂົງເຂດ, ຄື: ພັດທະນາພື້ນຖານໂຄງລ່າງຍຸດທະສາດ, ວິທະຍາສາດເຕັກໂນໂລຢີ, ການຫັນປ່ຽນດີຈີຕອນ, ປ່ຽນແປງໃໝ່ປະດິດຄິດສ້າງ, ເຕັກໂນໂລຢີຊີວະພາບ, ວັດຖຸດິບໃໝ່, ຈີບ ເຊມິຄອນດັກເຕີ, AI, ພະລັງງານທົດແທນ, ພະລັງງານໃໝ່ (ເຊັ່ນ: hydrogen...), ໂລຈິດສະຕິກ, ການເງິນສີຂຽວ...

ໜ້າເອົາໃຈໃສ່, ນັບແຕ່ໃນປີ 2025, ຫວຽດນາມ ສູ້ຊົນຫຼຸດຜ່ອນເວລາແກ້ໄຂລະບຽບການບໍລິຫານຢ່າງໜ້ອຍສຸດ 30%. ທ່ານ ຫງວຽນຈີ້ຢຸງ  ຮອງນາຍົກລັດຖະມົນຕີ ຢືນຢັນວ່າ: ລັດຖະບານຍາມໃດກໍ່ໃຫ້ຄຳໝັ້ນສັນຍາສ້າງເງື່ອນໄຂສະດວກ ແລະຮ່ວມເດີນທາງກັບຄູ່ຮ່ວມມືສາກົນ, ວິສາຫະກິດ ແລະນັກລົງທຶນພາຍໃນ ແລະຕ່າງປະເທດ ເພື່ອແນໃສ່ຊຸກຍູ້ການເຄື່ອນໄຫວຮ່ວມມືລົງທຶນດຳເນີນທຸລະກິດຢ່າງມີປະສິດທິຜົນ ແລະຍືນຍົງ.

ໂດຍ: ທະນາພອນ