ນີ້ແມ່ນການເຄື່ອນໄຫວນອນໃນກອບລາຍການຮ່ວມມືວິຊາການສຶກສາສາກົນ (IAPP) ໂດຍກະຊວງສຶກສາ ແລະກໍ່ສ້າງສົມທົບກັບຄະນະການພົວພັນຕ່າງປະເທດອາເມລິກາ ປະຈໍາ ຫວຽດນາມ ແລະສາຖາບັນສຶກສາສາກົນອາເມລິກາ (IIE) ຈັດຕັ້ງເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ອາເມລິກາ (1995-2025). ຕາມນັ້ນແລ້ວ, ມີການນໍາຂັ້ນສູງກວ່າ 40 ທ່ານມາຈາກມະຫາວິທະຍາໄລເຂົ້າຮ່ວມການສໍາຫຼວດເປັນເວລາ 5 ມື້ (ແຕ່ວັນທີ 31 ມີນາຫາວັນທີ 4 ເມສາ) ເພື່ອສ້າງຕັ້ງບັນດາການພົວພັນຮ່ວມມືໃໝ່ ແລະເພີ່ມທະວີການຮ່ວມມືວິຊາການສຶກສາກັບບັນດາຄູ່ຮ່ວມມືຫວຽດນາມ.

leftcenterrightdel
ທ່ານນາງ Mary Beth Polley, ທີ່ປຶກສາທູດວັດທະນະທໍາ-ສື່ສານ, ສະຖານທູດອາເມລິກາ ປະຈໍາ ຫວຽດນາມ ກ່າວຄໍາເຫັນທີ່ການພົບປະ. ພາບ: ຮ່າເຝືອງ

ກ່່າວຄໍາເຫັນທີ່ການພົບປະ, ທ່ານນາງ Mary Beth Polley, ທີ່ປຶກສາທູດວັດທະນະທໍາ-ສື່ສານ, ສະຖານທູດອາເມລິກາ ປະຈໍາ ຫວຽດນາມ ແບ່ງປັນວ່າ ການຮ່ວມມືດ້ານການສຶກສາຫວຽດນາມ-ອາເມລິກາ ແຕ່ດົນແລ້ວໄດ້ຊຸກຍູ້ຜ່ານບັນດາລາຍການ, ຄື: ລາຍການນັກຮຽນຮູ້ Fulbright, ລາຍການນັກຮຽນຮູ້ທົ່ວໂລກ Eisenhower..., ຜ່ານນ້ັນ, ສອງຝ່າຍໄດ້ມີຫຼາຍໂອກາດພົບປະແລກປ່ຽນ, ຮ່ວມມື, ເຮັດໃຫ້ເຂົ້າໃຈເຊິ່ງກັນ ແລະກັນທີ່ນັບມື້ນັບເລິກເຊິ່ງກວ່າ. ການຢ້ຽມຢາມຫວຽດນາມ ຄັ້ງນີ້ຂອງຄະນະມີຈຸດປະສົ່ງຊອກຮູ້ລະບົບການສຶກສາມະຫາວິທະຍາໄລຂອງຫວຽດນາມ, ຊອກຫາໂອກາດຮ່ວມມື, ແລກປ່ຽນບັນດາລາຍການສຶກສາກັບບັນດາມະຫາວິທະຍາໄລຫວຽດນາມ, ໂດຍສະເພາະແມ່ນໃນຂົງເຂດ, ຄື: ປັນຍາປະດິດ (AI), ເຕັກໂນໂລຢີ, ວິທະຍາສາດ, ການແພດ... ທ່ານນາງ Mary Beth Polley ໃຫ້ຮູ້ວ່າ “ເລື່ອງສຸມໃສ່ການຮ່ວມມືກັບບັນດາຄູ່ຮ່ວມມືອາຊີຕາເວັນອອກສ່ຽງໃຕ້, ໃນນັ້ນມີຫວຽດນາມ ແມ່ນໜຶ່ງໃນບັນດາບຸລິມະສິດຂອງພວກຂ້າພະເຈົ້າ. ຫວຽດນາມ ແມ່ນໜຶ່ງໃນບັນດາປະເທດພວມພັດທະນາທີ່ຂະຫຍັນຂັນເຄື່ອນ, ຖືມຸນຄ່າການສຶກເປັນສໍາຄັນ. ພວກຂ້າພະເຈົ້າເຫັນຫຼາຍໂອກາດໃນມື້ນ້ີເພື່ອຜັນຂະຫຍາຍບັນດາການພົວພັນຮ່ວມມືໃນຂົງເຂດການສຶກສາ ແລະບໍາລຸງສ້າງ”.

ປະຈຸບັນ, ອາເມລິກາມີນັກສຶກສາສາກົນກວ່າ 1 ລ້ານຄົນ, ໃນນັ້ນມີນັກສຶກສາທີ່ມາຈາກຫວຽດນາມ ກວ່າ 30.000 ຄົນ. ເລື່ອງເຊື່ອມຕໍ່ບັນດາມະຫາວິທະຍາໄລແຖວໜ້າຂອງສອງປະເທດຈະເປີດອອກໂອກາດໃໝ່ໃນການຮ່ໍາຮຽນ, ຄົ້ນຄວ້າ, ສອນໃຫ້ນັກສຶກສາ ແລະນັກຮຽນຮູ້ຢູ່ທັງສອງປະເທດ.

ໂດຍ: ໄຊນີດາ