ໂອກາດເພີ່ມທະວີການມີໜ້າຢູ່ຕະຫຼາດອິນເດຍ ຂອງຜະລິດຕະພັນກະເສດຫວຽດນາມ
ກປ.ອອນໄລ - ງານຕະຫຼາດນັດສະບຽງອາຫານໂລກຢູ່ອິນເດຍ (WFI 2024) ຄັ້ງທີ 3 ໄດ້ດໍາເນີນຢູ່ສູນວາງສະແດງທີ່ນະຄອນຫຼວງ New Delhi (ອິນເດຍ), ແຕ່ວັນທີ 19 ຫາວັນທີ 22 ກັນຍາ, ດ້ວຍການເຂົ້າຮ່ວມຂອງວິສາຫະກິດທີ່ມາຈາກ 90 ປະເທດ, ພ້ອມກັບ 26 ລັດ ແລະເຂດແຄວ້ນຂອງອິນເດຍ.
    |
 |
|
ຜູ້ແທນຕັດແຖບຜ້າເປີດສະຫຼອງຮ້ານປຸງແຕ່ງສະບຽງອາຫານຂອງຫວຽດນາມ ຢູ່ງານຕະຫຼາດນັດ WFI 2024. ພາບ: ສໍານັກຂ່າວສານຫວຽດນາມ |
ທີ່ WFI 2024, ຫວຽດນາມ ຖືກເລືອກໃຫ້ເປັນໜຶ່ງໃນ 2 ປະເທດຈຸດສຸມ (Focus Country). ນີ້ແມ່ນການຮັບຮູ້ຈາກຝ່າຍອິນເດຍ ຕໍ່ກັບການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ອິນເດຍ, ພ້ອມທັງຢືນຢັນບົດບາດຂອງຫວຽດນາມ ໃນລະບົບສະໜອງສະບຽງອາຫານທົ່ວໂລກ.
20 ວິສາຫະກິດຫວຽດນາມ ໄດ້ວາງສະແດງຜະລິດຕະພັນກະເສດ, ສະບຽງອາຫານທີ່ໄດ້ປຸງແຕ່ພິເສດ, ຄື: ໝາກໄມ້ສົດ, ໝາກໄມ້ແຫ້ງ, ໝາກຖົ່ວລຽນແຊ່ແຂງ... ຢູ່ສອງຮ້ານຄ້າຂອງປະເທດ. ໃນມື້ເປີດວັນທີ 19 ກັນຍາ, 2 ຮ້ານຂອງຫວຽດນາມ ໄດ້ດຶງດູດຄວາມສົນໃຈ, ໄດ້ຮັບການຕີລາຄາສູງຫຼາຍຈາກບັນດາບໍລິສັດຂອງອິນເດຍ ແລະຂອງປະເທດອື່ນໆ, ກໍ່ຄືດຶງດູດຄວາມສົນໃຈຂອງແຂກທີ່ມາຢ້ຽມຊົມ. ບັນດາຜະລິດຕະພັນ, ຄື: ໝາກລໍາໄຍ, ໝາກມັງກອນ, ກາເຟຂອງຫວຽດນາມ ໄດ້ຮັບຄວາມນິຍົມເປັນພິເສດຢູ່ຕະຫຼາດອິນເດຍ.
ໂດຍ: ໄຊນີດາ