leftcenterrightdel
ປະກາດໝາກຜົນການຄົ້ນຄວ້າດ້ານເສດຖະກິດຂອງນະຄອນ. ພາບ: vov.vn

ບົດລາຍງານໄດ້ສະໜອງການສັງເກດຢ່າງຮອບດ້ານກ່ຽວກັບເສດຖະກິດຂອງນະຄອນໃນໄລຍະ 6 ເດືອນຕົ້ນປີ 2024; ໄຈ້ແຍກບັນດາສິ່ງທ້າທາຍ, ການຄາດຄະເນຄວາມສາມາດການຟື້ນຟູ, ສະເໜີບັນດານະໂຍບາຍໃຫ້ອຳນາດການປົກຄອງນະຄອນ. ຕາມນັ້ນແລ້ວ, ໃນ 6 ເດືອນຕົ້ນປີ 2024, ເສດຖະກິດຂອງນະຄອນໂຮ່ຈີມິນ ເຕີບໂຕດີພໍສົມຄວນດ້ວຍລະດັບ 6,64%. ໃນ 6 ເດືອນທ້າຍປີ, ການສົ່ງອອກຂອງນະຄອນໂຮ່ຈີມິນ ເວົ້າສະເພາະ ແລະຂອງຫວຽດນາມ ເວົ້າລວມ ຈະສືບຕໍ່ໄດ້ຮັບຜົນປະໂຫຍດຈາກການເຕີບໂຕເສດຖະກິດທົ່ວໂລກ ແລະ ຖ້າສະດວກ, ຄາດວ່າ, ນະຄອນຈະບັນລຸລະດັບເຕີບໂຕແຕ່ 7-7,5%.

ທ່ານສາດສະດາຈານ, ປະລິນຍາເອກ ຫງວຽນຈ້ອງຮວ່າຍ, ສະມາຊິກກຸ່ມຄົ້ນຄວ້າບົດລາຍງານ ໃຫ້ຮູ້ວ່າ: “ຫວຽດນາມ ຍັງຕ້ອງອີງໃສ່ 2 ຕະຫຼາດສົ່ງອອກທີ່ເດີມນັ້ນແມ່ນ ອາເມລິກາ ແລະຈີນ, ທັງ 2 ຕະຫຼາດນີ້ລ້ວນແຕ່ມີການຜັນແປຫຼາຍຢ່າງ. ສະນັ້ນ, ມາດຕະການແກ້ໄຂໃນໄລຍະຈະມາເຖິງແມ່ນຕ້ອງເປີດກວ້າງການສົ່ງອອກດ້ວຍວິທີຫັນຕະຫຼາດເປັນຫຼາຍຮູບຫຼາຍແບບ, ພິເສດແມ່ນຕະຫຼາດອິນເດຍ ແລະຕາເວັນອອກກາງ. ກ່ຽວກັບການບໍລິໂພກແມ່ນສືບຕໍ່ກະຕຸ້ນປະຊາຊົນຊື້ສິນຄ້າ. ກ່ຽວກັບອຸດສາຫະກຳ, ແມ່ນຕ້ອງເອົາໃຈໃສ່ເຖິງວິສາຫະກິດພາຍໃນປະເທດ, ເຮັດແນວໃດເພື່ອສ້າງເງື່ອນໄຂໃຫ້ເຂົາເຈົ້າເຂົ້າຮ່ວມຕະຫຼາດດ້ວຍແຫຼ່ງທຶນດີທີ່ສຸດ”.

ແຫຼ່ງຄັດຈາກ: vovworld.vn