ກອງປະຊຸມ ແນໃສ່ຍົກສູງຄວາມຮັບຮູ້ຂອງບັນດາຝ່າຍທີ່ກ່ຽວຂ້ອງເຖິງບົດບາດຂອງເສດຖະກິດໝູນວຽນຕໍ່ເປົ້າໝາຍພັດທະນາໃນຂະແໜງກະສິກໍາ; ຜັນຂະຫຍາຍແຜນຮ່າງພັດທະນາວິທະຍາສາດ ແລະນໍາໃຊ້, ຖ່າຍທອດເຕັກໂນໂລຢີຊຸກຍູ້ເສດຖະກິດໝູນວຽນໃນກະສິກໍາ ຮອດປີ 2030 ເຊິ່ງລັດຖະບານ ຫາກໍ່ອະນຸມັດຜ່ານ; ສະເໜີບັນດາມາດຕະການກ່ຽວກັບກົນໄກ ແລະນະໂຍບາຍໃຫ້ແກ່ການພັດທະນາເສດຖະກິດໝູນວຽນຢູ່ຫວຽດນາມ.

leftcenterrightdel
ບັນຍາກາດທີ່ກອງປະຊຸມ. ພາບ: UNDP

ກ່າວຄໍາເຫັນທີ່ກອງປະຊຸມ, ທ່ານ ຟຸ່ງດຶກຕຽນ ຮອງລັດຖະມົນຕີກະຊວງກະສິກຳ ແລະພັດທະນາຊົນນະບົດຫວຽດນາມ ຢັ້ງຢືນວ່າ ການພັດທະນາເສດຖະກິດໝູນວຽນໃນຂົງເຂດກະສິກຳ ທັງແມ່ນຄວາມຮຽກຮ້ອງ, ທ່າອ່ຽງ, ພ້ອມທັງແມ່ນມາດຕະການພັດທະນາກະສິກໍາແບບຍືນຍົງ ແລະມີປະສິດທິຜົນ ແນໃສ່ຜັນຂະຫຍາຍຄໍາໝັ້ນສັນຍາສາກົນຕ່າງໆກ່ຽວກັບການພັດທະນາສີຂຽວ ແລະຍືນຍົງ: “ກອງປະຊຸມນີ້ມີຄວາມໝາຍດ້ານພຶດຕິກຳຕົວຈິງ, ແນະນໍາຮູບແບບຂອງຫວຽດນາມ, ພິເສດແມ່ນຮູບແບບທີ່ດີຂອງໂລກເພື່ອໃຫ້ພວກເຮົາຄັດເລືອກ, ຜັນຂະຫຍາຍ. ຂ້າພະເຈົ້າ ເຊື່ອໝັ້ນວ່າກອງປະຊຸມນີ້ຈະແມ່ນປະຖົມປັດໄຈ, ແມ່ນພື້ນຖານເພີ່ມທະວີການຮ່ວມມືຫຼາຍຝ່າຍ ແລະສົມທົບ ຫຼາຍຂະແໜງເພື່ອນໍາສະເໜີ, ຜັນຂະຫຍາຍບັນດາການເຄື່ອນໄຫວລະອຽດໃນຕ່ອງໂສ້ກະສິກໍາໝູນວຽນ, ຄື ຄໍາໝັ້ນສັນຍາຂອງທ່ານນາຍົກລັດຖະມົນຕີ ຮອດປີ 2050 ຫວຽດນາມ ບັນລຸການປ່ອຍອາຍພິດລົງລະດັບ 0.

ເປັນປະທານຮ່ວມເຫດການ, ທ່ານນາງ Ramla Khalidi ຫົວໜ້າຄະນະຜູ້ຕາງໜ້າ, ອົງການພັດທະນາ ສປຊ ປະຈໍາ ຫວຽດນາມ ເນັ້ນໜັກວ່າ: “ການສົນທະນາໃນມື້ນີ້ແມ່ນພະຍານຫຼັກຖານໃຫ້ເຫັນຄໍາໝັ້ນສັນຍາຂອງຫວຽດນາມ ໃນການຫັນປ່ຽນກະສິກໍາຕາມທິດປົກປັກຮັກສາສິ່ງແວດລ້ອມ ແລະຊຸກຍູ້ການປ່ຽນໃໝ່ ແລະຄວາມສາມາດໃນການແກ່ງແຍ້ງ”.

ເນື່ອງໃນໂອກາດນີ້, UNDP ກໍຖະແຫຼງການຄົ້ນຄວ້າຈະມາເຖິງຂອງຕົນກ່ຽວກັບລະບົບມູນຄ່າກາເຟ ແລະເຂົ້າໂດຍສົມທົບກັບສະຖາບັນຍຸດທະສາດກະສິກໍາ ແລະພັດທະນາຊົນນະບົດ, ສະຖາບັນລ້ຽງສັດ ແລະສະຖາບັນເສດຖະກິດກະສິກໍາ ເພື່ອສ້າງມາດຕະການສັງລວມໃໝ່ໃຫ້ແກ່ລະບົບມູນຄ່າກະສິກໍາ-ສະບຽງອາຫານໝູນວຽນ, ການປ່ອຍກາກບອນຕໍ່າ.

ບັນດາຝ່າຍກໍ່ເຫັນດີເປັນເອກະພາບ, ໃຫ້ຄໍາໝັ້ນສັນຍາຊຸກຍູ້ການຮ່ວມມືສາກົນ ແລະສົມທົບຫຼາຍຂະແໜງກ່ຽວກັບກະສິກໍາໝູນວຽນ, ກຽມພ້ອມແບ່ງປັນຄວາມຮັບຜິດຊອບປະຕິບັດຄໍາໝັ້ນສັນຍາສາກົນກ່ຽວກັບການປ່ຽນແປງຂອງດິນຟ້າອາກາດ ແລະເປົ້າໝາຍ Net - Zero ຂອງຫວຽດນາມ.

ໂດຍ: ໄຊນີດາ