ການຮ່ວມມືອາຊຽນ - ຈີນກ່ຽວກັບຕ່ອງໂສ້ອຸດສາຫະກໍາ ແລະຕ່ອງໂສ້ການສະໜອງ
ກປ.ອອນໄລ - ວັນທີ 6 ແລະ 7 ກໍລະກົດ, ຢູ່ນະຄອນດ່າໜັງ, ສະຖາບັນການພົວພັນຕ່າງປະເທດ (DAV) ໄດ້ສົມທົບກັບມະຫາວິທະຍາໄລການຕ່າງປະເທດ ສປ ຈີນ (CFAU) ຈັດຕັ້ງກອງປະຊຸມກຸ່ມປະຕິບັດງານໃນຂອບເຂດເຄືອຂ່າຍສະຖາບັນຄົ້ນຄວ້າອາຊຽນ-ຈີນ. (NACT) ດ້ວຍຫົວຂໍ້ "ການຮ່ວມມືອາຊຽນ-ຈີນ ກ່ຽວກັບຕ່ອງໂສ້ອຸດສາຫະກຳ ແລະຕ່ອງໂສ້ການສະໜອງ".
    |
 |
|
ບັນດາຜູ້ແທນຖ່າຍຮູບເປັນທີ່ລະນຶກ. ພາບ: qdnd.vn |
ກອງປະຊຸມກຸ່ມປະຕິບັດງານຄັ້ງນີ້ແມ່ນໂອກາດເພື່ອໃຫ້ບັນດານັກຊ່ຽວຊານ, ນັກວິຊາການຂອງບັນດາປະເທດອາຊຽນ ແລະສປ ຈີນ ພ້ອມກັນປຶກສາຫາລື, ແບ່ງປັນ ແລະຍົກມາດຕະການແກ້ໄຂຍຸດທະສາດອອກເພື່ອສ້າງເງື່ອນໄຂໃຫ້ບັນດາພາກສ່ວນກ່ຽວຂ້ອງເຂົ້າຮ່ວມຢ່າງເລິກເຊິ່ງກວ່າໃນລະບົບຕ່ອງໂສ້ການສະໜອງ, ຊຸກຍູ້ການຜະລິດ ແລະບໍລິໂພກສິນຄ້າ.
ໃນມື້ທຳອິດ, ບັນດາຜູ້ແທນໄດ້ນຳສະເໜີ 11 ບົດປະກອບຄຳເຫັນ, ໂດຍສຸມໃສ່ວິເຄາະທ່າອ່ຽງໃໝ່ຂອງການຫັນປ່ຽນລະບົບຕ່ອງໂສ້ອຸດສາຫະກຳ ແລະຕ່ອງໂສ້ການສະໜອງທົ່ວໂລກ, ພ້ອມທັງຕີລາຄາຜົນກະທົບຕໍ່ເສດຖະກິດຈີນ ແລະບັນດາປະເທດອາຊຽນ; ຜ່ານນັ້ນ, ພ້ອມກັນແລກປ່ຽນ ແລະປຶກສາຫາລືກ່ຽວກັບກາລະໂອກາດ ແລະສິ່ງທ້າທາຍວາງອອກໃຫ້ບັນດາປະເທດອາຊຽນ ແລະຈີນ ໃນສະພາບການໃໝ່, ຍົກອອກບາງຂໍ້ສະເໜີແນະຈຳນວນໜຶ່ງ ເພື່ອສືບຕໍ່ຊຸກຍູ້ການຮ່ວມມືລະຫວ່າງ 2 ຝ່າຍ. ການເຮັດວຽກໃນມື້ຕໍ່ມາ, ບັນດາຜູ້ແທນຈະໄປສຳຫຼວດທ່າກຳປັ່ນດ່ານັງ ແລະແລກປ່ຽນກ່ຽວກັບບັນດາກາລະໂອກາດຮ່ວມມືໃນຂົງເຂດຄົມມະນາຄົມຂົນສົ່ງ, logistics , ນໍາເຂົ້າ-ສົ່ງອອກລະຫວ່າງອາຊຽນ ແລະຈີນ.
ໂດຍ: ໄຊນີດາ