ບໍລິສັດການບິນ Vietnam Airlines ຮ່ວມມືກັບອິນເດຍ ສ້າງຂົວຕໍ່ພັດທະນາການທ່ອງທ່ຽວ
ກປ.ອອນໄລ - ວັນທີ 16 ພຶດສະພາ, ບໍລິສັດການບິນແຫ່ງຊາດຫວຽດນາມ (Vietnam Airlines) ພ້ອມກັບບັນດາຄູ່ຮ່ວມມືໄດ້ຈັດພິທີເປີດສູນຂໍ້ມູນຂ່າວສານດ້ານການທ່ອງທ່ຽວຫວຽດນາມ ຢູ່ອິນເດຍ.
ຕາມຜູ້ຕາງໜ້າຂອງບໍລິສັດການບິນແຫ່ງຊາດຫວຽດນາມ ແລ້ວ, ການເປີດສູນຂໍ້ມູນຂ່າວສານດ້ານການທ່ອງທ່ຽວຫວຽດນາມ ຢູ່ອິນເດຍ ຈະສ້າງຂົວເຊື່ອມຕໍ່ພັດທະນາການທ່ອງທ່ຽວ, ກໍຄືປະກອບສ່ວນເພີ່ມທະວີການຮ່ວມມືຫຼາຍດ້ານລະຫວ່າງສອງປະເທດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/17/upload_2121/17052024-tt01-01.jpg?dpi=150&quality=100&w=500) |
ເອກອັກຄະລັດຖະທູດຫວຽດນາມ ປະຈຳອິນເດຍ, ຜູ້ອຳນວຍການໃຫຍ່ບໍລິສັດການບິນຫວຽດນາມ ເລຮົ່ງຮ່າ ແລະຜູ້ຕາງໜ້າບັນດາຄູ່ຮ່ວມມືຕັດແຖບຜ້າເປີດສູນຂໍ້ມູນຂ່າວສານດ້ານການທ່ອງທ່ຽວຫວຽດນາມ ຢູ່ ອິນເດຍ. ພາບ: ສໍານັກຂ່າວສານຫວຽດນາມ |
ເປົ້າໝາຍໃຫຍ່ທີ່ສຸດຂອງສູນແມ່ນຂຸດຄົ້ນຕະຫຼາດການທ່ອງທ່ຽວອິນເດຍ ຢ່າງມີປະສິດທິຜົນ, ຈາກນັ້ນດຶງດູດນັກທ່ອງທ່ຽວຢູ່ອິນເດຍ ມາຫວຽດນາມ ນັບມື້ນັບຫຼາຍ. ບັນດາຜະລິດຕະພັນການທ່ອງທ່ຽວທີ່ພົ້ນເດັ່ນຂອງຫວຽດນາມ ຈະໄດ້ຮັບການໂຄສະນະ ແລະແນະນຳຢູ່ສູນ, ຊ່ວຍໃຫ້ນັກທ່ອງທ່ຽວສາມາດຊອກຮູ້ ແລະເລືອກເຟັ້ນສະຖານທີ່ທ່ອງທ່ຽວ. ນີ້ກໍ່ແມ່ນສະຖານທີ່ເຊື່ອມຕໍ່ລະຫວ່າງບັນດາບໍລິສັດການທ່ອງທ່ຽວ, ລະບົບພັດຕະຄານ, ໂຮງແຮມ, ເຂດລະຫຼີ້ນບັນເທິງ... ຂອງຫວຽດນາມ ກັບບັນດາຄູ່ຮ່ວມມືຢູ່ ອິນເດຍ.
ໃນວັນດຽວກັນ, ບໍລິສັດການບິນ Vietnam Airlines ໄດ້ສົມທົບກັບບັນດາບໍລິສັດ Vietravel, VinGroup, SunGroup ແລະບັນດາບໍລິສັດການທ່ອງທ່ຽວຂອງອິນເດຍ ດຳເນີນພິທີປຸກລະດົມການທ່ອງທ່ຽວຫວຽດນາມ ຢູ່ນະຄອນຫຼວງ Delhi.
ໂດຍ: ທູຈາງ