ຊາວ​ຫວຽດ​ນາມ ອາ​ໄສ​ຢູ່​ຕ່າງ​ປະ​ເທດ ຈັດ​ພິ​ທີ​ສ​ະ​ເຫຼີມ​ສະຫຼອງ 134 ປີ​ແຫ່ງວັນ​ຄ້າຍ​ວັນ​ເກີດ​ປະ​ທານ​ໂຮ່​ຈີ​ມິນ

ພໍ່ແມ່ປະຊາຊົນຊາວຫວຽດນາມ ໄດ້ຖະຫວາຍທູບທຽນສະແດງຄວາມເຄົາລົບ ແລະຄວາມຮູ້ບຸນຄຸນ ຕໍ່ປະທານໂຮ່ຈີມິນ. ພາບ: vov.vn

ຕອນບ່າຍວັນທີ 16 ພຶດສະພາ, ຢູ່ເຂດອະນຸສອນສະຖານປະທານໂຮ່ຈີມິນ ຢູ່ ບ້ານຊຽງວາງ, ເມືອງຫນອງບົກ, ແຂວງຄຳມ່ວນ, ລາວ ໄດ້ດຳເນີນພິທີສະເຫຼີມສະຫຼອງ 134 ປີແຫ່ງວັນຄ້າຍວັນເກີດປະທານໂຮ່ຈີມິນ (19-5-1890/19-5-2024). ທີ່ພິທີ, ຜູ້ຕາງໜ້າອຳນາດການປົກຄອງທ້ອງຖິ່ນ; ຜູ້ຕາງໜ້າສະຖານທູດ, ກົງສູນໃຫຍ່, ສະມາຄົມຊາວຫວຽດນາມ ອາໄສຢູ່ລາວ ພ້ອມກັບພໍ່ແມ່ປະຊາຊົນຊາວຫວຽດນາມ ໄດ້ຖະຫວາຍທູບທຽນ ສະແດງຄວາມເຄົາລົບ ແລະຄວາມຮູ້ບຸນຄຸນຕໍ່ປະທານໂຮ່ຈີມິນ, ພ້ອມທັງຫວນຄືນບັນດາຂີດໝາຍສຳຄັນໃນການດຳລົງຊີວິດເຄື່ອນໄຫວປະຕິວັດຂອງປະທານໂຮ່ຈີມິນ, ຫວນຄືນບັນດາຄວາມຊົງຈຳ ຂອງປະຊາຊົນ ຊຽງວາງ ກ່ອນນີ້ 90 ປີ, ເມື່ອເພິ່ນມາ ຊຽງວາງ (ລາວ) ເພື່ອພົບປະ, ໂອ້ລົມກັບພໍ່ແມ່ປະຊາຊົນຫວຽດນາມ ແລະ ປະຊາຊົນລາວ.

ໃນວັນດຽວກັນ, ສະຖານທູດຫວຽດນາມ ປະຈຳ ອິດສະລາແອັນ ກໍ່ໄດ້ສົມທົບກັບສູນບຳລຸງສ້າງກະສິກຳສາກົນ (Agrostudies)  ຈັດພິທີສະເຫຼີມສະຫຼອງ 134 ປີແຫ່ງວັນຄ້າຍວັນເກີດປະທານໂຮ່ຈີມິນ.

ຂ່າວ: ວິທະຍຸ​ກະຈາ​ຍສຽງ​ຫວຽດນາມ