Eurasia ຢາກເອົາບົດຂຽນກ່ຽວກັບຜົນງານແຫ່ງການປ່ຽນແປງໃໝ່, ພັດທະນາຂອງຫວຽດນາມ ລົງວາລະສານຫຼາຍກວ່າອີກ
ກປ.ອອນໄລ - ຫວ່າງມໍ່ໆນີ້, ທ່ານນາງ ຫງວຽນທິບິກຖາວ ເອກອັກຄະລັດຖະທູດຫວຽດນາມ ປະຈຳ ຮຸງກາຣີ ໄດ້ໃຫ້ການຕ້ອນຮັບທ່ານ ປອ Levente Horvath, ຫົວໜ້າສູນ Eurasia, ຫົວໜ້າບັນນາທິການວາລະສານ Eurasia ຂຶ້ນກັບມະຫາວິທະຍາໄລ John von Neumann (ຮຸງກາຣີ).
ທີ່ການຕ້ອນຮັບ, ທ່ານ ປອ Levente Horvath ສະແດງຄວາມປາດຖະໜາຢາກໃຫ້ວາລະສານ Eurasia ເອົາບົດຂຽນກ່ຽວກັບຜົນງານແຫ່ງການປ່ຽນແປງໃໝ່ ແລະການພັດທະນາຂອງຫວຽດນາມ ລົງວາລະສານຫຼາຍກວ່າອີກ.
ທ່ານ ປອ Levente Horvath ໄດ້ສະແດງຄວາມຂອບອົກຂອບໃຈຕໍ່ການຮ່ວມມືລະຫວ່າງສະຖານທູດ ແລະ ວາລະສານໃນໄລຍະຜ່ານມາ. ທ່ານປາດຖະໜາຢາກສືບຕໍ່ຮ່ວມມືໃນຫຼາຍດ້ານກວ່າອີກ, ຄື: ເພີ່ມທະວີການຮ່ວມມືດ້ານການສຶກສາລະຫວ່າງມະຫາວິທະຍາໄລ John von Neumann ກັບມະຫາວິທະຍາໄລແຫ່ງຕ່າງໆຂອງຫວຽດນາມ; ເອົາບົດຂຽນກ່ຽວກັບຫວຽດນາມ ຈາກທັດສະນະຂອງຊາວຫວຽດນາມໃນຂົງເຂດເສດຖະກິດ, ການເມືອງ, ວັດທະນະທຳ, ການທ່ອງທ່ຽວ, ອາຫານການກິນ ລົງວາລະສານໃຫ້ຫຼາຍຕື່ມອີກ... ເພື່ອແນໃສ່ເພີ່ມທະວີຄວາມເຂົ້າໃຈ ແລະແຈ້ງໃຫ້ຊາວຮຸງກາຣີ ຮັບຊາບກ່ຽວກັບຜົນງານແຫ່ງການປ່ຽນແປງໃໝ່ ແລະການພັດທະນາຂອງປະຊາຊົນຫວຽດນາມ ໃນໄລຍະມໍ່ໆມານີ້.
    |
 |
|
ພາບປະກອບ: ສໍານັກຂ່າວສານຫວຽດນາມ |
ທ່ານນາງເອກອັກຄະລັດຖະທູດ ຫງວຽນທິບິກຖາວ ສະແດງຄວາມກຽມພ້ອມໃນການສະໜອງຂໍ້ມູນຂ່າວສານທີ່ອັບເດດສະພາບການພັດທະນາຂອງຫວຽດນາມ ໃຫ້ຜູ້ອ່ານຮຸງກາຣີ, ມຸ່ງໄປເຖິງຄວາມສະໜິດຕິດພັນໃຫ້ຫຼາຍກວ່າເກົ່າ ແລະຮັດແຄບຊ່ອງຫວ່າງດ້ານວັດທະນະທຳ ກໍຄືສ້າງຄວາມໄວ້ເນື້ອເຊື່ອໃຈ, ຜ່ານນັ້ນປະກອບສ່ວນຊຸກຍູ້ການພັດທະນາເສດຖະກິດ, ການຄ້າ, ການທ່ອງທ່ຽວ, ແຮງງານ ... ລະຫວ່າງປະຊາຊົນສອງປະເທດ.
ໂດຍ: ທູຈາງ