ຫວຽດນາມ - ລາວ - ກໍາປູເຈຍ ຈະສົມທົບກັນຝຶກຊ້ອມແຜນການດັບເພີງຕ້ານອັກຄີໄພ ແລະກູ້ໄພກູ້ຊີບຢູ່ນະຄອນ ດ່ານັງ
ກປ.ອອນໄລ - ໃນລະຫວ່າງວັນທີ 28-29 ມີນາ, ຢູ່ນະຄອນດ່ານັງ, ກະຊວງຕຳຫຼວດຫວຽດນາມ ຈະຈັດຕັ້ງກອງປະຊຸມສຳມະນາ ແລະການຝຶກຊ້ອມແຜນການດັບເພີງຕ້ານອັກຄີໄພ ແລະກູ້ໄພກູ້ຊີບໃນຂອບເຂດກອງປະຊຸມປະຈຳປີຂອງລັດຖະມົນຕີຕໍາຫຼວດ, ພາຍໃນ ກໍາປູເຈຍ - ລາວ -ຫວຽດນາມ ຄັ້ງທຳອິດ.
ການເຄື່ອນໄຫວດັ່ງກ່າວມີການເຂົ້າຮ່ວມຂອງການນຳກະຊວງຕຳຫຼວດ, ພາຍໃນຂອງ 3 ປະເທດ; ການນຳບັນດາຫົວໜ່ວຍວິຊາສະເພາະຂອງກະຊວງຕຳຫຼວດ; ຕຳຫຼວດນະຄອນ ດ່ານັງ ແລະຕຳຫຼວດ 19 ທ້ອງຖິ່ນທີ່ມີຊາຍແດນຕິດກັບລາວ ແລະກຳປູເຈຍ.
|
|
ພາບປະກອບຈາກ baophapluat.vn |
ກອງປະຊຸມສໍາມະນາກ່ຽວກັບວຽກງານຕ້ານອັກຄີໄພ ແລະກູ້ໄພກູ້ຊີບ ຄັ້ງນີ້ ຈະໄດ້ຈັດຂຶ້ນທີ່ໂຮງແຮມ Intercontinental ດ້ວຍເນື້ອໃນ: ແລກປ່ຽນປະສົບການໃນການຜັນຂະຫຍາຍວຽກງານຕ້ານອັກຄີໄພ ແລະກູ້ໄພກູ້ຊີບ ແລະທິດທາງການຮ່ວມມືໃນໄລຍະຈະມາເຖິງ; ງານວາງສະແດງຮູບພາບກ່ຽວກັບວຽກງານຕ້ານອັກຄີໄພ ແລະກູ້ໄພກູ້ຊີບຂອງຫວຽດນາມ; ສະແດງ ແລະແນະນຳອຸປະກອນທີ່ທັນສະໄໝຈຳນວນໜຶ່ງຂອງກຳລັງຕຳຫຼວດຕ້ານອັກຄີໄພ ແລະກູ້ໄພກູ້ຊີບຫວຽດນາມ.
ທ່ານພົນຈັດຕະວາ ຫງວຽນດິ່ງຮວ່ານ, ຮອງຫົວໜ້າກົມຕຳຫຼວດຕ້ານອັກຄີໄພ ແລະກູ້ໄພກູ້ຊີບ ໃຫ້ຮູ້ວ່າ: ຜ່ານການເຄື່ອນໄຫວ, ແນໃສ່ເສີມຂະຫຍາຍມູນເຊື້ອພົວພັນມິດຕະພາບ ແລະຊ່ວຍເຫຼືອເຊິ່ງກັນ ແລະກັນລະຫວ່າງກໍາລັງຕຳຫຼວດ, ພາຍໃນຂອງ 3 ປະເທດ. ທັງແມ່ນກາລະໂອກາດເພື່ອແລກປ່ຽນ, ແບ່ງປັນບົດຮຽນປະສົບການເພື່ອແນໃສ່ຍົກສູງຄວາມສາມາດໃຫ້ຝ່າຍຕ່າງງໆໃນວຽກງານຕ້ານອັກຄີໄພ ແລະກູ້ໄພກູ້ຊີບກວ່າອີກ.
ໂດຍ: ຈາງຫງວຽນ