ຕອນຄ່ຳວັນທີ 2 ຕຸລາ, ຢູ່ນະຄອນໂຮ່ຈີມິນ, ທີ່ການຕ້ອນຮັບທ່ານ Masahiro Tatsumisago, ຜູ້ອໍານວຍການມະຫາວິທະຍາໄລ Osaka Metropolitan (ຍີ່ປຸ່ນ), ທ່ານ ເຢືອງແອງດຶກ, ຮອງປະທານຄະນະກຳມະການປະຊາຊົນນະຄອນໂຮ່ຈີມິນ ໄດ້ສະແດງຄວາມປາດຖະໜາວ່າ ມະຫາວິທະຍາໄລ Osaka Metropolitan ຈະເພີ່ມທະວີການຮ່ວມມືກັບຮາກຖານການສຶກສາກໍ່ສ້າງ, ສະຖາບັນຄົ້ນຄ້ວາຂອງນະຄອນໃນການຄົ້ນຄວ້າ, ຖ່າຍທອດເຕັກໂນໂລຊີ, ຍົກສູງຄຸນນະພາບຂອງຊັບພະຍາກອນມະນຸດ, ເປັນຕົ້ນແມ່ນໃນຂົງເຂດສາທາລະນະສຸກ, ຊັບພະຍາກອນມະນຸດດີຈີຕອນ, ເຕັກໂນໂລຊີສໍາຮອງ. ທ່ານ ເຢືອງແອງດຶກ ໃຫ້ຮູ້ວ່າ ນະຄອນໂຮ່ຈີມິນ ສະໜັບສະໜູນມະຫາວິທະຍາໄລ Osaka Metropolitan ເພີ່ມທະວີການຮ່ວມມື, ຊຸກຍູ້ການເຄື່ອນໄຫວແລກປ່ຽນ.

leftcenterrightdel
ບັນດາຜູ້ແທນຖ່າຍຮູບເປັນທີ່ລະນຶກພາຍຫຼັງການຕ້ອນຮັບ. ພາບ: ສໍານັກຂ່າວສານຫວຽດນາມ.

ສ່ວນທ່ານ Masahiro Tatsumisago ແບ່ງປັນວ່າ ມະຫາວິທະຍາໄລ Osaka Metropolitan ຖືມະຫາວິທະຍາໄລແຫ່ງຊາດ ຮ່າໂນ້ຍ ແລະມະຫາວິທະຍາໄລແຫ່ງຊາດ ນະຄອນ ໂຮ່ຈີມິນ ແມ່ນບັນດາຄູ່ຮ່ວມມືຍຸດທະສາດ; ຫວັງວ່າ ຄະນະກຳມະການປະຊາຊົນນະຄອນໂຮ່ຈີມິນ ຈະສ້າງເງື່ອນໄຂສະດວກໃຫ້ມະຫາວິທະຍາໄລ Osaka Metropolitan ເພີ່ມທະວີການຮ່ວມມື, ເພີ່ມຈຳນວນນັກສຶກສາດີເດັ່ນຂອງບັນດາມະຫາວິທະຍາໄລຂອງນະຄອນໄປຮຽນຢູ່ຍີ່ປຸ່ນ ແລະຜັນຂະຫຍາຍບັນດາໂຄງການຄົ້ນຄວ້າຊຸມຊົນຢູ່ນະຄອນ ໂຮ່ຈີມິນ.

ໂດຍ: ຈາງຫງວຽນ