ເປີດສາຍການບິນເຊື່ອມຕໍ່ລະຫວ່າງຫວຽດນາມ ແລະຍີ່ປຸ່ນ, ສ. ເກົາຫຼີ ຄືນໃໝ່
ກປ.ອອນໄລ - ວັນທີ 10 ພຶດສະພາ, ບໍລິສັດການບິນແຫ່ງຊາດຫວຽດນາມ (Vietnam Airlines) ໃຫ້ຮູ້ວ່າ ບໍລິສັດຈະເປີດ 8 ສາຍການບິນເຊື່ອມຕໍ່ລະຫວ່າງຫວຽດນາມ ແລະຍີ່ປຸ່ນ, ສ. ເກົາຫຼີ ແຕ່ວັນທີ 15 ພຶດສະພາ ແລະເປີດ 3 ສາຍການບິນໄປຍັງ ສ. ເກົາຫຼີ ຄືນໃໝ່ໃນວັນທີ 1 ມີຖຸນາ.
    |
 |
|
ພາບປະກອບຄັດຈາກ: ສຳນັກຂ່າວສານຫວຽດນາມ. |
ລາຍລະອຽດ, ສຳລັບສາຍການບິນໄປຍັງ ຍີ່ປຸ່ນ, ແມ່ນແຕ່ວັນທີ 15 ພຶດສະພານີ້, ທາງບໍລິສັດຈະເພີ່ມຖ້ຽວບິນ 1-2 ຖ້ຽວຕໍ່ອາທິດໃນສາຍການບິນລະຫວ່າງຮ່າໂນ້ຍ, ນະຄອນໂຮ່ຈີມິນ ແລະບັນດານະຄອນ: ໂຕກຽວ, ໂອຊາກາ, ນາໂກຢາ ຕື່ມອີກ. ນັບແຕ່ວັນທີ 1 ກໍລະກົດ, Vietnam Airlines ຈະເປີດສາຍການບິນລະຫວ່າງດ່ານັ້ງ ແລະໂຕກຽວ ຄືນໃໝ່. ສຳລັບສາຍການບິນໄປຍັງ ສ. ເກົາຫຼີ, ແຕ່ວັນທີ 15 ພຶດສະພາ, ທາງບໍລິສັດ ຈະເພີ່ມ 3-4 ຖ້ຽວຕໍ່ອາທິດໃນສາຍການບິນລະຫວ່າງຮ່າໂນ້ຍ, ນະຄອນໂຮ່ຈີມິນ ແລະເຊີອູນ. ນັບແຕ່ວັນທີ 1 ມີຖຸນາເປັນຕົ້ນໄປ, Vietnam Airlines ຈະເປີດສາຍການບິນຄືນໃໝ່ລະຫວ່າງຮ່າໂນ້ຍ ແລະບູຊານ, ລະຫວ່າງດ່ານັ້ງ ແລະເຊີອູນ; ນັບແຕ່ວັນທີ 1 ກໍລະກົດເປັນຕົ້ນໄປແມ່ນຈະເປີດສາຍການບິນລະຫວ່າງນະຄອນໂຮ່ຈີມິນ ແລະບູຊານ ຄືນໃໝ່. ເພີ່ມ 3-4 ຖ້ຽວຕໍ່ອາທິດ.
ໂດຍ: ແສງເດືອນ