ມຸ່ງໄປເຖິງກອງປະຊຸມສຸດຍອດຂອງ ສປຊ ກ່ຽວກັບລະບົບທັນຍາຫານ-ສະບຽງອາຫານ ປີ 2021
ກປ.ອອນໄລ - ຕອນເຊົ້າວັນທີ 15 ມິຖຸນາ, ກະຊວງກະສິກໍາ ແລະພັດທະນາຊົນນະບົດ ສົມທົບກັບຜູ້ຕາງໜ້າກະຊວງການຕ່າງປະເທດ, ກະຊວງສາທາລະນະສຸກ, ກະຊວງຊັບພະຍາກອນ ແລະສິ່ງແວດລ້ອມ, ກະຊວງອຸດສາຫະກຳ ແລະການຄ້າ, ກະຊວງແຜນການ ແລະການລົງທຶນ, ສປຊ ປະຈຳ ຫວຽດນາມ ແລະຄູ່ຮ່ວມມືສາກົນ, ສະຖາບັນຄົ້ນຄວ້າ, ມະຫາວິທະຍາໄລ, ວິສາຫະກິດ, ສະມາຄົມ ແລະຝ່າຍຕ່າງໆທີ່ກ່ຽວຂ້ອງ, ຈັດຕັ້ງການເຈລະຈາແຫ່ງຊາດ ຄັ້ງທີ 1 ຢູ່ຮ່າໂນ້ຍ.
ນີ້ແມ່ນເຫດການສໍາຄັນເພື່ອແນໃສ່ກະກຽມໃຫ້ຫວຽດນາມ ເຂົ້າຮ່ວມກອງປະຊຸມສຸດຍອດກ່ຽວກັບລະບົບທັນຍາຫານ-ສະບຽງອາຫານຂອງ ສປຊ ທີ່ຈະດໍາເນີນໃນເດືອນກັນຍາ ປີນີ້. ກອງປະຊຸມສຸດຍອດ ປີ 2021 ຂອງ ສປຊ ແນໃສ່ກໍານົດທິດໃຫ້ລະບົບທັນຍາຫານ-ສະບຽງອາຫານໄດ້ຮັບການພັດທະນາແບບຍືນຍົງກວ່າ, ຮອບດ້ານກວ່າ ແລະມີຄວາມສາມາດຮັບມືດີກວ່າ, ສ້າງຜົນກະທົບຫຼາຍທິດເພື່ອບັນລຸໄດ້ເປົ້າໝາຍພັດທະນາແບບຍືນຍົງໃນປີ 2030.
|
|
ພາບປະກອບຄັດຈາກ: thoibaotaichinhvietnam.vn. |
ການເຈລະຈາແຫ່ງຊາດ ຄັ້ງທີ 1 ຈະສຸມໃສ່ 2 ເນື້ອໃນຕົ້ນຕໍກ່ຽວກັບສະພາບການ ແລະບັນດາບັນຫາຄວນແກ້ໄຂໃນລະບົບທັນຍາຫານ-ສະບຽງອາຫານຂອງຫວຽດນາມ ແລະບັນດາກາລະໂອກາດ, ມາດຕະການ, ການກະທໍາເພື່ອຫັນປ່ຽນລະບົບທັນຍາຫານ-ສະບຽງອາຫານຕາມທິດໂປ່ງໃສ-ຮັບຜິດຊອບ-ຍືນຍົງຮອດປີ 2030. ຫວຽດນາມ ໄດ້ລົງທະບຽນເຂົ້າຮ່ວມກອງປະຊຸມສຸດຍອດປີນີ້ຂອງ ສປຊ. ຫົວຂໍ້ຂອງການເຈລະຈາແມ່ນເພື່ອມຸ່ງໄປເຖິງການກໍ່ສ້າງລະບົບທັນຍາຫານ-ສະບຽງອາຫານຫວຽດນາມ "ໂປ່ງໃສ-ຮັບຜິດຊອບ-ຍືນຍົງ".
ໂດຍ: ເຈິ່ນຮວ່ຽນ