ຊຸກຍູ້ການຮ່ວມມືລະຫວ່າງຫວຽດນາມ-ລາຊະອານາຈັກອັງກິດ
ກປ.ອອນໄລ - ກະຊວງອຸດສາຫະກໍາ ແລະການຄ້າຫວຽດນາມ ຫາກໍ່ປະກາດໃຊ້ຈົດໝາຍລັດຖະການວ່າດ້ວຍການກໍານົດແຫຼ່ງກໍາເນີດສິນຄ້າໃນສັນຍາການຄ້າເສລີລະຫວ່າງຫວຽດນາມ ແລະສະຫະພັນແຫ່ງລາຊະອານາຈັກອັງກິດ-ອຽກລັງເໜືອ (UKVFTA). ຈົດໝາຍລັດຖະການລວມມີພາກ: ວິທີກໍານົດແຫຼ່ງກໍາເນີດຂອງສິນຄ້າ; ໃບຢັ້ງຢືນ ແລະກວດກາແຫຼ່ງກໍາເນີດຂອງສິນຄ້າ; ມາດຕາພິເສດ; ມາດຕາປະຕິບັດ.
ກົນໄກຢັ້ງຢືນແຫຼ່ງກໍາເນີດໃນ UKVFTA ໄດ້ຊີ້ແຈ້ງເລື່ອງສົ່ງອອກສິນຄ້າຂອງຫວຽດນາມ ດ້ວຍງວດສິນຄ້າທີ່ມີມູນຄ່າຕໍ່າກວ່າ 6.000 ເອີໂຣ, ບໍ່ວ່າບໍລິສັດສົ່ງອອກໃດກໍ່ໄດ້ຮັບອະນຸຍາດອອກໃບຢັ້ງຢືນແຫຼ່ງກໍາເນີດສິນຄ້າດ້ວຍຕົນເອງ.
|
|
ພາບປະກອບຄັດຈາກ: ສໍານັກຂ່າວສານຫວຽດນາມ. |
ດ້ວຍງວດສິນຄ້າທີ່ມີມູນຄ່າຫຼາຍກວ່າ 6.000 ເອີໂຣ, ຈະໝູນໃຊ້ກົນໄກຢັ້ງຢືນແຫຼ່ງກໍາເນີດສິນຄ້າດ້ວຍຕົນເອງ (C/O) ໂດຍອົງການ, ຫົວໜ່ວຍທີ່ກະຊວງອຸດສາຫະກໍາ ແລະການຄ້າມອບສິດອອກໃຫ້. ນອກຈາກນັ້ນ, ສໍາລັບງວດສິນຄ້າທີ່ນໍາເຂົ້າເຂົ້າຫວຽດນາມ ທີ່ມີມູນຄ່າຕໍ່າກວ່າ 6.000 ເອີໂຣນັ້ນ, ບໍ່ວ່າບໍລິສັດສົ່ງອອກໃດກໍ່ໄດ້ຮັບອະນຸຍາດອອກໃບຢັ້ງຢືນແຫຼ່ງກໍາເນີດດ້ວຍຕົນເອງ. ສະເພາະງວດສິນຄ້າມີມູນຄ່າຫຼາຍກວ່າ 6.000 ເອີໂຣ, ບໍລິສັດສົ່ງອອກພຽງແຕ່ຄົບເງື່ອນໄຂຕາມການກໍານົດຂອງລາຊະອານາຈັກອັງກິດ (UK) ຈຶ່ງໄດ້ອອກໃບຢ້ັງຢືນແຫຼ່ງກໍາເນີດສິນຄ້າດ້ວຍຕົນເອງ.
ຈົດໝາຍລັດຖະການດັ່ງກ່າວມີຜົນສັກສິດນັບແຕ່ວັນທີ 26 ກໍລະກົດ 2021.
ໂດຍ: ເກື່ອງດັ້ງ