ພົບປະແລກປ່ຽນຜ່ານລະບົບທາງໄກ “ເພິ່ນແມ່ນຄວາມເຊື່ອໝັ້ນແຫ່ງໄຊຊະນະ”
ກປ.ອອນໄລ - ວັນທີ 17 ພຶດສະພາ, ທີ່ຮ່າໂນ້ຍ, ໜັງສືພິມເອເລັກໂຕນິກພັກກອມມູນິດຫວຽດນາມ ໄດ້ຈັດຕັ້ງການພົບປະແລກປ່ຽນຜ່ານລະບົບທາງໄກດ້ວຍຫົວຂໍ້ທີ່ວ່າ “ເພິ່ນແມ່ນຄວາມເຊື່ອໝັ້ນແຫ່ງໄຊຊະນະ”, ມຸ່ງໄປເຖິງເຫດການສະເຫຼີມສະຫຼອງ 131 ປີແຫ່ງວັນຄ້າຍວັນເກີດປະທານໂຮ່ຈີມິນ (19-5-1890 / 19-5-2021) ແລະສະເຫຼີມສະຫຼອງ 110 ປີແຫ່ງວັນລຸງໂຮ່ ອອກເດີນທາງໄປຊອກຫາເສັ້ນທາງກູ້ຊາດ (5-6-1911 / 5-6-2021).
ກ່າວຄຳເຫັນທີ່ລາຍການພົບປະແລກປ່ຽນ, ທ່ານ ເລແມ້ັງຮຸ່ງ, ຮອງຫົວໜ້າຄະນະໂຄສະນາສຶກສາສູນກາງພັກ ໃຫ້ຮູ້ວ່າ ການພົບປະແລກປ່ຽນແມ່ນເພື່ອແນໃສ່ໂຄສະນາກ່ຽວກັບຊີວິດ, ການເຄື່ອນໄຫວປະຕິວັດທີ່ສະຫງ່າລາສີຂອງປະທານໂຮ່ຈີມິນ, ເຊີດຊູການອຸທິດສ່ວນອັນຍິ່ງໃຫຍ່ຂອງເພິ່ນຕໍ່ກັບພາລະກິດການປະຕິວັດຂອງພັກ, ຂອງຊາດຫວຽດນາມ ແລະຕໍ່ກັບຂະບວນການກອມມູນິດ, ຂະບວນການກຳມະກອນສາກົນ; ສະແດງຄວາມເຄົາລົບນັບຖື, ອາໄລຫາ, ຮູ້ບຸນຄຸນຢ່າງເລິກເຊິ່ງຂອງປະຊາຊົນຫວຽດນາມ ແລະນ້ຳໃຈຮັກແພງ, ເຄົາລົບນັບຖືຂອງປະຊາຊົນປະເທດຕ່າງໆ ໃນໂລກຕໍ່ກັບປະທານໂຮ່ຈີມິນ.
    |
 |
|
ທ່ານ ເລແມ້ັງຮຸ່ງ, ຮອງຫົວໜ້າຄະນະໂຄສະນາສຶກສາສູນກາງພັກ ກ່າວຄຳເຫັນທີ່ການພົບປະແລກປ່ຽນ. ພາບ: ສຳນັກຂ່າວສານຫວຽດນາມ. |
ການພົບປະແລກປ່ຽນເປັນການປະກອບສ່ວນໂຄສະນາ, ສຶກສາອົບຮົມ, ຍົກສູງຄວາມຮັບຮູ້ຂອງປະຊາຊົນທຸກຊັ້ນວັນນະກ່ຽວກັບຄວາມໝາຍ, ຄວາມສຳຄັນຕໍ່ກັບການອອກເດີນທາງໄປຊອກຫາເສັ້ນທາງກູ້ຊາດຂອງປະທານໂຮ່ຈີມິນ. ນີ້ກໍ່ແມ່ນໂອກາດເພື່ອປຸກລະດົມໃຫ້ພະນັກງານ, ສະມາຊິກພັກ ແລະປະຊາຊົນສືບຕໍ່ມີຄວາມຈູບຈ້າວຫ້າວຫັນຮ່ຳຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນດຳລົງຊີວິດຂອງປະທານໂຮ່ຈີມິນ.
ໂດຍ: ແສງເດືອນ