ເສດຖະກິດຫວຽດນາມ ເຕີບໂຕຍ້ອນເຂົ້າຮ່ວມລະບົບຕ່ອງໂສ້ການສະໜອງທົ່ວໂລກ
ກປ.ອອນໄລ - ບໍລິສັດທີ່ປຶກສາ Oxford Economics ຫາກໍ່ຍົກອອກການຕີລາຄາທີ່ຕັ້ງໜ້າກ່ຽວກັບຫວຽດນາມ, ໃນນັ້ນໃຫ້ຂໍ້ສັງເກດວ່າ ໃນຂະນະທີ່ການແລກປ່ຽນດ້ານການຄ້າໂລກຫຼຸດລົງ 7,8% ໃນປີ 2020, ການສົ່ງອອກສິນຄ້າຂອງຫວຽດນາມ ໄດ້ເພີ່ມຂຶ້ນ 6,9% ເຊິ່ງແມ່ນຕົວເລກທີ່ໜ້າປະເອີບໃຈ.
ສິ່ງທີ່ໜ້າສົນໃຈອື່ນແມ່ນຍອດເງິນລົງທຶນໂດຍກົງ (FDI) ເຂົ້າຫວຽດນາມ ເພີ່ມຂຶ້ນ 0,5%, ປະກອບສ່ວນເຮັດໃຫ້ບົດບາດຂອງຫວຽດນາມ ເພີ່ມຂຶ້ນໃນລະບົບຕ່ອງໂສ້ການສະໜອງການຜະລິດ ແລະປະດິດສ້າງທົ່ວໂລກ.
|
|
ພາບປະກອບຄັດຈາກ: ສໍານັກຂ່າວສານຫວຽດນາມ |
ຕາມບໍລິສັດທີ່ປຶກສາ Oxford Economicss ແລ້ວ, ຫວຽດນາມ ຈະໄດ້ຮັບຜົນປະໂຫຍດກ່ຽວກັບຄວາມຕ້ອງການເພີ່ມຂຶ້ນສຳລັບເຄື່ອງເອເລັກໂຕນິກທົ່ວໂລກ ແລະການເຂົ້າຮ່ວມຂອງຫວຽດນາມ ໃນລະບົບຕ່ອງໂສ້ການສະໜອງດັ່ງກ່າວ. ເລື່ອງຟື້ນຟູ “ສະພາບປົກກະຕິໃໝ່” ພາຍຫຼັງພະຍາດໂຄວິດ-19 ກໍ່ຈະປະກອບສ່ວນຊຸກຍູ້ໃຫ້ການຄ້າໂລກ ແລະຫວຽດນາມ ໄດ້ຮັບຜົນປະໂຫຍດຈາກຂົງເຂດທີ່ສົ່ງອອກ. ບ້ວງເງິນກະຕຸ້ນເສດຖະກິດທີ່ມີມູນຄ່າ 1.900 ຕື້ໂດລາສະຫະລັດຂອງອາເມລິກາ ຄາດວ່າປະເທດນີ້ຈະເພີ່ມຄວາມຕ້ອງການນຳເຂົ້າສິນຄ້າຈາກຫວຽດນາມ.
ໂດຍ: ກວຽດເຕິມ