ທ່ານຮອງນາຍົກລັດຖະມົນຕີ ຈິ້ງດິ່ງຢຸ້ງ ລົງກວດກາວຽກງານຕ້ານ ແລະສະກັດກັ້ນພາຍຸ ລູກທີ 6 ຢູ່ແຂວງບິ່ງດິ້ງ
ກປ.ອອນໄລ - ຕອນບ່າຍວັນທີ 9 ພະຈິກ, ທ່ານ ຈິ້ງດິ່ງຢຸ້ງ ຮອງນາຍົກລັດຖະມົນຕີຫວຽດນາມ ໄດ້ລົງຢ້ຽມຢາມຖາມຂ່າວປະຊາຊົນທີ່ໄດ້ຮັບຜົນເສຍຫາຍຈາກພາຍຸ ລູກທີ 5 ແລະກວດກາວຽກງານຕ້ານ ແລະສະກັດກັ້ນ ພາຍຸລູກທີ 6 ຢູ່ແຂວງບິ່ງດິ້ງ.
ນະທີ່ນີ້, ທ່ານຮອງນາຍົກລັດຖະມົນຕີ ໄດ້ຢ້ຽມຢາມຖາມຂ່າວ, ລະດົມກໍາລັງໃຈ, ມອບຂອງຂວັນໃຫ້ປະຊາຊົນທີ່ຖືກຜົນເສຍຫາຍຈາກພາຍຸ ລູກທີ 5, ບັນເທົາທຸກກັບບັນດາຄວາມເສຍຫາຍຂອງປະຊາຊົນ, ຫວັງວ່າ ພໍ່ແມ່ປະຊາຊົນຈະຜ່ານຜ່າຄວາມຫຍຸ້ງຍາກກັບຄືນສູ່ການດຳລົງຊີວິດເປັນປົກກະຕິໂດຍໄວ. ພ້ອມທັງຮຽກຮ້ອງໃຫ້ແຂວງບິ່ງດິ້ງ ລະດົມທຸກກໍາລັງເພື່ອ ຮັບມືກັບພາຍຸ ລູກທີ 6, ຕ້ອງລະມັດລະວັງຢ່າງເດັດຂາດ.
|
|
ທ່ານ ຈິ້ງດິ່ງຢຸ້ງ ຮອງນາຍົກລັດຖະມົນຕີ ລົງກວດກາທີ່ທ່າເຮືອກຸຍເຍີນ. ພາບ: ຫງວຽນແອງເຊີນ. |
ທ່ານ ຈິ້ງດິ່ງຢຸ້ງ ກໍຊີ້ນໍາກະຊວງຄົມມະນາຄົມ ແລະຂົນສົ່ງ ຈັດສົ່ງກໍາປັ່ນ Sar 2 ລໍາເພື່ອໜູນຊ່ວຍແຂວງບິ່ງດິ້ງ ກຽມພ້ອມຮັບມື, ກູ້ໄພກູ້ຊີບເມື່ອອຸບັດເຫດເກີດຂຶ້ນ.
|
|
ບັນດາກໍາລັງ ຊ່ວຍປະຊາຊົນ ຂົນຖ່າຍສິນຄ້າຢູ່ທ່າເຮືອ ກຸຍເຍີນ. ພາບ: ຫງວຽນແອງເຊີນ. |
ປັດຈຸບັນ, ທຸກຂັ້ນ, ທຸກຂະແໜງການ ແລະກໍາລັງປະກອບອາວຸດ ກຳລັງດຳເນີນວຽກງານຕ້ານ ແລະສະກັດກັ້ນພາຍຸ ລູກທີ 6 ຢ່າງຮີບເຮັ່ງ. ປະຕິບັດຄໍາສັ່ງຫ້າມອອກທະເລ, ຫ້າມບໍ່ໃຫ້ຜູ້ໃດຢູ່ເທິງບັນດາກະຊັງ, ແພລ້ຽງປູກສິນໃນນໍ້າ, ເທິງເຮືອຫາປາຢ່າງເຂັ້ມງວດ, ຮັບປະກັນຄວາມປອດໄພໃຫ້ຄົນຢ່າງເດັດຂາດ, ຈຳກັດຄວາມເສຍຫາຍທາງດ້ານຊັບສິນ ໂດຍພາຍຸ ລູກທີ 6 ກໍຂຶ້ນໃຫ້ຢູ່ໃນລະດັບຕ່ຳສຸດ...
ໂດຍ: ໄຊຊະນະ