ວິສາຫະກິດເຕັກໂນໂລຢີ ສັ່ງຊື້ startup ຫວຽດນາມ ທີ່ການແຂ່ງຂັນ IoT Startup 2019
ກປ.ອອນໄລ - ວັນທີ 16 ມິຖຸນາ, ເຂດເຕັກໂນໂລຢີສູງນະຄອນໂຮ່ຈີມິນ ໄດ້ປຸກລະດົມການແຂ່ງຂັນເລີ່ມທຸລະກິດ IoT Startup 2019 ດ້ວຍຫົວຂໍ້ “IoT Open Innovation Contest 2019”. ການແຂ່ງຂັນປີນີ້ມີການປ່ຽນແປງໃໝ່ຫຼາຍຢ່າງ, ໃນນັ້ນບັນດາວິສາຫະກິດເຕັກໂນໂລຢີໃຫຍ່ ສັ່ງຊື້ startup ໂດຍກົງເພື່ອແນໃສ່ແກ້ໄຂບັນດາບັນຫາກ່ຽວກັບການພັດທະນາຂອງວິສາຫະກິດ.
ນີ້ແມ່ນການແຂ່ງຂັນເພື່ອແນໃສ່ຊຸກຍູ້ຈິດໃຈເລີ່ມທຸລະກິດ, ຄວາມເມົາມົວປ່ຽນແປງໃໝ່ປະດິດຄິດສ້າງໃນຂົງເຂດ IoT ຂອງບັນດາເພື່ອນໜຸ່ມ ແລະປະຊາຄົມເລີ່ມທຸລະກິດຫວຽດນາມ, ພ້ອມທັງໜູນຊ່ວຍພັດທະນາ, ປູກລ້ຽງ ແລະສ້າງຕັ້ງບັນດາວິສາຫະກິດເລີ່ມທຸລະກິດໃນຂົງເຂດ IoT, ມຸ່ງໄປເຖິງການກໍ່ສ້າງລະບົບຊີວະພາບເລີ່ມທຸລະກິດ IoT ແບບຍືນຍົງ. ຜ່ານການແຂ່ງຂັນ, ບັນດາປັນຍາຊົນໜຸ່ມ ແລະປະຊາຄົມເລີ່ມທຸລະກິດປ່ຽນແປງໃໝ່ປະດິດຄິດສ້າງສາມາດສໍາຜັດທ່າອ່ຽງພັດທະນາເຕັກໂນໂລຢີ ແລະກໍາໄດ້ຄວາມຕ້ອງການຕົວຈິງຂອງຕະຫຼາດຈາກບັນດາຜູ້ພັດທະນາເຕັກໂນໂລຢີ, ສະຫະພັນວິສາຫະກິດພາຍໃນ ແລະຕ່າງປະເທດ.
|
|
ຜູ້ຕາງໜ້າຄະນະຄຸ້ມຄອງເຂດເຕັກໂນໂລຢີສູງນະຄອນໂຮ່ຈີມິນ ແບ່ງປັນຂໍ້ມູນກ່ຽວກັບການແຂ່ງຂັນ. ພາບ: ສໍານັກຂ່າວສານຫວຽດນາມ. |
ການແຂ່ງຂັນ IoT Startup ໄດ້ຈັດຕັ້ງເປັນຄັ້ງທໍາອິດໃນປີ 2016, ມາຮອດປັດຈຸບັນໄດ້ດຶງດູດກວ່າ 240 ໂຄງການທີ່ມາຈາກໃນທົ່ວປະເທດ. ພາຍຫຼັງການແຂ່ງຂັນ, ຫຼາຍ startup ໄດ້ມີບັນດາບາດກ້າວພັດທະນາຢ່າງແຮງ, ຫັນຜະລິດຕະພັນເປັນການຄ້າ, ດຶງດູດເງິນລົງທຶນສໍາເລັດ, ພົ້ນເດັ່ນ ຄື: ລະບົບໄຟເຍືອງທາງສະຫຼາດ S3, ລະບົບຕິດຕາມສະພາບແວດລ້ອມກະສິກໍາອາຊີບການປະມົງ Aevisor – Fman...
ໂດຍ: ໄຊຊະນະ