ການໂອ້ລົມສົນທະນາ “ນັກຂ່າວນັກຮົບ ຮຽນຕາມແບບຢ່າງນັກຂ່າວໂຮ່ຈິມິນ”
ກປ.ອອນໄລ - ວັນທີ 14 ມິຖຸນາ, ໜັງສືພິມກອງທັບປະຊາຊົນຫວຽດນາມ ສົມທົບກັບວາລະສານທົ່ວປວງຊົນປ້ອງກັນຊາດ ແລະສູນກະຈາຍສຽງ - ໂທລະພາບກອງທັບ ໄດ້ຈັດການໂອ້ລົມສົນທະນາ ດ້ວຍຫົວຂໍ້ “ນັກຂ່າວນັກຮົບ ຮຽນຕາມແບບຢ່າງນັກຂ່າວໂຮ່ຈິມິນ”. ນີ້ແມ່ນການເຄື່ອນໄຫວແທດຈິງ ເນື່ອງໃນໂອກາດສະເຫຼີມສະຫຼອງ 50 ປີແຫ່ງການປະຕິບັດພິໄນກໍາຂອງປະທານໂຮ່ຈິມິນ; 30 ປີແຫ່ງວັນບຸນທົ່ວປວງຊົນປ້ອງກັນຊາດ, 75 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະສະເຫຼີມສະຫຼອງ 94 ປີແຫ່ງວັນສື່ມວນຊົນປະຕິວັດຫວຽດນາມ (21/06/1925 – 21/06/2019).
ບັນດາບົດປະກອບຄໍາເຫັນທີ່ການໂອ້ລົມສົນທະນາ ໄດ້ຍົກອອກບັນດາຫຼັກຖານວິທະຍາສາດ, ປະຫວັດສາດ ແລະພຶດຕິກໍາຕົວຈິງ, ສືບຕໍ່ຢັ້ງຢືນບັນດາຄຸນຄ່າດ້ານແນວຄິດ, ທັດສະນະ ແລະຄໍາຊີ້ນໍາ, ສັ່ງສອນຂອງປະທານໂຮ່ຈິມິນ, ເຖິງແນວນັ້ນກໍ່ຄາມ, ລຸ້ນນັກຂ່າວນັກຮົບໃນປັດຈຸບັນ ຍາມໃດກໍຝຶກຝົນຫຼໍ່ຫຼອມຄຸນສົມບັດປະຕິວັດ ແລະວິຊາສະເພາະ ຕາມແບບຢ່າງຂອງປະທານໂຮ່ຈິມິນ...
|
|
ບັນຍາກາດທີ່ການໂອ້ລົມສົນທະນາ. ພາບ: ຈ້ອງຫາຍ. |
ການໂອ້ລົມສົນທະນາກໍໄດ້ຊີ້ແຈ້ງ ແລະເຮັດແຈ້ງບັນດາຄຸນນະທາດອັນສູງສົ່ງຂອງນັກຂ່າວປະຕິວັດໂຮ່ຈິມິນ ກ່ຽວກັບວິທີການ, ແບບວິທີ, ບົດຮຽນ, ຈັນຍະບັນ, ແບບວິທີເຮັດຂ່າວ...; ຄຸນຄ່າ ແລະຄວາມໝາຍອັນໃຫຍ່ຫຼວງສໍາລັບພາລະກິດສື່ມວນຊົນ ແລະພາລະກິດປະຕິວັດຫວຽດນາມ; ພ້ອມທັງຢັ້ງຢືນບັນດາໝາກຜົນການຮໍ່າຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດໍາລົງຊີວິດຂອງປະທານໂຮ່ຈິມິນ ຂອງຖັນແຖວນັກຂ່າວໃນກອງທັບ; ສືບຕໍ່ເສີມຂະຫຍາຍມູນເຊື້ອອັນດີງາມຂອງນັກຂ່າວນັກຮົບໃນພາລະກິດສ້າງສາ ແລະປົກປັກຮັກສາປະເທດຊາດ, ກໍ່ສ້າງກອງທັບ, ປັບປຸງການປ້ອງກັນຊາດ...
ໂດຍ: ໄຊຊະນະ