ທ່ານອະດີດປະທານຄະນະບໍລິຫານງານສູນກາງພັກປະຊາຊົນປະຕິວັດລາວ, ອະດີດປະທານປະເທດແຫ່ງ ສປປ ລາວ ຄຳໄຕ ສີພັນດອນ, ນັກປະຕິວັດອາວຸໂສ, ການນຳຫຼັກແຫຼ່ງຮຸ່ນທຳອິດຂອງສູນກາງພັກປະຊາຊົນປະຕິວັດລາວ, ຜູ້ບໍ່ພຽງແຕ່ມີການປະກອບສ່ວນອັນໃຫຍ່ຫຼວງໃຫ້ແກ່ຜົນສຳເລັດຂອງການປະຕິວັດເທົ່ານັ້ນ ຫາກຍັງແມ່ນຜູ້ທີ່ມີການປະກອບສ່ວນອັນໃຫຍ່ຫຼວງເພື່ອການພົວພັນແບບພິເສດຫວຽດນາມ-ລາວ ພັດທະນາຍືນຍົງຄົງຕົວຕະຫຼອດການອີກດ້ວຍ.
ແລກປ່ຽນກັບນັກຂ່າວສຳນັກຂ່າວສານຫວຽດນາມ ປະຈຳ ລາວ ພາຍຫຼັງທ່ານປະທານ ຄຳໄຕ ສີພັນດອນ ໄດ້ເຖິງແກ່ມໍລະນະກຳ, ທ່ານ ວິໄລວັນ ພົມເຂ, ຜູ້ທີ່ເຄີຍດຳລົງຫຼາຍຕຳແໜ່ງແມ່ນການນຳແຕ່ຂັ້ນສູນກາງຈົນຮອດຂັ້ນທ້ອງຖິ່ນ, ໃນນັ້ນມີ 2 ອາຍຸການດຳລົງຕຳແໜ່ງເອກອັກຄະລັດຖະທູດລາວ ປະຈໍາ ຫວຽດນາມ, ອະດີດລັດຖະມົນຕີກະຊວງກະສິກຳ ແລະປ່າໄມ້ລາວ, ອະດີດເລຂາພັກ, ເຈົ້າແຂວງໆສະຫວັນນະເຂດ, ຢັ້ງຢືນວ່າ ເມື່ອຍັງມີຊີວິດ, ທ່ານປະທານ ຄຳໄຕ ສີພັນດອນ ຍາມໃດກໍ່ຄິດເຖິງເຮັດແນວໃດເພື່ອບໍ່ພຽງແຕ່ຮັກສາການພົວພັນແບບພິເສດລາວ-ຫວຽດນາມເທົ່ານັ້ນ ຫາກຍັງຕ້ອງພັດທະນາເພື່ອການພົວພັນລາວ-ຫວຽດນາມ ຍາມໃດກໍ່ແມ່ນການພົວພັນດີທີ່ສຸດ.
ທ່ານ ວິໄລວັນ ພົມເຂ ໃຫ້ຮູ້ວ່າ ໃນໄລຍະດຳລົງຕຳແໜ່ງເອກອັກຄະລັດຖະທູດລາວ ປະຈຳ ຫວຽດນາມ ເປັນເວລາ 6 ປີ, ທ່ານອະດີດປະທານ ຄຳໄຕ ສີພັນດອນ ເຄີຍໄປຢ້ຽມຢາມຫວຽດນາມ ເປັນຫຼາຍເທື່ອ, ໄປຢ້ຽມຢາມຄັ້ງໃດທ່ານກໍ່ໄດ້ໄປນຳ, ສິ່ງທີ່ພິເສດແມ່ນທຸກການໄປຢ້ຽມຢາມຫວຽດນາມ ຂອງທ່ານອະດີດປະທານ ຄຳໄຕ ສີພັນດອນ ລ້ວນແຕ່ກໍ່ແມ່ນການໄປຢ້ຽມຢາມເຕັມໄປດ້ວຍໄມຕີຈິດມິດຕະພາບ, ເຕັມໄປດ້ວຍນ້ຳໃຈອ້າຍນ້ອງສະໜິດສະໜົມໃນຄອບຄົວດຽວ. ການໄປຢ້ຽມຢາມຫວຽດນາມ ແຕ່ລະຄັ້ງກໍ່ແມ່ນແຕ່ລະເທື່ອພົບປະ, ທ່ານປະທານ ຄຳໄຕ ສີພັນດອນ ພ້ອມກັບການນຳຂັ້ນສູງຫວຽດນາມ ທົບທວນຄືນບັນດາອະນຸສອນຮ່ວມທຸກຮ່ວມສຸກໃນໄລຍະຮ່ວມຂຸມຄອງອັນດຽວຕໍ່ສູ້ຕ້ານສັດຕູໂຕດຽວ.
    |
 |
|
ທ່ານ ຄຳໄຕ ສີພັນດອນ ອະດີດປະທານພັກ, ອະດີດປະທານປະເທດລາວ. ພາບ: ສຳນັກຂ່າວສານຫວຽດນາມ. |
ທ່ານ ວິໄລວັນ ພົມເຂ ເນັ້ນໜັກວ່າ ພາຍຫຼັງສ້າງສັນຕິພາບຄືນໃໝ່, ການໄປຢ້ຽມຢາມຫວຽດນາມ ຢ່າງເປັນທາງການແຕ່ລະຄັ້ງຂອງທ່ານອະດີດປະທານ ຄຳໄຕ ສີພັນດອນ ລ້ວນແຕ່ແມ່ນໂອກາດເພື່ອການນຳຂັ້ນສູງຂອງສອງປະເທດລາວ-ຫວຽດນາມ, ທັງແມ່ນສອງອ້າຍນ້ອງ, ທັງແມ່ນສອງສະຫາຍ ພ້ອມກັນທົບທວນຄືນອະນຸສອນຮ່ວມທຸກຮ່ວມສຸກແຕ່ວ່າພິລະອາດຫານ, ຊຸມເດືອນປີເຄີຍຄຽງບ່າຄຽງໄຫຼ່, ຮ່ວມຂຸມຄອງດຽວ ແລະພ້ອມແລ້ວເສຍສະຫຼະຊີວິດເພື່ອກັນນຳມາເຊິ່ງພື້ນຖານເອກະລາດໃຫ້ແກ່ແຕ່ລະປະເທດ. ເພາະສະນັ້ນ, ສິ້ນສຸດການຢ້ຽມຢາມຫວຽດນາມ ແຕ່ລະຄັ້ງ, ທ່ານອະດີດປະທານ ຄຳໄຕ ສີພັນດອນ ລ້ວນແຕ່ຢ້ຽມຢາມສະຖານທູດລາວ ປະຈຳ ຫວຽດນາມ ແລະບໍ່ລືມສັ່ງສອນພະນັກງານ, ພາລະກອນສະຖານທູດວ່າ “ພະນັກງານ, ພາລະກອນສະຖານທູດລາວ ປະຈຳ ຫວຽດນາມ ໝົດທຸກຄົນຍາມໃດກໍ່ຕ້ອງຖືເປັນສຳຄັນການພົວພັນສອງຝ່າຍແບບພິເສດລາວ-ຫວຽດນາມ; ຍາມໃດກໍ່ຕ້ອງຄິດວ່າ ເຮັດແນວໃດເພື່ອການພົວພັນແບບພິເສດລາວ-ຫວຽດນາມ ໄດ້ຮັກສາ ແລະພັດທະນາຍືນຍົງຕະຫຼອດການ; ຕ້ອງຮຽນເອົາບົດຮຽນພັດທະນາຂອງຫວຽດນາມ ໃນທຸກຂົງເຂດ, ເພື່ອໝູນໃຊ້ ແລະຊ່ວຍລາວ ພັດທະນາ, ຍ້ອນວ່າບັນດາສະຫາຍ ຫວຽດນາມ ກໍ່ປະສົບກັບຄວາມຫຍຸ້ງຍາກຫຼາຍຢ່າງ. ເຖິງວ່າບັນດາສະຫາຍຫວຽດນາມ ບໍ່ປະຕິເສດຊ່ວຍເຫຼືອລາວ, ແຕ່ວ່າປະເທດລາວ ຂອງພວກເຮົາກໍ່ຕ້ອງເຫັນອົກເຫັນໃຈບັນດາສະຫາຍຫວຽດນາມ, ຕ້ອງຮຽນເອົາບົດຮຽນຂອງບັນດາສະຫາຍຫວຽດນາມ ເພື່ອພັດທະນາປະເທດລາວ ພວກເຮົາ, ເພື່ອສອງປະເທດລາວ-ຫວຽດນາມ ພ້ອມກັນຄຽງບ່າຄຽງໄຫຼ່ພັດທະນາ. ນັ້ນກໍ່ແມ່ນຮ່ວມທຸກຮ່ວມສຸກ”.
ທ່ານ ວິໄລວັນ ພົມເຂ ຍັງໃຫ້ຮູ້ວ່າ ໃນການຢ້ຽມຫວຽດນາມ ທຸກຄັ້ງຂອງທ່ານອະດີດປະທານ ຄຳໄຕ ສີພັນດອນ, ທ່ານອະດີດປະທານ ຄຳໄຕ ສີພັນດອນ ລ້ວນແຕ່ແລກປ່ຽນຢ່າງຈິງໃຈ ແລະກົງໄປກົງມາບົນຈິດໃຈສາຍຈິດມິດໃຈອ້າຍນ້ອງສະເໝີຕົ້ນສະເໝີປາຍກັບການນຳຂັ້ນສູງຫວຽດນາມ, ແບ່ງປັນກ່ຽວກັບທ່າແຮງຂອງແຕ່ລະປະເທດເພື່ອພ້ອມກັນຊອກຫາທິດທາງຮ່ວມມືດີທີ່ສຸດ ແລະມີປະສິດທິຜົນທີ່ສຸດ, ນຳການພົວພັນແບບພິເສດລາວ-ຫວຽດນາມ ພັດທະນາຍືນຍົງ ແລະນັບມື້ນັບມີປະສິດທິຜົນກວ່າ.
ທ່ານ ວິໄລວັນ ພົມເຂ ແບ່ງປັນວ່າ ເຄີຍດຳລົງຕຳແໜ່ງເອກອັກຄະລັດຖະທູດລາວ ປະຈຳ ຫວຽດນາມ ເປັນເວລາ 6 ປີ, ທ່ານຮັບຮູ້ວ່າ ການນຳຂັ້ນສູງຂອງຫວຽດນາມ ໝົດທຸກຄົນລ້ວນແຕ່ສະເໝີຕົ້ນສະເໝີປາຍ, ຈິງໃຈໃນການຮັກສາການພົວພັນແບບພິເສດລາວ-ຫວຽດນາມ ແລະຍາມໃດກໍ່ຄິດວ່າຕ້ອງເຮັດແນວໃດເພື່ອການພົວພັນແບບພິເສດຫວຽດນາມ-ລາວ ຍາມໃດກໍ່ຄຸ້ນເຄີຍ, ໃກ້ຊິດສະໜິດສະໜົມບົນພື້ນຖານສາຍຈິດມິດໃຈອ້າຍນ້ອງໃນຄອບຄົວດຽວ.
ທ່ານ ວິໄລວັນ ພົມເຂ ແບ່ງປັນຕໍ່, ເມື່ອໄດ້ຍິນຂ່າວທ່ານປະທານ ຄຳໄຕ ສີພັນດອນ ຈາກໄປ, ຂ້າພະເຈົ້າຮູ້ສຶກໂສກເສົ້າ ແລະຍາມໃດກໍ່ຈົດຈຳບຸນຄຸນຂອງທ່ານປະທານ ຄຳໄຕ ສີພັນດອນ. ທ່ານປະທານ ຄຳໄຕ ສີພັນດອນ ແມ່ນຜູ້ທີ່ສິດສອນ ແລະສຶກສາການນຳຮຸ່ນໜຸ່ມເຕີບໃຫຍ່ຂະຫຍາຍຕົວ, ຍາມໃດກໍ່ສັ່ງສອນ ແລະຊີ້ນຳຢ່າງສຸດອົກສຸດ ໃຈ. ທ່ານປະທານ ຄຳໄຕ ສີພັນດອນ ຍາມໃດກໍ່ເປັນຫ່ວງເປັນໄຍໃນການບຳລຸງສ້າງການນຳສືບທອດ, ເຮັດແນວໃດເພື່ອຮັກສາ ແລະພັດທະນາການພົວພັນແບບພິເສດລາວ-ຫວຽດນາມ ທີ່ນຳມາເຊິ່ງຊີວິດອີ່ມໜຳສຳລານໃຫ້ແກ່ປະຊາຊົນສອງປະເທດ, ນຳມາເຊິ່ງວັດທະນາຖາວອນ ແລະພັດທະນາໃຫ້ແກ່ແຕ່ລະປະເທດ.
ທ່ານ ວິໄລວັນ ພົມເຂ ຢັ້ງຢືນວ່າ ອະດີດປະທານ ຄຳໄຕ ສີພັນດອນ ຍາມໃດກໍ່ຖືເປັນສຳຄັນການພົວພັນແບບພິເສດລາວ-ຫວຽດນາມ ໃນຂົງເຂດການທະຫານ, ການປ້ອງກັນຊາດ-ປ້ອງກັນຄວາມສະຫງົບ. ທ່ານອະດີດປະທານ ຍາມໃດກໍ່ເນັ້ນໜັກເລື່ອງຮຽນເອົາບົດຮຽນຂອງເພື່ອນຫວຽດນາມ ກ່ຽວກັບເສດຖະກິດ, ການທະຫານ ແລະສັ່ງສອນວ່າ ຕ້ອງເປັນເຈົ້າການຊອກຮູ້ ແລະຮ່ຳຮຽນ. ເມື່ອທະຫານອາສາສະໝັກ ແລະນັກຊ່ຽວຊານການທະຫານຫວຽດນາມ ມາຊ່ວຍລາວ ໃນໄລຍະສົງຄາມຍາມໃດກໍ່ພ້ອມແລ້ວເສຍສະຫຼະຊີວິດເລືອດເນື້ອເພື່ອພື້ນຖານເອກະລາດ, ອິດສະຫຼະພາບຂອງປະເທດ ແລະປະຊາຊົນລາວ, ທ່ານອະດີດປະທານ ຄຳໄຕ ສີພັນດອນ ຍາມໃດກໍ່ແມ່ນຜູ້ທີ່ຊີ້ນຳວຽກງານຊ່ວຍເຫຼືອໃຫ້ແກ່ນັກຮົບຂອງກອງທັບສອງປະເທດ ຍາມໃດກໍ່ຄຽງບ່າຄຽງໄຫຼ່ນຳກັນສູ້ຮົບ ແລະຍາມໃດກໍ່ເຂົ້າອົກເຂົ້າໃຈ, ຊ່ວຍເຫຼືອກັນ, ຮ່ວມທຸກຮ່ວມສຸກ. ເພາະສະນັ້ນ, ພວກເຮົາຕ້ອງຈົດຈຳຄຳສັ່ງສອນຂອງທ່ານອະດີດປະທານ ຄຳໄຕ ສີພັນດອນ: “ເຮັດແນວໃດກໍ່ຢ່າເພື່ອການພົວພັນແບບພິເສດລາວ-ຫວຽດນາມ ຍາມໃດກໍ່ແມ່ນການພົວພັນດີທີ່ສຸດ”.
ໂດຍ: ແສງເດືອນ