ກອງບັນຊາການທະຫານນະຄອນດ່ານັ້ງ ຢ້ຽມຢາມ ແລະອວຍພອນປີໃໝ່ກອງບັນຊາການທະຫານແຂວງສາລະວັນ, ລາວ

ທີ່ການເຮັດວຽກ, ທ່ານພັນເອກພິເສດ ຫວໍວັນຕ໊ວນ ໄດ້ສົ່ງຄໍາອວຍພອນປີໃໝ່, ສຸຂະພາບເຂັ້ມແຂງ ແລະມີຄວາມຜາສຸກມາຍັງພະນັກງານ, ນັກຮົບກອງບັນຊາການທະຫານແຂວງສາລະວັນ ເວົ້າສະເພາະ, ພ້ອມກັບການນໍາຄະນະພັກ, ອໍານາດການປົກຄອງ ແລະປະຊາຊົນບັນດາເຜົ່າແຂວງສາລະວັນ ເວົ້າລວມ; ສືບຕໍ່ບັນລຸຜົນງານຫຼາຍຢ່າງ, ປະຕິບັດໜ້າທີ່ພັດທະນາເສດຖະກິດ, ວັດທະນະທຳ, ສັງຄົມ, ປ້ອງກັນຊາດ- ປ້ອງກັນຄວາມສະຫງົບຢ່າງມີໄຊ. ທ່ານພັນເອກພິເສດ ຫວໍວັນຕ໊ວນ ໄດ້ສະແດງໃຫ້ເຫັນຄວາມສາມັກຄີ ແລະຄວາມສະໜິດຕິດພັນອັນສະໜິດສະໜົມລະຫວ່າງກອງທັບສອງປະເທດ, ປະກອບສ່ວນຊຸກຍູ້ການພົວພັນມິດຕະພາບຮອບດ້ານລະຫວ່າງສອງຊາດ.

ທ່ານພັນເອກພິເສດ ຫວໍວັນຕ໊ວນ, ຫົວໜ້າການເມືອງກອງບັນຊາການທະຫານນະຄອນດ່ານັ້ງ ມອບຂອງຂວັນໃຫ້ບັນດາຄອບຄົວຊາວເຜົ່າລາວທຸກຍາກ. ພາບ: qdnd.vn

ກວດພະຍາດ ແລະແຈກຢາຍຢາໂດຍບໍ່ເສຍຄ່າ ໃຫ້ແກ່ປະຊາຊົນລາວບັນດາເຜົ່າ ຢູ່ບ້ານໂນນສໍາລານ. ພາບ: qdnd.vn

ການນຳກອງບັນຊາການທະຫານແຂວງສາລະວັນ ໄດ້ຂອບໃຈກອງບັນຊາການທະຫານນະຄອນດ່ານັ້ງ ທີ່ໄດ້ຈັດສົ່ງຄະນະມາຢ້ຽມຢາມ ແລະອວຍພອນປີໃໝ່ໃຫ້ພະນັກງານ-ນັກຮົບກອງບັນຊາການທະຫານແຂວງສາລະວັນ. ວຽກງານດັ່ງກ່າວໄດ້ສະແດງໃຫ້ເຫັນເຖິງຄວາມສາມັກຄີ ແລະຄວາມສະໜິດສະໜົມລະຫວ່າງກອງບັນຊາການທະຫານນະຄອນດ່ານັ້ງ ກັບ ແຂວງສາລະວັນ.

ເນື່ອງໃນໂອກາດນີ້, ກອງບັນຊາການທະຫານນະຄອນດ່ານັ້ງ ໄດ້ໜູນຊ່ວຍ 1,5 ຕື້ດົ່ງ ເພື່ອຊ່ວຍເຫຼືອກອງບັນຊາການທະຫານແຂວງສາລະວັນ ກໍ່ສ້າງພື້ນຖານໂຄງລ່າງ; ມອບຂອງຂວັນ 60 ພູດ ໃຫ້ແກ່ຄອບຄົວທຸກຍາກ; ກວດພະຍາດ ແລະແຈກຢາຍຢາໂດຍບໍ່ເສຍຄ່າໃຫ້ແກ່ປະຊາຊົນລາວບັນດາເຜົ່າທີ່ທຸກຍາກຢູ່ບ້ານໂນນສໍາລານ, ເມືອງຄົງເຊໂດນ ດ້ວຍຍອດຈຳນວນເງິນກວ່າ 1,8 ຕື້ດົ່ງ.

ການພົວພັນລະຫວ່າງກອງບັນຊາການທະຫານນະຄອນດ່ານັ້ງ ແລະກອງບັນຊາການທະຫານແຂວງສາລະວັນ ສະແດງໃຫ້ເຫັນຈິດໃຈສາມັກຄີ, ສ້າງສັນ ແລະພັດທະນາ. ພາບ: qdnd.vn

ກອງບັນຊາການທະຫານນະຄອນດ່ານັ້ງ ແລະກອງບັນຊາການທະຫານແຂວງສາລະວັນ ໄດ້ລົງກວດກາບັນດາໂຄງການກໍ່ສ້າງພື້ນຖານໂຄງລ່າງມິດຕະພາບທີ່ໄດ້ຮັບການໜູນຊ່ວຍແຕ່ປີ 2024 ກັບເມືອກ່ອນ. ນີ້ແມ່ນການກະທຳທີ່ມີຄວາມໝາຍຢ່າງແທດຈິງ ເພື່ອໜູນຊ່ວຍປະເທດລາວ; ພ້ອມກັນສາມັກຄີສ້າງສາ ແລະພັດທະນາປະເທດຊາດໃຫ້ນັບມື້ນັບຮັ່ງມີເຂັ້ມແຂງ, ວັດທະນາຖາວອນ, ປັບປຸງທ່າຮົບປ້ອງກັນຊາດ-ປ້ອງກັນຄວາມສະຫງົບອັນໜັກແໜ້ນລະຫວ່າງສອງປະເທດ ຫວຽດນາມ - ລາວ ໃນໄລຍະໃໝ່.

ໂດຍ: ທະນາພອນ