ໜູນຊ່ວຍສິ່ງຂອງຈໍາເປັນໃຫ້ແກ່ປະຊາຊົນຢູ່ກຸ່ມບ້ານຊາຍແດນຂອງລາວ

ຕາມນັ້ນແລ້ວ, ໃນໄພນໍ້າຖ້ວມທ້າຍເດືອນກໍລະກົດປີ 2025, ກຸ່ມບ້ານຕ່າງໆຂອງເມືອງໝອກ ໄດ້ຮັບຜົນສະທ້ອນອັນໜັກໜ່ວງ, ຫຼາຍຄອບຄົວມີເຮືອນຊານ ແລະຊັບສິນຖືກນ້ຳຖ້ວມພັດໄປ. ພາຍຫຼັງໄພທຳມະຊາດ, ຊີວິດການເປັນຢູ່ຂອງປະຊາຊົນ ປະສົບກັບຄວາມຫຍຸ້ງຍາກຫຼາຍຢ່າງ, ຂາດເຂີນສະບຽງອາຫານ. ເມື່ອໄດ້ຮັບຂ່າວ, ອຳນາດການປົກຄອງທ້ອງຖິ່ນຕາແສງເມືອງຕີ໊ບ ໄດ້ສົມທົບກັບຄ້າຍທະຫານຊາຍແດນເມືອງອ໋າຍ, ກອງບັນຊາການທະຫານຊາຍແດນແຂວງເງະອານ ຈັດຕັ້ງການພົບປະ, ຢ້ຽມຢາມຖາມຂ່າວ, ມອບສິ່ງຂອງທີ່ຈຳເປັນໃຫ້ແກ່ຝ່າຍເພື່ອນ.

ອໍານາດການປົກຄອງທ້ອງຖິ່ນຕາແສງເມືອງຕີ໊ບ ໜູນຊ່ວຍສິ່ງຂອງທີ່ຈໍາເປັນໃຫ້ແກ່ປະຊາຊົນເມືອງໝອກ, ແຂວງຊຽງຂວາງ (ລາວ). ພາບ: qdnd.vn

ເມື່ອໂອ້ລົມກັບພວກຂ້າພະເຈົ້າ, ສະຫາຍນາງ ວິທິກວຽນ ໃຫ້ຮູ້ວ່າ: “ໄພນໍ້າຖ້ວມຄັ້ງນີ້, ອໍານາດການປົກຄອງທ້ອງຖິ່ນ, ປະຊາຊົນຕາແສງເມືອງຕີ໊ບ ຖືກຜົນສະທ້ອນອັນໜັກໜ່ວງ. ຍ້ອນມີການໜູນຊ່ວຍຂອງທຸກຂັ້ນ, ທຸກຂະແໜງການຢູ່ໃນແຂວງເງະອານ, ບັນດາກົມກອງກຳລັງປະກອບອາວຸດ, ຜູ້ໃຈບຸນໃຈກຸສົນ, ຊີວິດການເປັນຢູ່ຂອງປະຊາຊົນໄດ້ກັບຄືນສູ່ສະພາບປົກກະຕິ. ເມື່ອຮູ້ຂ່າວບັນດາກຸ່ມຊຸມຊົນຂອງລາວ ຢູ່ເຊິ່ງໜ້າປະສົບກັບຄວາມຫຍຸ້ງຍາກຍ້ອນໄພທຳມະຊາດ, ພວກຂ້າພະເຈົ້າ ໄດ້ຕົກລົງໜູນຊ່ວຍ, ແບ່ງປັນສະບຽງອາຫານ, ສິ່ງຂອງທີ່ຈໍາເປັນໃຫ້ຝ່າຍເພື່ອນ".

ໂດຍ: ທູຈາງ