ຕາງໜ້າອໍານາດການປົກຄອງ ແລະປະຊາຊົນແຂວງຫຼວງພະບາງ, ທ່ານ ຄໍາຂັນ ຈັນທະວີສຸກ ໄດ້ສົ່ງຄໍາຢື້ຢາມຖາມຂ່າວທີ່ຈິງໃຈ, ແບ່ງປັນຄວາມຫຍຸ້ງຍາກ, ຄວາມເສຍຫາຍຢ່າງໜັກໜ່ວງຂອງບັນດາແຂວງຫວຽດນາມ ຫຼັງພາຍຸລູກທີ 3 ພັດຜ່ານ; ສະແດງຄວາມເຊື່ອໝັ້ນວ່າ ຫວຽດນາມ ຈະຟື້ນຟູຄວາມເສຍຫາຍ ແລະສືບຕໍ່ພັດທະນາ, ຊີວິດການເປັນຢູ່ຂອງປະຊາຊົນກັບຄືນສູ່ສະພາບປົກກະຕິໂດຍໄວ.

leftcenterrightdel
ແຂວງຫຼວງພະບາງ ສະໜັບສະໜູນ 1 ຕື້ດົ່ງຊ່ວຍບັນດາທ້ອງຖິ່ນຂອງຫວຽດນາມ ແກ້ໄຂຜົນຮ້າຍຢ້ອນຫຼັງຈາກພາຍຸລູກທີ 3. ພາບ: ຜູ້ຮ່ວມງານ

ເນື່ອງໃນໂອກາດນີ້, ທ່ານເລຂາພັກແຂວງ, ເຈົ້າແຂວງໆຫຼວງພະບາງ ກໍ່ສະແດງຄວາມຂອບອົກຂອບໃຈຕໍ່ການສົມທົບຢ່າງແໜ້ນແຟ້ນຂອງສະຖານກົງສູນໃຫຍ່ຫວຽດນາມ ປະຈໍາ ແຂວງຫຼວງພະບາງ ໃນໄລຍະຜ່ານມາ; ສະແດງຄວາມປາດຖະໜາວ່າ, ໃນໄລຍະຈະມາເຖິງສະຖານກົງສູນໃຫຍ່ຫວຽດນາມ ປະຈໍາ ແຂວງຫຼວງພະບາງ ຈະສືບຕໍ່ສົມທົບກັນຢ່າງແໜ້ນແຟ້ນກວ່າອີກ ເພື່ອໜູນຊ່ວຍແຂວງຫຼວງພະບາງ ເວົ້າສະເພາະ ແລະບັນດາແຂວງພາກເໜືອລາວ ເວົ້າລວມມີຫຼາຍໂອກາດຮ່ວມມືກັບບັນດາແຂວງຫວຽດນາມ ຕື່ມອີກໃນການພັດທະນາເສດຖະກິດ-ສັງຄົມ, ພິເສດແມ່ນການຮ່ວມມືພັດທະນາໃນຂົງເຂດກະສິກໍາ.

ທ່ານນາງ ກ່ຽວທິຮັ່ງຝຸກ ຫົວໜ້າສະຖານກົງສູນໃຫຍ່ຫວຽດນາມ ປະຈໍາ ແຂວງຫຼວງພະບາງ ໄດ້ສະແດງຄວາມຂອບໃຈຕໍ່ການເອົາໃຈໃສ່, ຢື້ຢາມຖາມຂ່າວທີ່ຈິງໃຈພ້ອມດ້ວຍອາລົມຈິດອັນລໍ້າຄ່າຂອງອົງຄະນະພັກ, ອໍານາດການປົກຄອງ ແລະປະຊາຊົນແຂວງຫຼວງພະບາງ ທີ່ໄດ້ສະຫຼະໃຫ້ປະຊາຊົນຫວຽດນາມ ຕໍ່ຜູ້ທີ່ໄດ້ຮັບຜົນສະທ້ອນຈາກພາຍຸລູກທີ 3, ໂດຍສະເພາະແມ່ນໃນສະພາບແຂວງຫຼວງພະບາງ ກໍ່ພວມປະສົບກັບຄວາມຫຍຸ້ງຍາກໃນການແກ້ໄຂຜົນຮ້າຍຢ້ອນຫຼັງຈາກພາຍຸຢູ່ 2 ເມືອງວຽງຄໍາ ແລະປາກແຊງ ໃນເດືອນກໍລະກົດ ຜ່ານມາ.

ທ່ານນາງ ກ່ຽວທິຮັ່ງຝຸກ ຢືນຢັນວ່າ ຈະສົ່ງເງິນຈໍານວນ 1 ຕື້ດົ່ງໄປໃຫ້ທ້ອງຖິ່ນຂອງຫວຽດນາມ ເພື່ອແນໃສ່ແກ້ໄຂຜົນຮ້າຍຢ້ອນຫຼັງຈາກໄພທໍາມະຊາດ, ໜູນຊ່ວຍພໍ່ແມ່ປະຊາຊົນທີ່ໄດ້ຮັບຄວາມເສຍຫາຍກັບຄືນສູ່ຊີວິດການເປັນຢູ່ເປັນປົກກະຕິ, ກໍ່ຄືຈະສືບຕໍ່ສົມທົບກັບແຂວງຫຼວງພະບາງ ຢ່າງແໜ້ນແຟ້ນເພື່ອຜັນຂະຫຍາຍແຜນການວຽກງານຕາມເນື້ອໃນຈິດໃຈສອງພັກ, ສອງລັດເຫັນດີເປັນເອກະພາບ, ຊີ້ນໍາ, ປະກອບສ່ວນຮັກສາ, ກໍ່ສ້າງການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ ໃຫ້ມີປະສິດທິຜົນ.

ໂດຍ: ໄຊນີດາ