ເພີ່ມທະວີການສົມທົບກັນລະຫວ່າງຄະນະຊາວໜຸ່ມແຂວງເທື່ອທຽນເຫ້ວ ແລະຄະນະຊາວໜຸ່ມແຂວງສາລະວັນ
ກປ.ອອນໄລ - ຕອນເຊົ້າວັນທີ 19 ກໍລະກົດ, ຄະນະປະຈຳຄະນະຊາວໜຸ່ມແຂວງເທື່ອທຽນເຫ້ວ ໄດ້ຈັດຕັ້ງພິທີລົງນາມໃນບົດບັນທຶກຊ່ວຍຈຳລະຫວ່າງຄະນະຊາວໜຸ່ມແຂວງເທື່ອທຽນເຫ້ວ ກັບຄະນະຊາວໜຸ່ມແຂວງສາລະວັນ, ສາທາລະນະລັດ ປະຊາທິປະໄຕ ປະຊາຊົນລາວ ໄລຍະ 2024 – 2026.
ເຂົ້າຮ່ວມມີທ່ານ ຫງວຽນແທ່ງຮ່ວາຍ, ເລຂາຄະນະຊາວໜຸ່ມແຂວງ ເທື່ອທຽນເຫ້ວ ແລະທ່ານ ສຸວຽງທອງ ສຸຄາວົງ, ຮັກສາການເລຂາຄະນະຊາວໜຸ່ມແຂວງສາລະວັນ ພ້ອມດ້ວຍບັນດາສະມາຊິກໃນຄະນະປະຕິບັດງານ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/20/upload_2126/1.jpg?dpi=150&quality=100&w=500) |
ຜູ້ຕາງໜ້າຄະນະຊາວໜຸ່ມແຂວງ ເທື່ອທຽນເຫ້ວ ແລະຄະນະຊາວໜຸ່ມແຂວງສາລະວັນ ລົງນາມໃນບົດບັນທຶກຊ່ວຍຈໍາການຮ່ວມມື. ພາບ: baothuathienhue.vn |
ເນື່ອງໃນໂອກາດນີ້, ຄະນະຊາວໜຸ່ມແຂວງເທື່ອທຽນເຫ້ວ ແລະຄະນະຊາວໜຸ່ມແຂວງສາລະວັນ ໄດ້ເຫັນດີເປັນເອກະສັນລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືໃນບັນດາຂົງເຂດຄື: ວຽກງານໂຄສະນາ, ສຶກສາອົບຮົມ; ການພັດທະນາເສດຖະກິດ, ຍູ້ແຮງວຽກງານຮັບປະກັນຊີວິດສັງຄົມ; ການພົບປະແລກປ່ຽນວັດທະນະທຳ... 2 ຫົວໜ່ວຍເຫັນດີເປັນເອກະພາບຮ່ວມມືບົນພື້ນຖານຄວາມສະໝັກໃຈ, ສະເໝີພາບ, ເຈດຕານາດີ ເພື່ອການພັດທະນາຮ່ວມ. ບັນດາເນື້ອໃນ ແລະການເຄື່ອນໄຫວຈະໄດ້ຮັບການຜັນຂະຫຍາຍເປັນປະຈຳ ແລະສອດຄ່ອງກັບຄວາມຮຽກຮ້ອງຕ້ອງການ ແລະໜ້າທີ່ໃນແຕ່ລະໄລຍະ.
ຜູ້ຕາງໜ້າຄະນະຊາວໜຸ່ມແຂວງເທື່ອທຽນເຫ້ວ ໃຫ້ຮູ້ວ່າ: ການເຄື່ອນໄຫວນີ້ເພື່ອແນໃສ່ຍົກສູງປະສິດທິຜົນວຽກງານໂຄສະນາອົບຮົມສຶກສາໃຫ້ລຸ້ນໜຸ່ມຂອງສອງທ້ອງຖິ່ນກ່ຽວກັບສາຍພົວພັນມິດຕະພາບທີ່ເປັນມູນເຊື້ອແບບພິເສດຫວຽດນາມ - ລາວ ເວົ້າລວມ ແລະແຂວງ ເທື່ອທຽນເຫ້ວ - ສາລະວັນ ເວົ້າສະເພາະ. ພ້ອມກັນນັ້ນ, ຍູ້ແຮງການເຄື່ອນໄຫວໜູນຊ່ວຍຊາວໜຸ່ມສ້າງຕັ້ງ ແລະເລີ່ມທຸລະກິດ, ຍົກສູງຄຸນນະພາບການເຄື່ອນໄຫວອາສາສະໝັກເພື່ອຮັບປະກັນຊີວິດສັງຄົມ; ສ້າງພື້ນຖານເພື່ອສົມທົບກັນເປັນປະຈຳໃນການຈັດຕັ້ງການພົບປະແລກປ່ຽນ, ແລກປ່ຽນບົດຮຽນໃນການຈັດຕັ້ງບັນດາການເຄື່ອນໄຫວວຽກງານຊາວໜຸ່ມ ແລະຂະບວນການຊາວໜຸ່ມເຍົາວະຊົນ. ຈາກນັ້ນ, ປະກອບສ່ວນຍູ້ແຮງວຽກງານຮ່ວມມືກັບສາກົນໃນການຍົກສູງຄຸນນະພາບຂອງອົງການຈັດຕັ້ງຊາວໜຸ່ມ.
ໂດຍ: ທະນາພອນ