ເປັນທີ່ຮູ້ກັນວ່າ, ລະບົບຊົນລະປະທານແຫ່ງນີ້ ໄດ້ຮັບການກໍ່ສ້າງມາແຕ່ທ້າຍປີ 2022 ດ້ວຍຍອດຈຳນວນເງິນລົງທຶນກວ່າ 159 ຕື້ດົ່ງ, ໃນນັ້ນທຶນຊ່ວຍເຫຼືອຈາກລັດຖະບານຫວຽດນາມ ແມ່ນ ກວ່າ 157 ຕື້ດົ່ງ; ທຶນສົມທົບຂອງລາວ ປະມານ 2 ຕື້ດົ່ງ.

ເຖິງວ່າມີຄວາມຫຍຸ້ງຍາກຫຼາຍຢ່າງໃນສະພາບການກໍ່ສ້າງກໍ່ຕາມ, ແຕ່ດ້ວຍຄວາມມານະພະຍາຍາມ ແລະຄວາມຕັດສິນໃຈອັນໃຫຍ່ຫຼວງ, ໂຄງການດັ່ງກ່າວຈຶ່ງສຳເລັດກ່ອນ 7 ເດືອນ ເມື່ອທຽບໃສ່ແຜນການ.

leftcenterrightdel
ບັນດາຜູ້ແທນຕັດແຖບຜ້າເປີດນຳໃຊ້ໂຄງການ. ພາບ: baobacgiang.vn

ຕີລາຄາສູງຂະບວນການຜັນຂະຫຍາຍໂຄງການ, ຜູ້ຕາງໜ້າຄະນະກຳມະການຮ່ວມມື ລາວ - ຫວຽດນາມ, ຫວຽດນາມ - ລາວ ໃຫ້ຮູ້ວ່າ: ການກໍ່ສ້າງໂຄງການແມ່ນຮັບປະກັນຄຸນນະພາບ, ຖືກຕ້ອງກັບການອອກແບບ, ເຮັດໃຫ້ການຊົນລະປະທານໝັ້ນຄົງໃຫ້ແກ່ທີ່ດິນກະສິກຳ, ຊ່ວຍໃຫ້ປະຊາຊົນມີຜະລິດຕະພັນ ແລະມີຄຸນນະພາບສູງ, ປະກອບສ່ວນລົບລ້າງຄວາມອຶດຫິວຫຼຸດຜ່ອນຄວາມທຸກຍາກເທື່ອລະກ້າວ, ພ້ອມທັງປັບປຸງສະພາບແວດລ້ອມນິເວດຢູ່ໃນເຂດຢ່າງຕັ້ງໜ້າ.

ການເປີດນຳໃຊ້ 4 ລະບົບຊົນລະປະທານບໍ່ພຽງແຕ່ສະແດງໃຫ້ເຫັນຄວາມເອົາໃຈໃສ່ຂອງການນຳຂອງສອງປະເທດໃນການຊຸກຍູ້ຄວາມໝັ້ນຄົງ, ພັດທະນາເສດຖະກິດ-ສັງຄົມຂອງແຂວງໄຊສົມບູນເທົ່ານັ້ນແຕ່ຍັງສະແດງໃຫ້ເຫັນຄວາມຕັດສິນໃຈຂອງສອງລັດຖະບານ, ສອງຄະນະກຳມະການຮ່ວມມືຫວຽດນາມ - ລາວ, ລາວ - ຫວຽດນາມ ໃນການຍູ້ແຮງການຮ່ວມມືໃນຂົງເຂດກະສິກຳນີ້ຕື່ມອີກດ້ວຍ.

ກ່າວຄຳເຫັນທີ່ການຮັບເອົາໂຄງການມາຄຸ້ມຄອງ ແລະນຳໃຊ້, ການນຳແຂວງໄຊສົມບູນ ໄດ້ສະແດງຄວາມຂອບໃຈມາຍັງລັດຖະບານຫວຽດນາມ ແລະບັນດາກົມກອງທີ່ກ່ຽວຂ້ອງທີ່ໄດ້ເອົາໃຈໃສ່ຜັນຂະຫຍາຍ, ສໍາເລັດໂຄງການໂດຍໄວ.

ອຳນາດການປົກຄອງແຂວງຈະເປັນເຈົ້າການສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງຂອງລາວ ແລະຫວຽດນາມ ເພື່ອມີແຜນການຄຸ້ມຄອງ, ຮັບປະກັນການນຳໃຊ້ຢ່າງມີປະສິດທິຜົນທີ່ສຸດ ແລະຍາວນານ, ປະກອບສ່ວນຊຸກຍູ້ການພັດທະນາເສດຖະກິດ - ສັງຄົມຂອງແຂວງ.

ໂຄງການກໍ່ສ້າງລະບົບຊົນລະປະທານ 4 ແຫ່ງ ຢູ່ເມືອງອານຸວົງ ແລະເມືອງທ່າໂທມ ລວມມີລາຍການ: ກໍ່ສ້າງລະບົບ 4 ເຂື່ອນຕົ້ນຕໍ ແລະເຂື່ອນສຳຮອງ; ຕິດຕັ້ງວາວແບ່ງນ້ຳ, ທໍ່ນ້ຳ, ທໍ່ລະບາຍນ້ຳ... ຮ່ອງນ້ຳ ມີລວງຍາວທັງໝົດປະມານ 30 ກິໂລແມັດ.

ໂດຍ: ຈາງຫງວຽນ