ແລກປ່ຽນຍົກສູງປະສິດທິຜົນວຽກງານຂົນຂວາຍປະຊາຊົນ
ກປ.ອອນໄລ - ວັນທີ 16 ກໍລະກົດ, ຄະນະປະຕິບັດງານກົມກໍ່ສ້າງຮາກຖານ (ກົມໃຫຍ່ການເມືອງ ກອງທັບປະຊາຊົນລາວ) ນຳໂດຍທ່ານພັນເອກ ຄຳຮັງ ໄຊມຸງຄຸນ ຮອງຫົວໜ້າກົມກໍ່ສ້າງຮາກຖານ ໄດ້ມາຢ້ຽມຢາມ, ພົບປະແລກປ່ຽນບົດຮຽນໃນວຽກງານຂົນຂວາຍປະຊາຊົນ ກັບກອງບັນຊາການທະຫານແຂວງວິ້ງຟຸກ.
ທີ່ການພົບປະແລກປ່ຽນ, ການນຳກອງບັນຊາການທະຫານແຂວງວິ້ງຟຸກ ໄດ້ແນະນຳໂດຍສັງເຂບໃຫ້ຄະນະປະຕິບັດງານ ກ່ຽວກັບໝາກຜົນພົ້ນເດັ່ນໃນວຽກງານຂົນຂວາຍປະຊາຊົນໃນຊຸມປີຜ່ານມາ. ໃນນັ້ນ, ມີຫຼາຍວິທີການທີ່ດີ, ມີຫົວຄິດປະດິດສ້າງໄດ້ ແລະພວມຜັນຂະຫຍາຍຈາກບັນດາກົມກອງ ຄື: ປະຕິບັດໂຄງການເປົ້າໝາຍແຫ່ງຊາດກໍ່ສ້າງຊົນນະບົດໃໝ່ ໄລຍະ 2021-2025; ການເຄື່ອນໄຫວແຮກສ່ຽວ, ການພົບປະແລກປ່ຽນວັດທະນະທຳ, ສິລະປະ, ກິລາກາຍຍະກຳ; ເຂົ້າຮ່ວມການກໍ່ສ້າງເຂດປອດໄພ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ສະກັດກັ້ນ “ການຜັນປ່ຽນໂດຍສັນຕິ” ແລະການກໍ່ຄວາມວຸ້ນວາຍໂຄ່ນລົ້ມ; ການລະດົມຂົນຂວາຍຊົນເຜົ່າສ່ວນໜ້ອຍ...
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/17/upload_2124/qtrang17072024_02.jpg?dpi=150&quality=100&w=500) |
ບັນດາຜູ້ແທນແລກປ່ຽນປະສົບການ ໃນການປະຕິບັດວຽກງານຂົນຂວາຍປະຊາຊົນ. ພາບ: ທູຮ່າ. |
ຜ່ານການແລກປ່ຽນປະສົບການ, ຄະນະປະຕິບັດງານກົມກໍ່ສ້າງຮາກຖານ (ກົມໃຫຍ່ການເມືອງກອງທັບປະຊາຊົນລາວ) ໄດ້ສະແດງຄວາມປະທັບໃຈຕໍ່ວິທີການທີ່ດີ, ມີຫົວຄິດປະດິດສ້າງຂອງກອງບັນຊາການທະຫານແຂວງວິ້ງຟຸກ. ພ້ອມທັງ, ຜ່ານການເຄື່ອນໄຫວແບ່ງປັນ, ຄະນະປະຕິບັດງານກໍ່ຖອດຖອນໄດ້ຫຼາຍບົດຮຽນ, ຮູບແບບທີ່ດີ, ວິທີການທີ່ມີປະໂຫຍດເພື່ອຍົກສູງຄຸນນະພາບເປັນເສນາທິການກວ່າອີກ, ແນໃສ່ປະຕິບັດວຽກງານຂົນຂວາຍປະຊາຊົນຢູ່ທ້ອງຖິ່ນ.
ທ່ານພັນເອກ ຄຳຮັງ ໄຊມຸງຄຸນ ຫວັງວ່າ ໃນໄລຍະຈະມາເຖິງ, ສອງຝ່າຍຈະສືບຕໍ່ແລກປ່ຽນບົດຮຽນໃນການດໍາເນີນວຽກງານຂົນຂວາຍປະຊາຊົນ ໃນກອງທັບ, ຜ່ານນັ້ນປັບປຸງ, ເພີ່ມພູນຄູນສ້າງອາລົມຈິດ, ຈິດໃຈສາມັກຄີລະຫວ່າງກອງບັນຊາການທະຫານແຂວງວິ້ງຟຸກ ແລະກົມກໍ່ສ້າງຮາກຖານ (ກົມໃຫຍ່ການເມືອງ ກອງທັບປະຊາຊົນລາວ).
ໂດຍ: ຈາງຫງວຽນ