ຊຸກຍູ້ການຜະລິດດໍາເນີນທຸລະກິດຂອງວິສາຫະກິດຫວຽດນາມ ຢູ່ລາວ ແລະກໍາປູເຈຍ
ກປ.ອອນໄລ - ໃນຂອບເຂດການຢ້ຽມຢາມທາງລັດຖະກິດຢູ່ ລາວ ແລະກໍາປູເຈຍ ຂອງທ່ານ ໂຕເລິມ ປະທານປະເທດຫວຽດນາມ, ໃນລະຫວ່າງວັນທີ 11-13 ກໍລະກົດ, ທ່ານ ຫງວຽນຈີ໊ຢຸງ ລັດຖະມົນຕີກະຊວງແຜນການ ແລະການລົງທຶນຫວຽດນາມ ໄດ້ມີການພົບປະ ແລະເຮັດວຽກກັບບັນດາຄູ່ຮ່ວມມືສອງຝ່າຍ ແລະວິສາຫະກິດຫວຽດນາມ ຢູ່ລາວ ແລະກໍາປູເຈຍ ຈຳນວນໜຶ່ງ ແນໃສ່ກໍາແໜ້ນສະພາບຕົວຈິງຂອງວິສາຫະກິດຫວຽດນາມ ທີ່ພວມລົງທຶນ, ດໍາເນີນທຸລະກິດຢູ່ ລາວ ແລະກໍາປູເຈຍ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/14/upload_2122/14072024_th_02.jpg?dpi=150&quality=100&w=500) |
ທ່ານ ຫງວຽນຈີ໊ຢຸງ ລັດຖະມົນຕີກະຊວງແຜນການ ແລະການລົງທຶນຫວຽດນາມ ຢ້ຽມຢາມໂຮງງານປຸງແຕ່ງຜະລິດຕະພັນນ້ຳນົມຢູ່ກໍາປູເຈຍ ຂອງບໍລິສັດຫຸ້ນສ່ວນນ້ຳນົມຫວຽດນາມ (Vinamilk). ພາບ: ກົງນາມ |
ວັນທີ 13 ກໍລະກົດ, ຢູ່ກໍາປູເຈຍ, ທ່ານລັດຖະມົນຕີກະຊວງແຜນການ ແລະການລົງທຶນ ຫງວຽນຈີ໊ຢຸງ ໄດ້ມີການເຮັດວຽກກັບການນໍາກຸ່ມບໍລິສັດອຸດສາຫະກໍາຢາງພາລາຫວຽດນາມ (VRG) ແລະການນໍາ 16 ບໍລິສັດສະມາຊິກຢູ່ ກໍາປູເຈຍ ເພື່ອກໍາແໜ້ນສະພາບການເຄື່ອນໄຫວຂອງໂຄງການປູກ ແລະປຸງແຕ່ງຢາງພາລາຢູ່ລາວ ແລະກໍາປູເຈຍ. ກໍ່ໃນການເຄື່ອນໄຫວຢູ່ ກໍາປູເຈຍ, ຕອນເຊົ້າວັນທີ 13 ກໍລະກົດ, ທ່ານລັດຖະມົນຕີ ຫງວຽນຈີ໊ຢຸງ ໄດ້ໄປຢ້ຽມຢາມໂຄງການຟາມລ້ຽງງົວ ແລະໂຮງງານປຸງແຕ່ງຜະລິດຕະພັນນ້ຳນົມຢູ່ ກໍາປູເຈຍ ຂອງບໍລິສັດຫຸ້ນສ່ວນນ້ຳນົມຫວຽດນາມ (Vinamilk).
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/07/14/upload_2122/14072024_th_03.jpg?dpi=150&quality=100&w=500) |
ທ່ານ ຫງວຽນຈີ໊ຢຸງ ລັດຖະມົນຕີກະຊວງແຜນການ ແລະການລົງທຶນຫວຽດນາມ ລົງຢ້ຽມຢາມ ແລະລະດົມກໍາລັງໃຈພະນັກງານ, ພາລະກອນບໍລິສັດຫຸ້ນສ່ວນ Greenfeed ຫວຽດນາມ ທີ່ພວມເຮັດວຽກຢູ່ລາວ. ພາບ: ກົງນາມ |
ກ່າວຄຳເຫັນທີ່ການພົບປະກັບຜູ້ຕາງໜ້າວິສາຫະກິດຢູ່ລາວ, ທ່ານລັດຖະມົນຕີ ຫງວຽນຈີ໊ຢຸງ ຕີລາຄາສູງວິສາຫະກິດໄດ້ລົງທຶນ ແລະດໍາເນີນທຸລະກິດຢູ່ລາວ, ເປັນຕົ້ນແມ່ນເລື່ອງໂຮງງານນຳໃຊ້ເຕັກໂນໂລຢີທີ່ທັນສະໄໝ, ການຜະລິດວົງປິດ, ນໍາມາເຊິ່ງປະສິດທິຜົນ ແລະມີມູນຄ່າເພີ່ມສູງ. ພ້ອມກັນນັ້ນ, ໂຄງການກໍ່ສ້າງວຽກເຮັດງານທຳທີ່ໝັ້ນຄົງຫຼາຍຢ່າງໃຫ້ຜູ້ອອກແຮງງານທ້ອງຖິ່ນ, ປະກອບເຂົ້າງົບປະມານ ແລະການພັດທະນາແບບຍືນຍົງຂະແໜງກະສິກໍາ, ຊົນນະບົດຢູ່ລາວ.
ປະຈຸບັນ, ຫວຽດນາມ ແມ່ນໜຶ່ງໃນບັນດານັກລົງທຶນ, ຄູ່ຮ່ວມມືການຄ້າໃຫຍ່ທີ່ສຸດຂອງ ລາວ ແລະປະຈຸບັນມີ 255 ໂຄງການລົງທຶນຍັງມີຜົນສັກສິດຢູ່ລາວ ດ້ວຍຍອດຈຳນວນທຶນລົງທຶນ 5,5 ຕື້ໂດລາສະຫະລັດ. ມີວິສາຫະກິດຫວຽດນາມ ຫຼາຍແຫ່ງທີ່ລົງທຶນຢູ່ ລາວ ໄດ້ຊ່ວຍສ້າງວຽກເຮັດງານທໍາ ແລະລາຍຮັບເປັນປົກກະຕິໃຫ້ປະຊາຊົນລາວ, ຍົກສູງຊີວິດການເປັນຢູ່ຂອງປະຊາຊົນລາວ ເທື່ອລະກ້າວ.
ໂດຍ: ເຈິ່ນຮວ່ຽນ