ຍົກສູງປະສິດທິຜົນການສົມທົບກັນໃນວຽກງານຮັບປະກັນປ້ອງກັນຄວາມສະຫງົບຂອງຊາດລະຫວ່າງຫວຽດນາມ-ລາວ
ກປ.ອອນໄລ - ຕອນເຊົ້າວັນທີ 15 ມີນາ, ຢູ່ດ່ານັ້ງ, ກະຊວງຕໍາຫຼວດຫວຽດນາມ ສົມທົບກັບກະຊວງປ້ອງກັນຄວາມສະຫງົບລາວ ຈັດຕັ້ງກອງປະຊຸມຮ່ວມມືດ້ານປ້ອງກັນຄວາມສະຫງົບ ຫວຽດນາມ-ລາວ ຄັ້ງທີ XIII.
ສະຫາຍພົນໂທ ເລືອງຕາມກວາງ ຮອງລັດຖະມົນຕີກະຊວງຕໍາຫຼວດຫວຽດນາມ ແລະສະຫາຍພົນໂທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບລາວ ເປັນປະທານຮ່ວມກອງປະຊຸມ.
ທີ່ກອງປະຊຸມ, ສອງຝ່າຍເຫັນດີເປັນເອກະພາບສືບຕໍ່ຜັນຂະຫຍາຍປະສິດທິຜົນບັນດາກົນໄກຮ່ວມມືທີ່ມີຢູ່ແລ້ວ, ເປັນຕົ້ນແມ່ນລະຫວ່າງບັນດາກົມກອງວິຊາສະເພາະ ແລະຕໍາຫຼວດທ້ອງຖິ່ນຕິດກັບຊາຍແດນ; ພິເສດແມ່ນຖືເປັນສໍາຄັນກົນໄກແລກປ່ຽນຂ່າວວິຊາສະເພາະປະຈຳໄລຍະ ແລະ "ໂທລະສັບສາຍດ່ວນ" ເພື່ອມີມາດຕະການສະກັດກັ້ນ, ຕໍ່ສູ້ແກ້ໄຂຢ່າງທັນການ ແລະເປັນເສນາທິການຊ່ວຍການນໍາສອງກະຊວງກ່ຽວກັບແຜນນະໂຍບາຍ, ມາດຕະການຮັບປະກັບຄວາມສະຫງົບຂອງຊາດໃນສະພາບການໃໝ່.
|
|
ບັນຍາກາດທີ່ກອງປະຊຸມ. ພາບ: vov.vn |
ສອງຝ່າຍສົມທົບກັນຢ່າງແໜ້ນແຟ້ນກ່ຽວກັບທັດສະນະ, ຫຼັກໝັ້ນຂອງສອງປະເທດທີ່ບັນດາເວທີປາໄສຮ່ວມມືດ້ານປ້ອງກັນຄວາມສະຫງົບສາກົນ ແລະໃນພາກພື້ນ; ຊຸກຍູ້ການຮ່ວມມືດ້ານປ້ອງກັນ, ຕ້ານການກໍ່ການຮ້າຍສາກົນຂອງບັນດາປະເທດຂຶ້ນກັບອາຊຽນ; ຮັບປະກັນປ້ອງກັນຄວາມສະຫງົບໃຫ້ບັນດາເຫດການໃຫຍ່ທີ່ດໍາເນີນຢູ່ລາວ ແລະຫວຽດນາມ ໃນໄລຍະຈະມາເຖິງ. ຝ່າຍຫວຽດນາມ ຍາມໃດກໍ່ພ້ອມແລ້ວທີ່ຈະໜູນຊ່ວຍປະເທດລາວ ກະກຽມ ແລະສໍາເລັດບົດບາດເປັນປະທານອາຊຽນ ປີ 2024.
ໂດຍ: ຈາງຫງວຽນ