ກອງບັນຊາການ ປກສ ແຂວງຫົວພັນ ອວຍພອນບຸນເຕັດກອງບັນຊາການຕໍາຫຼວດແຂວງເງະອານ
ກປ.ອອນໄລ - ວັນທີ 20 ມັງກອນ, ທີ່ດ່ານຊາຍແດນທົງທຸ້ (ແຂວງເງະອານ), ຄະນະປະຕິບັດງານກອງບັນຊາການ ປກສ ແຂວງຫົວພັນ ນໍາໂດຍທ່ານພັນໂທ ອຳພອນ ພັນມະຈັນ ຮອງຫົວໜ້າກອງບັນຊາການ ປກສ ແຂວງຫົວພັນ ໄດ້ມາອວຍພອນປີໃໝ່ຕໍາຫຼວດແຂວງເງະອານ.
ຕ້ອນຮັບຄະນະມີທ່ານພັນເອກພິເສດ ເລວັນຖາຍ ຮອງຫົວໜ້າກອງບັນຊາການຕໍາຫຼວດແຂວງເງະອານ ພ້ອມກັບຜູ້ຕາງໜ້າກອງບັນຊາການທະຫານຊາຍແດນແຂວງເງະອານ ແລະບັນດາຫ້ອງວິຊາສະເພາະ.
    |
 |
|
ຄະນະປະຕິບັດງານກອງບັນຊາການ ປກສ ແຂວງຫົວພັນ ມອບຂອງຂວັນ ແລະອວຍພອນປີໃໝ່ກອງບັນຊາການຕໍາຫຼວດແຂວງເງະອານ. ພາບ: cand.com.vn |
ໃນບັນຍາກາດຕົ້ນລະດູບານໃໝ່, ທ່ານພັນໂທ ອຳພອນ ພັນມະຈັນ ໄດ້ສົ່ງຄໍາອວຍພອນປີໃໝ່ເຖິງພະນັກງານ, ນັກຮົບຕໍາຫຼວດແຂວງເງະອານ; ສະແດງຄວາມເຊື່ອໝັ້ນວ່າ ໃນໄລຍະຈະມາເຖິງ, ຕໍາຫຼວດສອງແຂວງຈະສືບຕໍ່ພ້ອມກັນແລກປ່ຽນ, ແບ່ງປັນບົດຮຽນ, ເພີ່ມທະວີການຮ່ວມມື, ຮັດແໜ້ນສາຍພົວພັນສະໜິດຕິດແໜ້ນເພື່ອພ້ອມກັນປະຕິບັດໜ້າທີ່ໃຫ້ເປັນຢ່າງດີ.
ທ່ານພັນເອກພິເສດ ເລວັນຖາຍ ຂອບໃຈອາລົມຈິດອັນເລິກເຊິ່ງຂອງຄະນະປະຕິບັດງານກອງບັນຊາການ ປກສ ແຂວງຫົວພັນ ເວົ້າສະເພາະ ແລະກອງບັນຊາການ ປກສ ບັນດາແຂວງຂອງປະເທດເພື່ອນລາວ. ໃນໄລຍະຈະມາເຖິງ, ທ່ານປາດຖະໜາວ່າສອງຝ່າຍສືບຕໍ່ເພີ່ມທະວີການແລກປ່ຽນຂໍ້ມູນຂ່າວສານທີ່ກ່ຽວຂ້ອງເຖິງຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ຍູ້ແຮງການຮ່ວມມືໃນຂົງເຂດຕໍ່ສູ້ປ້ອງກັນ, ຕ້ານອາດຊະຍາກໍາ, ສຸມໃສ່ແກ້ໄຂສະພາບຄວາມໝັ້ນຄົງຢູ່ຊາຍແດນ, ປະກອບສ່ວນສໍາຄັນໃນພາລະກິດປົກປັກຮັກສາປະເທດຊາດ.
ໂດຍ: ຈາງຫງວຽນ