ຮັບສະໝັກຄູອາຈານ 22 ຄົນຕື່ມອີກເພື່ອໄປສິດສອນຢູ່ປະເທດລາວ
ກປ.ອອນໄລ - ກະຊວງສຶກສາ ແລະກໍ່ສ້າງຫວຽດນາມ ປະກາດຮັບສະໝັກຄູອາຈານ 22 ຄົນຕື່ມອີກເພື່ອໄປສອນພາສາຫວຽດນາມ ຂັ້ນປະຖົມ, ມັດທະຍົມ, ມະຫາວິທະຍາໄລ/ສະຖາບັນ, ວິທະຍາໄລ, ອົງການກະຊວງ, ຂະແໜງການໃນສົກຮຽນ 2021-2022 ແລະ 2022-2023.
ການສົ່ງຄູອາຈານໄປສອນພາສາຫວຽດນາມ ຢູ່ປະເທດລາວແມ່ນອີງຕາມໂຄງການ “ຍົກສູງຄຸນນະພາບ ແລະປະສິດທິຜົນຂອງການຮ່ວມມືຫວຽດນາມ-ລາວ ໃນຂົງເຂດການສຶກສາ ແລະພັດທະນາແຫຼ່ງຊັບພະຍາກອນມະນຸດໃນປີ 2021-2030”; ແຜນການຮ່ວມມືປີ 2021 ລະຫວ່າງກະຊວງສຶກສາ ແລະກໍ່ສ້າງຫວຽດນາມ ແລະກະຊວງສຶກສາທິການ ແລະກິລາລາວ.
|
|
ພາບປະກອບຄັດຈາກ: giaoduc.net.vn. |
ເພື່ອເຂົ້າຮ່ວມສະໝັກ, ຜູ້ສະໝັກຕ້ອງແມ່ນຄູອາຈານຫວຽດນາມ ທີ່ພວມສິດສອນຢູ່ຮາກຖານການສຶກສາຂັ້ນມະຫາວິທະຍາໄລ; ມັດທະຍົມ; ຄູອາຈານທີ່ເຄີຍສິດສອນພາສາຫວຽດຢູ່ລາວ. ຄູອາຈານທີ່ໄດ້ຮັບການຄັດເລືອກຈາກກະຊວງສຶກສາ ແລະກໍ່ສ້າງ ຈະໄດ້ຮັບເງິນເດືອນ 720 ໂດລາສະຫະລັດ/ເດືອນ, ປະກັນສຸຂະພາບ, ຄ່າປີ້ຍົນໄປ-ກັບຕໍ່ໜຶ່ງອາຍຸການປະຕິບັດງານ. ໃນອາຍຸການປະຕິບັດງານຈະໄດ້ພັກແລ້ງ, ພັກວັນບຸນເຕັດຕາມຂໍ້ກໍານົດຂອງຝ່າຍລາວ.
ຜູ້ສະໝັກແມ່ນໃຫ້ສົ່ງສໍາເນົາເອກະສານໂດຍທາງໄປສະນີເຖິງກົມຮ່ວມມືສາກົນ, ກະຊວງສຶກສາ ແລະກໍ່ສ້າງ ກ່ອນວັນທີ 22 ກໍລະກົດ. ຜູ້ໄດ້ຮັບສະໝັກທາງກະຊວງສຶກສາ ແລະກໍ່ສ້າງຈະແຈ້ງຕອບ, ແນະນໍາວິທີເຮັດລະບຽບການຕໍ່ໄປເພື່ອຈັດສົ່ງໄປສິດສອນຢູ່ລາວ.
ໂດຍ: ທະນາພອນ