ກ່າວຄຳເຫັນທີ່ພິທີມອບ-ຮັບ, ທ່ານ ພົງສະຫວັດ ເສນາພວນ ປະທານກຸ່ມບໍລິສັດພົງຊັບທະວີ ຈຳກັດຜູ້ດຽວ ຢືນຢັນວ່ານີ້ແມ່ນນ້ຳໃຈຈາກພະນັກງານທຸກຄົນໃນກຸ່ມບໍລິສັດ ດ້ວຍຄວາມປາດຖະໜາຢາກຮ່ວມແຮງຮ່ວມໃຈພ້ອມກັບພັກ, ລັດ ແລະປະຊາຊົນຫວຽດນາມ ໃນການຕໍ່ສູ້ປ້ອງກັນ, ຕ້ານພະຍາດໂຄວິດ-19. ກຸ່ມບໍລິສັດພົງຊັບທະວີ ຈຳກັດຜູ້ດຽວ ຫວັງວ່າຫວຽດນາມ ຈະຄວບຄຸມ ແລະຕ້ານພະຍາດໄດ້ຢ່າງວ່ອງໄວ ເພື່ອໃຫ້ຊີວິດການເປັນຢູ່ຂອງປະຊາຊົນກັບຄືນສູ່ສະພາບປົກກະຕິໂດຍໄວ.

leftcenterrightdel
ບັນຍາກາດທີ່ພິທີມອບ-ຮັບ. ພາບ: ສໍານັກຂ່າວສານຫວຽດນາມ

ກ່າວຄຳເຫັນທີ່ພິທີ, ທ່ານ ຫງວຽນບ໊າຮຸ່ງ ເອກອັກຄະລັດຖະທູດຫວຽດນາມ ປະຈຳລາວ ໄດ້ສະແດງຄວາມຂອບໃຈຕໍ່ນ້ຳໃຈ ແລະການກະທໍາອັນສູງສົ່ງຂອງພະນັກງານກຸ່ມບໍລິສັດພົງຊັບທະວີ ຈຳກັດຜູ້ດຽວໝົດທຸກຄົນ. ທ່ານເອກອັກຄະລັດຖະທູດ ໃຫ້ຮູ້ວ່າເຖິງວ່າປະຊາຊົນ ແລະປະເທດລາວ ຍັງປະສົບກັບຄວາມຫຍຸ້ງຍາກຫຼາຍຢ່າງກໍ່ຕາມ, ແຕ່ໃນຊຸມວັນຜ່ານມາ, ບັນດາອົງການ, ຫົວໜ່ວຍ ແລະບັນດາວິສາຫະກິດຂອງລາວ ກໍ່ໄດ້ສະໜັບສະໜູນ ແລະປະກອບສ່ວນເຂົ້າໃນການຕໍ່ສູ້ປ້ອງກັນ, ຕ້ານພະຍາດໂຄວິດ-19 ຂອງລັດຖະບານ ແລະປະຊາຊົນຫວຽດນາມ. ນີ້ແມ່ນການສະແດງໃຫ້ເຫັນຢ່າງຈະແຈ້ງກ່ຽວກັບສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ-ລາວ.

ໂດຍ: ທະນາພອນ