ໃນຫຼາຍປີຜ່ານມາ, ແພດໝໍ ຫງວຽນວັນກວກຈີ້ ໄດ້ປິ່ນປົວໃຫ້ຜູ້ກິນເຫັດພິດ, ໃບງ້ວນ, ຜູ້ຖືກເຜິ້ງກັດ, ງູພິດກັດ, ອອກລູກກາງທາງ... ຫຼາຍຄົນ. ບັນດາວຽກທີ່ມີຄວາມໝາຍນັ້ນຂອງແພດໝໍ ຫງວຽນວັນກວກຈີ້ ສະແດງໃຫ້ເຫັນອາລົມຈິດ, ຄວາມສາມັກຄີ, ສະໜິດຕິດພັນລະຫວ່າງທະຫານ ແລະປະຊາຊົນ, ສ້າງຄວາມໄວ້ເນື້ອເຊື່ອໃຈອັນເລິກເຊິ່ງໃຫ້ປະຊາຊົນຢູ່ເຂດຊາຍແດນ.
ເກືອບ 20 ປີທີ່ສະໜິດຕິດພັນກັບເຂດຊາຍແດນ, ພັນຕີ, ແພດໝໍ ຫງວຽນວັນກວກຈີ໊ ພ້ອມກັບພະນັກງານຄ້າຍທະຫານຊາຍແດນ Tr’hy, ເມືອງໄຕຢາງ ໄດ້ຂົນຂວາຍ, ໂຄສະນາໃຫ້ພໍ່ແມ່ປະຊາຊົນຊາວເຜົ່າເກີຕູ ຍົກສູງຄວາມຮັບຮູ້ກ່ຽວກັບຜົນຮ້າຍຈາກການເຊື່ອຖືງົມງວາຍ, ຄ່ອງໆລົບລ້າງຮີດຄອງປະເພນີທີ່ຫຼ້າຫຼັງໃນວົງຄະນາຍາດ.
    |
 |
|
ພັນຕີ, ແພດໝໍ ຫງວຽນວັນກວກຈີ້ ກວດພະຍາດໃຫ້ປະຊາຊົນ. ພາບ: vov.vn |
ໂດຍໄດ້ຮັບການກຳເນີດ ແລະເຕີບໃຫຍ່ຢູ່ເມືອງນຸ໋ຍແທ່ງ, ແຂວງກວ໋າງນາມ. ພາຍຫຼັງຮຽນຈົບມະຫາວິທະຍາໄລການແພດການຢາເຫວ້ (ມະຫາວິທະຍາໄລເຫວ້), ແພດໝໍ ຫງວຽນວັນກວກຈີ້ ມາເຮັດວຽກຢູ່ຄ້າຍທະຫານຊາຍແດນ ດັກ ປຣິງ (ເມືອງນາມຢາງ). ຮອດເດືອນພຶດສະພາ 2021, ແພດໝໍ ຈີ້ ໄດ້ຍ້າຍມາເຮັດວຽກຢູ່ຫ້ອງກວດພະຍາດທະຫານ ແລະປະຊາຊົນ AXan ຄ້າຍທະຫານຊາຍແດນ Tr’hy, ເມືອງໄຕຢາງ, ກວດ, ປິ່ນປົວພະຍາດໃຫ້ປະຊາຊົນ 4 ຕາແສງຊາຍແດນຂອງໄຕຢາງ ແລະບາງບ້ານຊາຍແດນຂອງປະເທດເພື່ອນລາວ.
ບໍ່ວ່າເວລາໃດ, ເມື່ອມີຄົນໃນບ້ານເຈັບເປັນ, ໂລກໄພໄຂ້ເຈັບ, ກິນເຫັດພິດ, ໃບງ້ວນ, ຖືກເຜິ້ງກັດ, ງູພິດກັດ, ໂດຍສະເພາະແມ່ນຄົນເຈັບທ້ອງອອກລູກ... ພໍ່ແມ່ປະຊາຊົນລ້ວນແຕ່ເຊື່ອໝັ້ນ, ໄປຫາແພດໝໍ ຫງວຽນວັນກວກຈີ້. ຫວ່າງມໍ່ໆມານີ້, ໃນຍາມກາງຄືນຂອງລະດູໜາວ, ເມື່ອໄດ້ຮັບຂ່າວມີແມ່ຍິງຊາວເຜົ່າເກີຕູ ຄົນໜຶ່ງ ບົນເສັ້ນທາງໄປອອກລູກ ແຕ່ຖົງນ້ຳຄາວປາແຕກ, ເຈັບທ້ອງແຮງ ບໍ່ສາມາດນັ່ງລົດຈັກໄປຍັງຫ້ອງກວດພະຍາດຕໍ່ໄປໄດ້. ແພດໝໍ ຫງວຽນວັນກວກຈີ້ ພ້ອມກັບເພື່ອນຮ່ວມອາຊີບ ໄດ້ຟ້າວໄປບ່ອນແກ້ໄຂຢູ່ກັບທີ່ຢ່າງທັນການ, ເດັກຍິງໄດ້ກຳເນີດ, ທັງສອງແມ່ລູກ ລ້ວນແຕ່ແຂງແຮງຢູ່.
|
|
 |
|
ແພດໝໍ ຫງວຽນວັນກວກຈີ້ ຊ່ວຍເອົາລູກອອກ ໃຫ້ແມ່ຍິງທີ່ອອກລູກ ຢູ່ແຄມທາງໃນຍາມກາງຄືນ. ພາບ: vov.vn |
ຄວາມຊົງຈໍາຕໍ່ຊຸມປີທີ່ເຮັດວຽກຢູ່ເຂດຊາຍແດນຂອງແພດໝໍ ຫງວຽນວັນກວກຈີ້ ແລະເພື່ອນຮ່ວມອາຊີບ ນັບມື້ນັບຫຼາຍ. ແພດໝໍ ຫງວຽນວັນກວກຈີ້ ແບ່ງປັນວ່າ: “ບ່ອນທີ່ກົມກອງຕັ້ງທັບ ແມ່ນຢູ່ຕາແສງ AXan ເຂດພູສູງຂອງ ເມືອງໄຕຢາງ, ແຂວງກວ໋າງນາມ, ປະຊາຊົນຢູ່ທີ່ນີ້ ລ້ວນແຕ່ແມ່ນຊາວເຜົ່າເກີຕູ, ເງື່ອນໄຂເສດຖະກິດ ແລະຄວາມຮັບຮູ້ຂອງພໍ່ແມ່ປະຊາຊົນຍັງຈໍາກັດຢູ່ ສະນັ້ນຍັງມີຮີດຄອງປະເພນີທີ່ຫຼ້າຫຼັງ. ພວກຂ້າພະເຈົ້າ ໄດ້ບຸລິມະສິດເປັນພິເສດແກ່ວຽກງານໂຄສະນາ ແລະຂົນຂວາຍປະຊາຊົນຄ່ອງໆລົບລ້າງຮີດຄອງປະເພນີທີ່ຫຼ້າຫຼັງ, ຈາກນັ້ນສະຕິຂອງພໍ່ແມ່ປະຊາຊົນ ຄ່ອງໆໄດ້ຮັບການຍົກສູງຂຶ້ນຢ່າງຈະແຈ້ງ.
ທ່ານ Bling Mưr ຢູ່ບ້ານ A Banh 1, ຕາແສງ Tr'hy, ເມືອງໄຕຢາງ ແບ່ງປັນດ້ວຍຄວາມຕື້ນຕັນໃຈວ່າ: “ແພດໝໍ ຫງວຽນວັນກວກຈີ້ ຍາມໃດກໍແນະນໍາຢ່າງສຸດຈິດສຸດໃຈ, ຖືຄົນເຈັບຄືຄົນໃນຄອບຄົວ. ບາງຄັ້ງບາງຄາວ ແພດໝໍ ຈີ້ ໄດ້ຂ້າມຫ້ວຍໄປຍັງບ້ານເພື່ອປິ່ນປົວພະຍາດໃຫ້ຄົນເຈັບ, ຄົນເຖົ້າແກ່ປະສົບຄວາມຫຍຸ້ງຍາກແຕ່ບໍ່ມີເງື່ອນໄຂໄປປິ່ນປົວພະຍາດຢູ່ໂຮງໝໍໃຫຍ່. ນອກຈາກກວດ, ປິ່ນປົວພະຍາດແລ້ວ, ແພດໝໍ ຈີ້ ຍັງແນະນໍາວິທີນຳໃຊ້ວິທີຄຸມກໍາເນີດໃຫ້ແກ່ຄູ່ຜົວເມຍກ່ຽວກັບວຽກງານສະກັດກັ້ນ ແລະຕ້ານໂລກລະບາດ”.
|
|
 |
|
ພັນເອກ ບຸ່ຍວັນດຶກ ຫົວໜ້າຄ້າຍທະຫານຊາຍແດນ Tr'hy. ພາບ: vov.vn |
ສະເລ່ຍແຕ່ລະປີ, ຫ້ອງກວດພະຍາດທະຫານ ແລະປະຊາຊົນ AXan ຮັບເອົາຄົນເຈັບແຕ່ 6.000 ຫາ 8.000 ເທື່ອຄົນຂຶ້ນກັບ 4 ຕາແສງເມືອງໄຕຢາງ, ແຂວງກວ໋າງນາມ ແລະບັນດາບ້ານຊາຍແດນຂອງເມືອງກະລືມ, ແຂວງເຊກອງ, ປະເທດລາວ ມາກວດ ແລະປິ່ນປົວພະຍາດ. ແຕ່ປີ 2016 ມາຮອດປັດຈຸປັນ, ຫ້ອງກວດພະຍາດ ໄດ້ຮັບການກໍ່ສ້າງດ້ວຍຂອບຂະໜາດທີ່ນັບມື້ນັບໃຫຍ່ກວ່າ, ຕິດຕັ້ງອຸປະກອນການແພດທີ່ທັນສະໄໝ ຄື: ເຄື່ອງເອັກສະເລ (X-quang) ດີຈີຕອນ, ເຄື່ອງວິໄຈຊີວະເຄມີອັດຕະໂນມັດ, ເຄື່ອງຜະລິດອົກຊີແຊນອັດຕິໂນມັດ, ຕຽງນອນ 10 ໜ່ວຍ ແລະລົດສຸກເສີນ.
ພັນເອກ ບຸ່ຍວັນດຶກ ຫົວໜ້າຄ້າຍທະຫານຊາຍແດນ Tr'hy ໃຫ້ຮູ້ວ່າ: “ສະຫາຍ ຫງວຽນວັນກວກຈີ້ ແມ່ນຜູ້ມີຄວາມຮັບຜິດຊອບ ແລະເປັນແບບຢ່າງຂອງກໍາລັງທະຫານຊາຍແດນແຂວງ ເວົ້າລວມ ກໍຄື ຂອງກົມກອງເວົ້າສະເພາະ. ປະຊາຊົນຢູ່ທີ່ນີ້ມີຄວາມຮັບຮູ້ຍັງຈໍາກັດຢູ່, ຍ້ອນເງື່ອນໄຂພື້ນຖານວັດຖຸ, ການໄປມາຍັງປະສົບຄວາມຫຍຸ້ງຍາກ, ຖ້າຫາກພະຍາບານສຸກເສີນບໍ່ທັນ ແລະຕ້ອງຂົນສົ່ງໄປໂຮງໝໍຂັ້ນເທິງ ຈະເສຍເວລາ 2 ເຖິງ 3 ຊົ່ວໂມງ ຈຶ່ງໄປຮອດໂຮງໝໍເມືອງ. ສະນັ້ນ, ຖ້າຫາກບໍ່ມີແພດໝໍ ຈີ້ ປິ່ນປົວຢ່າງທັນການ ຈະອັນຕະລາຍທີ່ສຸດຕໍ່ຊີວິດ. ສະຫາຍ ຫງວຽນວັນກວກຈີ້ ເປັນແບບຢ່າງຂອງກົມກອງ ກໍຄືຂອງກໍາລັງທະຫານຊາຍແດນແຂວງກວ໋າງນາມ ເວົ້າລວມ”.
ບັນດາວຽກງານທີ່ມີຄວາມໝາຍຂອງແພດໝໍ ຫງວຽນວັນກວກຈີ້ ໄດ້ສະແດງໃຫ້ເຫັນອາລົມຈິດ, ຄວາມສາມັກຄີ, ຄວາມສະໜິດຕິດພັນລະຫວ່າງທະຫານ ແລະປະຊາຊົນ, ສ້າງຄວາມໄວ້ເນື້ອເຊື່ອໃຈຢ່າງເລິກເຊິ່ງໃຫ້ປະຊາຊົນຢູ່ເຂດຊາຍແດນ. ບັນດາແພດໝໍທະຫານຊາຍແດນ ຄື ແພດໝໍ ຈີ້ ໄດ້ປະກອບສ່ວນເສີມສ້າງມູນເຊື້ອອັນສະຫງ່າລາສີຂອງທະຫານລຸງໂຮ່ ຢູ່ເຂດຊາຍແດນແຂວງກວ໋າງນາມ.
ໂດຍ: ໄຊຊະນະ