ຮ່ວມແຮງຮ່ວມໃຈຮັກສາເສັ້ນຊາຍແດນສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະພັດທະນາ
ກປ.ອອນໄລ - ຄ້າຍທະຫານຊາຍແດນ ດ່ານຊາຍແດນສາກົນ ຈາລໍ, ກອງບັນຊາການທະຫານຊາຍແດນແຂວງ ກວາງບິ່ງ ແລະກອງຮ້ອຍທະຫານຊາຍແດນ 311, ກອງຮ້ອຍທະຫານຊາຍແດນ 312 ຂຶ້ນກັບກອງບັນຊາການທະຫານແຂວງ ຄຳມ່ວນ ຫາກໍ່ສົມທົບກັນປະຕິບັດສໍາເລັດການລາດຕະເວນສອງຝ່າຍສອງຄັ້ງຢູ່ເຂດຊາຍແດນ ຫວຽດນາມ - ລາວ ຕາມແຜນການທີ່ໄດ້ກຳນົດ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/07/upload_2124/qtrang07042024_09.jpeg?dpi=150&quality=100&w=500) |
ກຳລັງປົກປັກຮັກສາຊາຍແດນ 2 ຝ່າຍກວດກາສະພາບຄວາມປອດໄພຢູ່ຫຼັກໝາຍຊາຍແດນເລກທີ 525. ພາບ: qdnd.vn |
ພາຍຫຼັງປະຕິບັດໜ້າທີ່ເປັນເວລາເກືອບ 2 ອາທິດ, ພະນັກງານ, ນັກຮົບບັນດາກຳລັງປົກປັກຮັກສາຊາຍແດນຕ້ອງລາດຕະເວນຂ້າມປ່າ, ຜ່ານເສັ້ນທາງທຸລະກັນດານດ້ວຍຫ້ວຍເລິກ, ເຫັນຊັນຍາວເກືອບ 150 ກິໂລແມັດ ໃນສະພາບອາກາດຮ້ອນເອົ້າ 38-39 ອົງສາ. ເຖິງວ່າມີອາກາດຮ້າຍແຮງ, ຂາກນ້ຳໃຊ້, ກິນ, ນອນຊົ່ວຄາວຢູ່ກາງປ່າເລິກເປັນເວລາຫຼາຍວັນກໍ່ຕາມ, ແຕ່ພະນັກງານ, ນັກຮົບຍາມໃດກໍ່ຍົກສູງຈິດໃຈມານະພະຍາຍາມ, ຜ່ານຜ່າຄວາມຫຍຸ້ງຍາກ, ຕັດສິນໃຈປະຕິບັດສໍາເລັດໜ້າທີ່.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/04/07/upload_2124/qtrang07042024_10.jpeg?dpi=150&quality=100&w=500) |
ຄ້າຍທະຫານຊາຍແດນ ດ່ານຊາຍແດນສາກົນ ຈາລໍ ແລະກອງຮ້ອຍທະຫານຊາຍແດນ 311 ຢູ່ຫຼັກໝາຍຊາຍແດນ ເລກທີ 522. ພາບ: qdnd.vn |
ນອກຈາກກໍາລັງທະຫານຊາຍແດນ 2 ປະເທດແລ້ວ, ບັນດາກົມກອງຍັງລະດົມກຳລັງຕຳຫຼວດ, ທະຫານລາດຈາກບັນດາຕາແສງຊາຍແດນເຂົ້າຮ່ວມການລາດຕະເວນສອງຝ່າຍເພື່ອແນໃສ່ເສີມຂະຫຍາຍກໍາລັງແຮງສັງລວມໃນວຽກງານຄຸ້ມຄອງ, ປົກປັກຮັກສາ, ຮັກສາສະຖຽນລະພາບຄວາມໝັ້ນຄົງດ້ານການເມືອງ, ຄວາມປອດໄພ, ຄວາມເປັນລະບຽບຮຽບຮ້ອຍທາງສັງຄົມຢູ່ເສັ້ນທາງຊາຍແດນຫວຽດນາມ - ລາວ; ຮັກສາຊາຍແດນ, ຫຼັກໝາຍຊາຍແດນ, ຮ່ວມແຮງຮ່ວມໃຈກໍ່ສ້າງຊາຍແດນສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະພັດທະນາ.
ໂດຍ: ຈາງຫງວຽນ