ເປີດສະຫຼອງອານຸສາວະລີ “ລຸງໂຮ່ ກັບທະຫານຊາຍແດນ”
ກປ.ອອນໄລ - ຕອນບ່າຍວັນທີ 2 ມີນາ, ຢູ່ຄ້າຍທະຫານຊາຍແດນດ່ານຊາຍແດນ ມາລູ່ທ່າງ (ຂຶ້ນກັບທະຫານຊາຍແດນແຂວງລາຍເຈົາ) ໄດ້ຈັດຕັ້ງພິທີເປີດສະຫຼອງອານຸສາວະລີ “ລຸງໂຮ່ ກັບທະຫານຊາຍແດນ”. ນີ້ແມ່ນໂຄງການກໍ່ສ້າງ ເພື່ອສະເຫຼີມສະຫຼອງ 65 ປີແຫ່ງວັນມູນເຊື້ອທະຫານຊາຍແດນ (3-3-1959 / 3-3-2024) ແລະ 35 ປີແຫ່ງວັນທ່ົວປວງຊົນປ້ອງກັນຊາຍແດນ (3-3-1989 / 3-3-2024).
ໂຄງການກໍ່ສ້າງອານຸສາວະລີ “ລຸງໂຮ່ ກັບທະຫານຊາຍແດນ” ແມ່ນໂຄງການທີ່ມີຄວາມໝາຍໃນການສຶກສາມູນເຊື້ອອັນເລິກເຊິ່ງ, ແມ່ນສະຖານທີ່ເພື່ອໃຫ້ກົມກອງລາຍງານຜົນງານອັນພົ້ນເດັ່ນໃນການປະຕິບັດໜ້າທີ່ວຽກງານ ຕໍ່ລຸງໂຮ່ ແລະຕັກເຕືອນພະນັກງານ, ນັກຮົບແຕ່ລະຄົນຕ້ອງສາມັກຄີ, ເປັນເອກະພາບພ້ອມກັນຕັດສິນໃຈຜ່ານຜ່າຄວາມຫຍຸ້ງຍາກ ແລະສິ່ງທ້າທາຍ, ປະຕິບັດສຳເລັດທຸກໜ້າທີ່ທີ່ໄດ້ຮັບມອບໝາຍ, ປົກປັກຮັກສາອະທິປະໄຕຜືນແຜ່ນດິນ, ຄວາມສະຫງົບຢູ່ເຂດຊາຍແດນແຫ່ງຊາດ, ຮັກສາຄວາມໝັ້ນຄົງດ້ານການເມືອງ, ຄວາມປອດໄພ, ຄວາມເປັນລະບຽບຮຽບຮ້ອຍທາງສັງຄົມໃນບໍລິເວນໄວ້ໃຫ້ໝັ້ນຄົງ.
|
|
ບັນດາຜູ້ແທນ ຕັດແຖບຜ້າເປີດສະຫຼອງອານຸສາວະລີ “ລຸງໂຮ່ ກັບທະຫານຊາຍແດນ”. ພາບ: qdnd.vn |
ພ້ອມດຽວກັນນັ້ນ, ໂຄງການກໍແມ່ນສະຖານທີ່ສຶກສາອົບຮົມດ້ານມູນເຊື້ອ, ລະດົມສົ່ງເສີມກຳລັງໃຈໃຫ້ຖັນແຖວພະນັກງານ, ນັກຮົບໃນກົມກອງ, ກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະພັດທະນາ; ກໍ່ສ້າງອົງການຈັດຕັ້ງພັກ ໃຫ້ປອດໃສ, ໝັ້ນຄົງເຂັ້ມແຂງ, ຮອບດ້ານ ແລະເປັນ “ແບບຢ່າງ, ດີເດັ່ນ”...
ທີ່ພິທີເປີດສະຫຼອງ, ບັນດາຜູ້ແທນໄດ້ຖະຫວາຍທູບທຽນ ແລະດອກໄມ້ຢູ່ອານຸສາວະລີ “ລຸງໂຮ່ ກັບທະຫານຊາຍແດນ”. ເນື່ອງໃນໂອກາດນີ້, ບໍລິສັດຫຸ້ນສ່ວນຫຼັກຊັບ ຣົ່ງຫວຽດ ໄດ້ມອບດອກໄມ້ ແລະຂອງຂວັນເພື່ອອວຍພອນຄ້າຍທະຫານຊາຍແດນດ່ານຊາຍແດນ ມາລູ່ທ່າງ ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນມູນເຊື້ອທະຫານຊາຍແດນ ແລະ 35 ປີແຫ່ງວັນທົ່ວປວງຊົນປ້ອງກັນຊາຍແດນ.
ໂດຍ: ທູຈາງ