ປະຕິກິລິຍາຂອງຫວຽດນາມ ຕໍ່ເລື່ອງ ຈີນ ປະກາດໃຊ້ຄໍາສັ່ງຫ້າມຫາປາ ຢູ່ ທະເລຕາເວັນອອກ
ກປ.ອອນໄລ - ວັນທີ 29 ເມສາ, ເມື່ອຕອບຄໍາຖາມຂອງນັກຂ່າວ ກ່ຽວກັບປະຕິກິລິຍາຂອງຫວຽດນາມ ຕໍ່ເລື່ອງ ຈີນ ປະກາດໃຊ້ຄໍາສັ່ງຫ້າມຫາປາ ໃນ 3 ເດືອນ ຢູ່ທະເລຕາເວັນອອກ, ໃນນັ້ນມີເຂດທະເລຂອງຫວຽດນາມ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ຊີ້ແຈ້ງວ່າ:
    |
 |
|
ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ. ພາບ: ສໍານັກຂ່າວສານຫວຽດນາມ. |
“ຫຼັກໝັ້ນຂອງຫວຽດນາມ ຕໍ່ຄໍາສັ່ງຫ້າມຫາປາຂອງ ຈີນ ຢູ່ທະເລຕາເວັນອອກ ແມ່ນສະເໝີຕົ້ນສະເໝີປາຍ, ໄດ້ຢັ້ງຢືນຢ່າງຈະແຈ້ງໃນຊຸມປີຜ່ານມາ. ຕາມນັ້ນແລ້ວ, ຂອບເຂດສ່ວນໜຶ່ງຂອງຄໍາສັ່ງຫ້າມຫາປາໄດ້ລະເມີດອະທິປະໄຕຂອງຫວຽດນາມ ສໍາລັບໝູ່ເກາະຮວ່າງຊາ, ສິດອະທິປະໄຕ ແລະສິດພິພາກສາຂອງຫວຽດນາມ ທີ່ໄດ້ລະບຸໄວ້ໃນສົນທິສັນຍາຂອງສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ ປີ 1982, ສັນຍາວ່າດ້ວຍການກໍານົດເສັ້ນຊາຍແດນຢູ່ອ່າວພາກເໜືອລະຫວ່າງຫວຽດນາມ ແລະ ຈີນ ທີ່ໄດ້ລົງນາມເມື່ອປີ 2000.
ຫວຽດນາມ ຮຽກຮ້ອງໃຫ້ຈີນ ເຄົາລົບອະທິປະໄຕຂອງຫວຽດນາມ ສໍາລັບໝູ່ເກາະຮວ່າງຊາ, ສິດອະທິປະໄຕ ແລະສິດພິພາກສາສໍາລັບບັນດາເຂດທະເລຂອງຕົນ ເມື່ອຜັນຂະຫຍາຍບັນດາມາດຕະການອະນຸລັກຮັກສາແຫຼ່ງຊັບພະຍາກອນສິ່ງທີ່ມີຊີວິດຢູ່ເຂດທະເລຕາເວັນອອກ, ບໍ່ເຮັດໃຫ້ສະພາບການສັບສົບຂຶ້ນຕື່ມ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ຄວາມເປັນລະບຽບຮຽບຮ້ອຍຢູ່ເຂດທະເລຕາເວັນອອກ”.
ໂດຍ: ໄຊຊະນະ