ນາຍົກລັດຖະມົນຕີມາເລເຊຍ ຢັ້ງຢືນຄືນໃໝ່ກ່ຽວກັບການແກ້ໄຂບັນຫາທະເລຕາເວັນອອກໂດຍສັນຕິວິທີ, ສອດຄ່ອງກັບກົດໝາຍສາກົນ
ກປ.ອອນໄລ - ກ່າວຄໍາເຫັນເມື່ອເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 37 ໄດ້ຈັດຕັ້ງຜ່ານລະບົບທາງໄກໃນວັນທີ 12 ພະຈິກ ພາຍໃຕ້ການເປັນປະທານຂອງທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ, ທ່ານ Muhyiddin Yassin ນາຍົກລັດຖະມົນຕີມາເລເຊຍ ເນັ້ນໜັກວ່າ ມາເລເຊຍ ຢຶດໝັ້ນຕໍ່ຫຼັກໝັ້ນທີ່ວ່າບັນດາບັນຫາທີ່ກ່ຽວຂ້ອງເຖິງທະເລຕາເວັນອອກຕ້ອງໄດ້ແກ້ໄຂໂດຍສັນຕິວິທີ ແລະມີລັກສະນະສ້າງສັນ.
ທ່ານ Muhyiddin Yassin ຊີ້ແຈ້ງວ່າ ບັນດາມາດຕະການແກ້ໄຂບັນຫາທະເລຕາເວັນອອກຕ້ອງສອດຄ່ອງກັບບັນດາຫຼັກການຂອງກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNLCOS) ປີ 1982. ທຸກຝ່າຍທີ່ກ່ຽວຂ້ອງຕ້ອງເຮັດວຽກນຳກັນ ເພື່ອຮັບປະກັນໃຫ້ທະເລຕາເວັນອອກແມ່ນເຂດທະເລແຫ່ງສັນຕິພາບ, ສະຖຽນລະພາບ ແລະການຄ້າສາກົນ.
|
|
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ເປັນປະທານກອງປະຊຸມສຸດຍອດອາຊຽນ ຄັ້ງທີ 37 ຜ່ານລະບົບທາງໄກ. ພາບ: ສໍານັກຂ່າວສານຫວຽດນາມ. |
ທ່ານ Muhyiddin Yassin ກໍ່ເນັ້ນໜັກວ່າ ບົດບາດຂອງອາຊຽນແມ່ນປັດໄຈຍຸດທະສາດການເມືອງພວມມີການປ່ຽນແປງຢ່າງວ່ອງໄວຄືໃນປະຈຸບັນ. ຕາມທ່ານ Muhyiddin Yassin ແລ້ວ, ອາຊຽນສາມາດຮັກສາໄດ້ບົດບາດນີ້ໄວ້ໄດ້ເມື່ອບັນດາປະເທດສະມາຊິກມີຄວາມສາມັກຄີ ແລະເຮັດວຽກນຳກັນດ້ວຍຄວາມເປັນເອກະພາບ.
ໂດຍ: ເຈິ່ນຮວ່ຽນ