ບັນດາກິດຈະກໍາທີ່ມີຄວາມໝາຍຫຼາຍຢ່າງໃນລາຍການ “ອົບອຸ່ນໃຈຢູ່ໝູ່ເກາະຫ່າງໄກ”
ກປ.ອອນໄລ - ໃນລະຫວ່າງວັນທີ 21-22 ທັນວາ, ບໍລິສັດຫຸ້ນສ່ວນຫຼັັກຊັບ MB (MBS), ອົງການສະມາຊິກຂອງທະນາຄານການຄ້າຫຸ້ນສ່ວນກອງທັບ, ໂຮງໝໍມະຫາວິທະຍາໄລການແພດນະຄອນໂຮ່ຈີມິນ ພ້ອມດ້ວຍບາງອົງການ, ຜູ້ອຸປະຖຳໄດ້ສົມທົບກັນຈັດຕັ້ງບັນດາກິດຈະກຳທີ່ມີຄວາມໝາຍຢູ່ເມືອງໂກນດາວ, ບ່າເຣ້ຍ-ຫວູງເຕົ່າ, ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 75 ປີ ແລະວັນບຸນທົ່ວປວງຊົນປ້ອງກັນຊາດ ຄົບຮອບ 30 ປີ.
ຄະນະຈັດຕັ້ງໄດ້ມອບທຶນສຶກສາ 70 ທຶນໃຫ້ແກ່ນັກຮຽນທຸກຍາກແຕ່ຮຽນເກັ່ງ ແລະມອບຂອງຂວັນ, ເສື້ອຊູຊີບໃຫ້ແກ່ບັນດາຄອບຄົວນັກຮົບທະຫານຊາຍແດນ, ປ້ອມຣາດາ 590, ກອງພັນໃຫຍ່ 251, ກອງບັນຊາການທະຫານເຮືອເຂດ 2, ຄອບຄົວຊາວປະມົງປະສົບຄວາມທຸກຍາກ ແລະມອບຂອງຂວັນ 20 ພູດໃຫ້ແກ່ຄອບຄົວພະນັກງານ, ນັກຮົບທະຫານຊາຍແດນປະສົບຄວາມທຸກຍາກທີ່ພວມດໍາລົງຊີວິດຢູ່ເມືອງໂກນດາວ.
    |
 |
|
ບັນດາແພດໝໍກວດພະຍາດໃຫ້ເປົ້າໝາຍນະໂຍບາຍ. ພາບ: qdnd.vn. |
ນອກຈາກນັ້ນ, ລາຍການຍັງມອບຄອມພິວເຕີ, ໂທລະທັດ, ໜູນຊ່ວຍຄ່າໃຊ້ຈ່າຍໃຫ້ຄ້າຍທະຫານຊາຍແດນເບ໊ນເດິ່ມ, ຄ້າຍທະຫານຊາຍແດນໂກນດາວ, ມອບເສື້ອຊູຊີບ 200 ຜືນ ແລະຂອງຂວັນ 200 ພູດໃຫ້ແກ່ບັນດາຊາວປະມົງທີ່ມີເຮືອຫາປາຢູ່ທະເລເພື່ອຊ່ວຍເຫຼືອ, ປຸກລະດົມ, ໜູນຊ່ວຍບັນດາຄອບຄົວຊາວປະມົງ, ຄອບຄົວນະໂຍບາຍປະສົບກັບຄວາມທຸກຍາກ, ຄອບຄົວບັນດາກໍາລັງປະກອບອາວຸດທີ່ຕັ້ງທັບຢູ່ໂກນດາວ ມີຊີວິດການເປັນຢູ່ເປັນປົກກະຕິ, ແກ້ໄຂຄວາມຫຍຸ້ງຍາກ, ສ້າງເສດຖະກິດຄອບຄົວຢ່າງທັນການ.
|
|
 |
|
ມອບຂອງຂວັນເສື້ອຊູຊີບໃຫ້ແກ່ຊາວປະມົງຢູ່ເມືອງໂກນດາວ. ພາບ: qdnd.vn. |
ຄຽງຂ້າງນັ້ນ, ຖັນແຖວແພດໝໍຍັງໄດ້ກວດພະຍາດ, ໃຫ້ຄໍາປຶກສາດ້ານສຸຂະພາບ, ແຈກຢາຍຢຸກຢາໂດຍບໍ່ເສຍຄ່າ ແລະມອບຂອງຂວັນ 500 ພູດໃຫ້ເປົ້າໝາຍແມ່ນອະດີດນັກໂທດດ້ານການເມືອງ, ທະຫານເສຍອົງຄະ, ນັກຮົບເກົ່າ, ຄອບຄົວນະໂຍບາຍ, ຄອບຄົວມີຄຸນງານຄວາມດີຕໍ່ການປະຕິວັດຢູ່ເມືອງໂກນດາວ. ລອມຍອດມູນຄ່າທັງໝົດໃນການປະຕິບັດລາຍການນີ້ແມ່ນຫຼາຍກວ່າ 400 ລ້ານດົ່ງ.
ໂດຍ: ເກື່ອງດັ້ງ