ຝຶກອົບຮົມວຽກງານໂຄສະນາກ່ຽວກັບການປ້ອງກັນຊາຍແດນປີ 2019 ໃຫ້ແກ່ພະນັກງານລາວ
ກປ.ອອນໄລ - ໃນລະຫວ່າງວັນທີ 8-9 ມິຖຸນາ, ຄະນະໂຄສະນາສຶກສາແຂວງແທງຮວ໊າ, ຄະນະໂຄສະນາອົບຮົມແຂວງຫົວພັນ (ລາວ) ໄດ້ສົມທົບກັບເມືອງ ກວານຮວ໊າ ຈັດຕັ້ງກອງປະຊຸມຝຶກອົບຮົມວຽກງານໂຄສະນາກ່ຽວກັບການປ້ອງກັນຊາຍແດນປີ 2019 ໃຫ້ແກ່ພະນັກງານ 120 ຄົນ ທີ່ປະຕິບັດວຽກງານໂຄສະນາສຶກສາ, ໂຄສະນາອົບຮົມຢູ່ບັນດາເມືອງ, ຕາແສງ, ກຸ່ມບ້ານທີ່ຕິດກັບຊາຍແດນແຂວງຫົວພັນ (ລາວ) ແລະແຂວງແທງຮວ໊າ (ຫວຽດນາມ).
    |
 |
|
ບັນດາຜູ້ແທນຖ່າຍຮູບເປັນທີ່ລະນຶກ. ພາບ: baothanhhoa.vn. |
ຄະນະໂຄສະນາສຶກສາແຂວງແທງຮວ໊າ ໄດ້ສຸມໃສ່ສ້າງເນື້ອໃນ ແລະແນະນໍາການໂຄສະນາໃຫ້ບັນດາເມືອງ, ຕາແສງທີ່ຕິດກັບຊາຍແດນແຂວງຫົວພັນ; ຊີ້ນໍາ, ກໍານົດທິດໂຄສະນາວຽກງານຂີດເສັ້ນຊາຍແດນ, ປັກຫຼັກໝາຍຊາຍແດນເປັນປະຈຳ, ປະກອບສ່ວນຍົກສູງຄວາມຮັບຮູ້ຂອງປະຊາຊົນທຸກຊັ້ນວັນນະ, ຄວາມເຫັນດີເຫັນພ້ອມ ແລະການສະໜັບສະໜູນຂອງປະຊາຊົນພາຍໃນ, ຕ່າງປະເທດ ແລະເພື່ອນມິດສາກົນກ່ຽວກັບຄວາມໝາຍ, ຄວາມຈຳເປັນຕ້ອງປະຕິບັດສໍາເລັດວຽກງານຂີດເສັ້ນຊາຍແດນ, ປັກຫຼັກໝາຍຊາຍແດນ; ກໍ່ສ້າງລະບົບເສັ້ນຊາຍແດນແຫ່ງຊາດທັນສະໄໝ; ຮັບປະກັນຄວາມເປັນລະບຽບຮຽບຮ້ອຍ, ຄວາມໝັ້ນຄົງຢູ່ເຂດຊາຍແດນ ແລະຄວາມສໍາຄັນຂອງການກໍ່ສ້າງ, ຄຸ້ມຄອງເສັ້ນຊາຍແດນສັນຕິພາບ, ມິດຕະພາບ, ການຮ່ວມມືພ້ອມກັນພັດທະນາ; ສືບຕໍ່ປັບປຸງ ແລະຊຸກຍູ້ການພົວພັນມິດຕະພາບ, ການຮ່ວມມືລະຫວ່າງແຂວງແທງຮວ໊າ ແລະແຂວງຫົວພັນ; ຕັ້ງໜ້າໜູນຊ່ວຍວຽກງານຂີດເສັ້ນຊາຍແດນ, ປັກຫຼັກໝາຍ ແລະຄຸ້ມຄອງຊາຍແດນ.
ທີ່ກອງປະຊຸມ, ບັນດານັກສໍາມະນາກອນໄດ້ຮັບຟັງ 2 ຫົວຂໍ້ສະເພາະກ່ຽວກັບວຽກງານປ້ອງກັນຊາຍແດນຢ່າງປອດໄພ ແລະວຽກງານປ້ອງກັນ ແລະສະກັດກັ້ນຢາເສບຕິດຢູ່ເສັ້ນຊາຍແດນສອງແຂວງແທງຮວ໊າ - ຫົວພັນ.
ໂດຍ: ກວຽດເຕິມ