ຕໍາຫຼວດທະເລ ຫວຽດນາມ-ອິນໂດເນເຊຍ ເພີ່ມທະວີການຮ່ວມມື ເພື່ອເຂດທະເລສະຫງົບສຸກ
ກປ.ອອນໄລ - ສືບຕໍ່ການຢ້ຽມຢາມ ແລະພົບປະແລກປ່ຽນຂອງກໍາປັ່ນຕໍາຫຼວດທະເລ 8001 ຢູ່ອິນໂດເນເຊຍ, ວັນທີ 26 ສິງຫາ, ຄະນະປະຕິບັດງານຕໍາຫຼວດທະເລຫວຽດນາມ ນໍາໂດຍທ່ານພົນຈັດຕະວາ ໂງບິ່ງມິງ, ຜູ້ບັນຊາການຕໍາຫຼວດທະເລ ເຂດ 3 ໄດ້ເຂົ້າຢ້ຽມຂໍ່ານັບການນໍາຕໍາຫຼວດທະເລອິນໂດເນເຊຍ ແລະເປັນປະທານຮ່ວມກອງປະຊຸມສອງຝ່າຍຕໍາຫຼວດທະເລສອງປະເທດ.
    |
 |
|
ບັນຍາກາດທີ່ການເຂົ້າຢ້ຽມຂໍ່ານັບການນໍາຕໍາຫຼວດທະເລອິນໂດເນເຊຍ. ພາບ: nongnghiepmoitruong.vn |
ທີ່ການຕ້ອນຮັບ, ທ່ານພົນຕີ Irvansyah, ຜູ້ບັນຊາການຕໍາຫຼວດທະເລອິນໂດເນເຊຍ ສະແດງຄວາມຫວັງວ່າ ການຢ້ຽມຢາມຄັ້ງນີ້ຂອງຄະນະປະຕິບັດງານຕໍາຫຼວດທະເລຫວຽດນາມ ເຖິງອິນໂດເນເຊຍ ຈະປະກອບສ່ວນເພີ່ມທະວີການຮ່ວມມືລະຫວ່າງສອງກໍາລັງເວົ້າສະເພາະ, ອໍານາດການປົກຄອງ ແລະປະຊາຊົນນະຄອນ Jakarta ກັບອໍານາດການປົກຄອງ ແລະປະຊາຊົນບັນດາທ້ອງຖິ່ນຂອງຫວຽດນາມ ເວົ້າລວມ. ຜ່ານນັ້ນ ປະກອບສ່ວນຊຸກຍູ້ການຮ່ວມມືຮອບດ້ານລະຫວ່າງສອງລັດຖະບານ ອິນໂດເນເຊຍ ແລະຫວຽດນາມ.
ທ່ານພົນຈັດຕະວາ ໂງບິ່ງມິງ ເນັ້ນໜັກວ່າ ການຢ້ຽມຢາມຂອງກໍາປັ່ນຕໍາຫຼວດທະເລ 8001 ແລະຄະນະ ເຖິງອິນໂດເນເຊຍ ຄັ້ງນີ້ມີຄວາມໝາຍສໍາຄັນຍິ່ງ, ປະກອບສ່ວນເພີ່ມທະວີສາຍພົວພັນມິນຕະພາບ, ຄວາມເຂົ້າໃຈເຊິ່ງກັນ ແລະກັນລະຫວ່າງຕໍາຫຼວດທະເລຫວຽດນາມ ແລະຕໍາຫຼວດທະເລອິນໂດເນເຊຍ.
|
|
 |
|
ຜູ້ບັນຊາການກໍາລັງຕໍາຫຼວດທະເລອິນໂດເນເຊຍ ພ້ອມດ້ວຍຄະນະປະຕິບັດງານ ຢ້ຽມຊົມກໍາປັ່ນຕໍາຫຼວດທະເລ 8001. ພາບ: nongnghiepmoitruong.vn |
ທີ່ກອງປະຊຸມຕໍາຫຼວດທະເລສອງຝ່າຍ ໂດຍການເປັນປະທານຮ່ວມຂອງທ່ານພົນຈັດຕະວາ ໂງບິ່ງມິງ, ຜູ້ບັນຊາການຕໍາຫຼວດທະເລເຂດ 3 ແລະທ່ານພົນຈັດຕະວາ Bakamla Didong Rio Duta Purwokuntjoro, ຮອງຫົວໜ້າກົມນະໂຍບາຍ ແລະຍຸດທະສາດ, ຕໍາຫຼວດທະເລອິນໂດເນເຊຍ, ສອງຝ່າຍໄດ້ເຫັນດີໃຫ້ຂໍ້ສັງເກດວ່າ: ໃນໄລຍະຜ່ານມາ, ຕໍາຫຼວດທະເລຫວຽດນາມ ແລະຕໍາຫຼວດທະເລອິນໂດເນເຊຍ ຍາມໃດກໍ່ຮັກສາສາຍພົວພັນການຮ່ວມມືອັນດີງາມ, ນັບມື້ນັບສະໜິດຕິດພັນ, ແທດຈິງກວ່າ, ປະກອບສ່ວນເຂົ້າໃນການຮັກສາຄວາມສະຫງົບ, ຄວາມປອດໄພ, ສັນຕິພາບ, ສະຖຽນລະພາບ, ການຮ່ວມມືພ້ອມກັນພັດທະນາຢູ່ເຂດທະເລຕ່າງໆໃນພາກພື້ນ.
|
|
 |
|
ຜູ້ຕາງໜ້າກໍາລັງຕໍາຫຼວດທະເລຫວຽດນາມ ແລະຕໍາຫຼວດທະເລອິນໂດເນເຊຍ ລົງນາມໃນບົດບັນທຶກຊ່ວຍຈໍາການຮ່ວມມືສອງຝ່າຍ. ພາບ: nongnghiepmoitruong.vn |
|
|
 |
|
ຜູ້ຕາງໜ້າການນໍາສອງກໍາລັງ ຖ່າຍຮູບເປັນທີ່ລະນຶກ. ພາບ: nongnghiepmoitruong.vn |
ທີ່ກອງປະຊຸມ, ສອງຝ່າຍພ້ອມກັນເຫັນດີບາງເນື້ອໃນສົມທົບກັນເຄື່ອນໄຫວໃນປີ 2026 ຄື ສືບຕໍ່ຮັກສາ, ເພີ່ມທະວີການຮ່ວມມືສອງຝ່າຍບົນຈິດໃຈບົດບັນທຶກຊ່ວຍຈໍາກ່ຽວກັບການຮ່ວມມືທາງທະເລ ເພື່ອແນໃສ່ບັນລຸໄດ້ໝາກຜົນແທດຈິງຫຼາຍກວ່າອີກໃນການຮ່ວມມືປະຕິບັດກົດໝາຍບົນທະເລ.
ໃນວັນດຽວກັນ, ພະນັກງານ, ນັກຮົບກໍາປັ່ນຕໍາຫຼວດທະເລ 8001 ພ້ອມດ້ວຍສະມາຊິກໃນຄະນະປະຕິບັດງານຕໍາຫຼວດທະເລຫວຽດນາມ ໄດ້ເຂົ້າຮ່ວມການແຂ່ງຂັນກິລາມິດຕະພາບ ພ້ອມກັບພະນັກງານ, ພາລະກອນຕໍາຫຼວດທະເລອິນໂດເນເຊຍ.
ໂດຍ: ທູຈາງ