ກ່າວຄຳເຫັນທີ່ເຫດການ, ທ່ານພົນໂທ ຮວ່າງຊວນຈ໊ຽນ ໃຫ້ຮູ້ວ່າ ໂດຍປະຕິບັດນະໂຍບາຍຂອງພັກ ແລະລັດກ່ຽວກັບການກໍ່ສ້າງເຂດສັນຍະລັກ ເພື່ອຮັບຮູ້ການຊ່ວຍເຫຼືອອັນລ້ຳຄ່າຂອງບັນດາປະເທດໃນການຕໍ່ຕ້ານຂອງຫວຽດນາມ, ຄະນະພັກການທະຫານສູນກາງ ແລະກະຊວງປ້ອງກັນປະເທດຫວຽດນາມ ໄດ້ຊີ້ນຳບັນດາອົງການ, ກົມກອງຜັນຂະຫຍາຍຢ່າງຮີບດ່ວນເພື່ອກໍ່ສ້າງເຂດວາງສະແດງສັນຍາລັກນ້ຳໃຈສາມັກຄີມິດຕະພາບ ແລະສະແດງຄວາມຮູ້ບຸນຄຸນຕໍ່ກັບສາກົນຢູ່ໃນບໍລິເວນກາງແຈ້ງຂອງພິພິທະພັນປະຫວັດສາດການທະຫານຫວຽດນາມ.

ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ ນີ້ແມ່ນກິດຈະກໍາທີ່ມີຄຸນຄ່າທາງດ້ານປະຫວັດສາດ, ວັດທະນະທໍາ, ການເມືອງອັນເລິກເຊິ່ງ, ເປັນພະຍານຫຼັກຖານຢັ້ງຢືນໃຫ້ການເສຍສະຫຼະ, ການອຸທິດສ່ວນອັນໃຫຍ່ຫຼວງຂອງເພື່ອນມິດສາກົນຕໍ່ກັບພາລະກິດຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບ ແລະປົກປັກຮັກສາປະເທດຊາດຫວຽດນາມ. ພ້ອມທັງ, ນີ້ກໍ່ຈະແມ່ນສະຖານທີ່ເພື່ອໂຄສະນາສຶກສາ ໃຫ້ຄົນລຸ້ນຫຼັງ ໃຫ້ມີຄວາມເຂົ້າໃຈກ່ວາອີກກ່ຽວກັບກຳລັງແຮງຂອງນໍ້າໃຈສາມັກຄີສາກົນອັນສູງສົ່ງ, ຂອງການ "ແບ່ງທຸກແບ່ງສຸກ" ເພື່ອເອກະລາດ, ອິດສະຫຼະລະພາບ, ສັນຕິພາບ ແລະ ມິດຕະພາບ. ຜ່ານນັ້ນ, ກໍ່ສົ່ງສານມາຍັງເພື່ອນມິດສາກົນທີ່ວ່າ ຫວຽດນາມ ຍາມໃດກໍ່ເຄົາລົບນັບຖື, ຮູ້ບຸນຄຸນຕໍ່ການສະໜັບສະໜູນອັນໃຫຍ່ຫຼວງຂອງເພື່ອນມິດສາກົນ ບໍ່ພຽງແຕ່ໃນອະດິດຕະການເທົ່ານັ້ນຫາກຍັງໃນປະຈຸບັນ ແລະໃນອະນາຄົດອີກດ້ວຍ.

leftcenterrightdel
ທ່ານພົນໂທ ເລຮຸຍວີ້ງ ແລະທ່ານ  Gennady Stepanovich Bezdetko  Bezdetko  ເອກອັກຄະລັດຖະທູດ ສະຫະພັນລັດເຊຍ ປະຈໍາຫວຽດນາມ ຕິດປ້າຍໃສ່ຮູບປັ້ນສະແດງຄວາມຮູ້ບຸນຄຸນຊ່ຽວຊານການທະຫານ ສະຫະພາບ ໂຊວຽດ. ພາບ: qdnd.vn

ກ່າວຄຳເຫັນທີ່ພິທີ, ທ່ານ   Gennady Stepanovich Bezdetko  ເອກອັກຄະລັດຖະທູດ ສະຫະພັນລັດເຊຍ ປະຈໍາຫວຽດນາມ ໄດ້ສະແດງຄວາມຂອບໃຈຝ່າຍຫວຽດນາມ ທີ່ໄດ້ຮັກສາຄວາມຊົງຈຳກ່ຽວກັບໜ້າປະຫວັດສາດຮ່ວມລະຫວ່າງຫວຽດນາມ ແລະສະຫະພາບໂຊວຽດ ໃນເມື່ອກ່ອນ, ຖືນີ້ແມ່ນພະຍານຫຼັກຖານໃຫ້ນ້ຳໃຈມິດຕະພາບ  ແລະ ຄວາມໄວ້ເນື້ອເຊື່ອໃຈທີ່ຈິງໃຈລະຫວ່າງ ຫວຽດນາມ - ສະຫະພັນລັດເຊຍ ໃນປະຈຸບັນ. ສ່ວນທ່ານ   Rogelio Polanco Fuentes ເອກອັກຄະລັດຖະທູດ ກູບາ ປະຈໍາຫວຽດນາມ ໄດ້ສະແດງຄວາມຮູ້ບຸນຄຸນອັນເລິກເຊິ່ງຕໍ່ກັບ ຫວຽດນາມ ຜ່ານການກະທໍາທີ່ມີຄວາມໝາຍຄືດັ່ງກ່າວ, ພ້ອມທັງຢືນຢັນຈະສືບຕໍ່ເພີ່ມພູນຄູນສ້າງໃຫ້ສາຍພົວພັນມິດຕະພາບຫວຽດນາມ - ກູບາ ໃຫ້ພັດທະນາແບບຍືນຍົງ.

leftcenterrightdel
ທ່ານພົນໂທ ຮວ່າງຂວນຈ໊ຽນ ແລະທ່ານ  Rogelio Polanco Fuentes ເອກອັກຄະລັດຖະທູດ ກູບາ ປະຈໍາຫວຽດນາມ ຕິດປ້າຍໃສ່ຮູບປັ້ນສະແດງຄວາມຮູ້ບຸນຄຸນ ຕໍ່ກັບຊ່ຽວຊານການທະຫານຂອງກູບາ. ພາບ: qdnd.vn

ເຂດວາງສະແດງສັນຍາລັກນໍ້າໃຈສາມັກຄີ, ມິດຕະພາບ ແລະຄວາມຮູ້ບຸນຄຸນຕໍ່ກັບສາກົນ ໄດ້ຮັບການຜັນຂະຫຍາຍກໍ່ສ້າງຢູ່ໃນບໍລິເວນກາງແຈ້ງຂອງຫໍພິພິທະພັນປະຫວັດສາດການທະຫານຫວຽດນາມ, ດ້ວຍຂະໜາດ 5 ກຸ່ມຮູບປັ້ນຂອງປະເທດຄື: ສະຫະພາບໂຊວຽດ, ກູບາ, ຈີນ, ລາວ ແລະ ກຳປູເຈຍ.

ໂດຍ: ທູຈາງ