ວິທະຍາຄານການແພດ ຈັດພິທີຮຽນຈົບໃຫ້ນັກສໍາມະນາກອນລາວ ແລະກໍາປູເຈຍ

ຜູ້ແທນເຂົ້າຮ່ວມພິທີຮຽນຈົບ. ພາບ: ຕ໊ວນຢຸງ

ຊຸດທີ 52LK (2018-2024) ມີນັກສໍາມະນາກອນເຂົ້າຮ່ວມລາຍການບຳລຸງສ້າງແພດສາດການທະຫານ 33 ຄົນ. ຜົນການບຳລຸງສ້າງແມ່ນຈັດຢູ່ໃນປະເພດດີ ແລະດີເລີດ 100%. ບົນພື້ນຖານຄວາມຮູ້ທີ່ໄດ້ມານັ້ນ, ບັນດາແພດໝໍທີ່ຮຽນຈົບກັບຄືນປະເທດຈະນຳໄປໝູນໃຊ້ເຂົ້າໃນຂະບວນການສົ່ງເສີມສຸຂະພາບຂອງທະຫານ ແລະປະຊາຊົນຢູ່ແຕ່ລະປະເທດ; ສືບຕໍ່ຄົ້ນຄວ້າ, ເສີມຂະຫຍາຍຂໍ້ລິເລີ່ມເພື່ອຍົກສູງຄວາມສາມາດດ້ານການກວດ ແລະປິ່ນປົວພະຍາດ, ເຊື່ອມໂຍງເຂົ້າກັບການແພດທີ່ກ້າວໜ້າຂອງໂລກເທື່ອລະກ້າວ; ຝຶກຝົນຫຼໍ່ຫຼອມຄຸນສົມບັດ, ແບບແຜນດຳລົງຊີວິດ, ສົມເປັນນັກສໍາມະນາກອນທີ່ໄດ້ຮໍ່າຮຽນຢູ່ວິທະຍາຄານການແພດ. ບັນດາສະຫາຍໄດ້ຕັ້ງໜ້າໂຄສະນາໃຫ້ພະນັກງານ, ນັກຮົບໃນກອງທັບ ແລະປະຊາຊົນສອງປະເທດລາວ ແລະກໍາປູເຈຍ ກ່ຽວກັບສາຍພົວພັນທີ່ສະໜິດຕິດພັນ, ບໍລິສຸດຜຸດຜ່ອງລະຫວ່າງ ຫວຽດນາມ-ລາວ-ກໍາປູເຈຍ, ຈາກນັ້ນປະກອບສ່ວນສ້າງສາ ແລະເພີ່ມພູນຄູນສ້າງນໍ້າໃຈສາມັກຄີ, ຄວາມສະໜິດຕິດພັນໃຫ້ນັບມື້ນັບແໜ້ນແຟ້ນ ແລະພັດທະນາຍິ່ງໆຂຶ້ນ.

ທີ່ພິທີ, ການນຳວິທະຍາຄານການແພດ ໄດ້ມອບໃບຍ້ອງຍໍໃຫ້ນັກສໍາມະນາກອນ 4 ສະຫາຍທີ່ມີຜົນງານດີເດັ່ນໃນການຮໍ່າຮຽນ.

ໂດຍ: ເຈິ່ນຮວ່ຽນ