ຄະນະປະຕິບັດງານກໍາລັງປ້ອງກັນຍີ່ປຸ່ນ ຢ້ຽມຢາມ ແລະເຂົ້າຢ໊ຽມຂໍ່ານັບກອງບັນຊາການທະຫານເຂດ 5
ກປ.ອອນໄລ - ວັນທີ 8 ພະຈິກ, ຢູ່ນະຄອນ ດ່າໜັງ, ຄະນະປະຕິບັດງານກໍາລັງປ້ອງກັນຍີ່ປຸ່ນ ນໍາໂດຍທ່ານພົນຈັດຕະວາ Aoki Kei, ຜູ້ບັນຊາການກອງບັນຊາການລະບົບບັນຊາການສື່ສານ, ກໍາລັງປ້ອງກັນໜ້າດິນຍີ່ປຸ່ນ ໄດ້ມາຢ້ຽມຢາມ ແລະເຂົ້າຢ໊ຽມ ຂໍ່ານັບກອງບັນຊາການທະຫານເຂດ 5. ທ່ານພົນຈັດຕະວາ ເຮື໊ອວັນເຕື໋ອງ, ຮອງຜູ້ບັນຊາການທະຫານເຂດ 5 ເປັນປະທານພິທີຕ້ອນຮັບ.
    |
 |
|
ທ່ານພົນຈັດຕະວາ ເຮື໊ອວັນເຕື໋ອງ, ຮອງຜູ້ບັນຊາການທະຫານເຂດ 5 ຕ້ອນຮັບຄະນະປະຕິບັດງານກໍາລັງປ້ອງກັນຍີ່ປຸ່ນ. ພາບ: qdnd.vn |
ທີ່ການຕ້ອນຮັບ, ທ່ານພົນຈັດຕະວາ ເຮື໊ອວັນເຕື໋ອງ ໄດ້ສະແດງຄວາມຊົມເຊີຍຕໍ່ການພັດທະນາ ໃນຂົງເຂດການຮ່ວມມືດ້ານປ້ອງກັນຊາດລະຫວ່າງສອງປະເທດ ທີ່ໄດ້ຮັບການຊຸກຍູ້ຢ່າງບໍ່ຢຸດຢັ້ງ. ຫວຽດນາມ ຍາມໃດກໍ່ຕີລາຄາສູງການໜູນຊ່ວຍຢ່າງຕັ້ງໜ້າຂອງຝ່າຍຍີ່ປຸ່ນ ໃນວິວັດການກໍ່ສ້າງ ແລະພັດທະນາປະເທດຊາດ, ກໍຄືແບ່ງປັນຜົນປະໂຫຍດໃນການພົວພັນສອງຝ່າຍລະຫວ່າງສອງປະເທດໃນຫຼາຍຂົງເຂດ, ຜ່ານນັ້ນປະກອບສ່ວນກໍ່ສ້າງ ແລະປັບປຸງສາຍພົວພັນ, ພ້ອມກັນຮັກສາສັນຕິພາບ, ສະຖຽນລະພາບ ແລະ ການພັດທະນາ. ຫວັງວ່າ ໃນໄລຍະຈະມາເຖິງ, ການພົບປະແລກປ່ຽນຄະນະຜູ້ແທນທຸກຂັ້ນລະຫວ່າງກອງທັບປະຊາຊົນຫວຽດນາມ ແລະກໍາລັງປ້ອງກັນຍີ່ປຸ່ນ ຈະສືບຕໍ່ໄດ້ຮັບການຮັກສາ, ນັບມື້ນັບພັດທະນາ, ແທດຈິງ ແລະມີປະສິດທິຜົນ, ປະກອບສ່ວນຊຸກຍູ້ການພົວພັນຮ່ວມມືມິດຕະພາບລະຫວ່າງສອງປະເທດ .
|
|
 |
|
ຄະນະປະຕິບັດງານກໍາລັງປ້ອງກັນຍີ່ປຸ່ນ ຖ່າຍຮູບລວມກັບການນໍາກອງບັນຊາການທະຫານເຂດ 5. ພາບ: qdnd.vn |
ທ່ານພົນຈັດຕະວາ Aoki Kei ສະແດງຄວາມປາດຖະໜາວ່າ ການຮ່ວມມືດ້ານປ້ອງກັນຊາດລະຫວ່າງສອງປະເທດ ຈະໄດ້ຮັບການຊຸກຍູ້, ພັດທະນາຢ່າງບໍ່ຢຸດຢັ້ງ ແລະ ມີປະສິດທິຜົນກວ່າອີກໃນທຸກຂົງເຂດ.
ໂດຍ: ທູຈາງ