ກໍາປັ່ນຕໍາຫຼວດທະເລ 8004 ສິ້ນສຸດການຢ້ຽມຢາມ ແລະພົບປະແລກປ່ຽນຢູ່ ສ.ເກົາຫຼີ
ກປ.ອອນໄລ - ຕອນເຊົ້າວັນທີ 8 ພະຈິກ, ກໍາປັ່ນຕໍາຫຼວດທະເລ 8004 ພ້ອມດ້ວຍຄະນະປະຕິບັດງານຕໍາຫຼວດທະເລຫວຽດນາມ ໄດ້ອອກຈາກທ່າກໍາປັ່ນ Yeosu, ສິ້ນສຸດການຢ້ຽມຢາມ ແລະພົບປະແລກປ່ຽນກັບວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ ດ້ວຍຜົນສຳເລັດອັນຈົບງາມ. ທ່ານພົນຈັດຕະວາ Han Sang-Chul, ຫົວໜ້າວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ ເຂົ້າຮ່ວມພິທີສົ່ງກໍາປັ່ນ.
ກ່າວຄຳເຫັນທີ່ພິທີສົ່ງກໍາປັ່ນ, ຕາງໜ້າຄະນະປະຕິບັດງານຕໍາຫຼວດທະເລຫວຽດນາມ, ທ່ານພັນເອກພິເສດ ເລແທັງຫາຍ, ຮອງຜູ້ບັນຊາການຕໍາຫຼວດທະເລເຂດ 1 ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ເຊິ່ງປະເທດ, ປະຊາຊົນ ສ.ເກົາຫຼີ ເວົ້າລວມ, ກໍາລັງປ້ອງກັນຝັ່ງທະເລ ສ.ເກົາຫຼີ ເວົ້າສະເພາະສະຫງວນໃຫ້ພະນັກງານ, ພາລະກອນຄະນະປະຕິບັດງານຕໍາຫຼວດທະເລຫວຽດນາມ ຢູ່ກໍາປັ່ນຕໍາຫຼວດທະເລ 8004.
    |
 |
|
ກໍາລັງປ້ອງກັນຝັ່ງທະເລ ສ.ເກົາຫຼີ ອຳລາຄະນະປະຕິບັດງານຕໍາຫຼວດທະເລຫວຽດນາມ. ພາບ: ຈູແອັງ |
ໃນໄລຍະທີ່ຢູ່ຢ້ຽມຢາມນະຄອນ Yeosu, ຄະນະປະຕິບັດງານຕໍາຫຼວດທະເລຫວຽດນາມ ໄດ້ປະຕິບັດການເຄື່ອນໄຫວ, ຄື: ເຂົ້າຢ້ຽມຂໍ່ານັບການນໍາວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ; ຢ້ຽມຢາມ ແລະພົບປະແລກປ່ຽນຢູ່ວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ; ຝຶກຊ້ອມການຊອກຫາກູ້ໄພ, ກູ້ຊີບຢູ່ທະເລກັບກໍາລັງປ້ອງກັນຝັ່ງທະເລ ສ.ເກົາຫຼີ; ແຂ່ງຂັນກິລາມິດຕະພາບ, ໄປຢ້ຽມຢາມບັນດາສະຖານທີ່ວັດທະນະທໍາ.
|
|
 |
|
ຝ່າຍຫວຽດນາມ ທຳຄວາມເຄົາລົບຕອບ. ພາບ: ຈູແອັງ |
ຕາມທ່ານພັນເອກພິເສດ ເລແທັງຫາຍ ແລ້ວ, ການຢ້ຽມຢາມ, ພົບປະແລກປ່ຽນ ແລະແລກປ່ຽນບົດຮຽນກັບວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ ຄັ້ງນີ້ມີຄວາມໝາຍສຳຄັນ, ແມ່ນການເຄື່ອນໄຫວແນໃສ່ຫັນບົດບັນທຶກຊ່ວຍຈຳການຮ່ວມມືລະຫວ່າງສອງກໍາລັງທີ່ໄດ້ລົງນາມໃນປີ 2007 ໃຫ້ປະກົດຜົນເປັນຈິງ. ຜ່ານການຢ້ຽມຢາມ, ພະນັກງານ, ພາລະກອນຕໍາຫຼວດທະເລຫວຽດນາມ ກັບກໍາລັງປ້ອງກັນຝັ່ງທະເລ ສ.ເກົາຫຼີ ໄດ້ມີກາລະໂອກາດພົບປະແລກປ່ຽນ, ຮໍ່າຮຽນ, ແບ່ງປັນ, ແລກປ່ຽນບົດຮຽນ ແລະພຶດຕິກໍາຕົວຈິງໃນວຽກງານປະຕິບັດກົດໝາຍຢູ່ທະເລ, ຜ່ານນັ້ນປະກອບສ່ວນເພີ່ມທະວີການພົວພັນມິດຕະພາບ, ການຮ່ວມມື, ຄວາມເຂົ້າໃຈ, ຄວາມໄວ້ເນື້ອເຊື່ອໃຈເຊິ່ງກັນ ແລະກັນລະຫວ່າງກໍາລັງຕໍາຫຼວດທະເລຫວຽດນາມ ກັບກໍາລັງປ້ອງກັນຝັ່ງທະເລ ສ.ເກົາຫຼີ ໃນໄລຍະຈະມາເຖິງ.
ໂດຍ: ເຈິ່ນຮວ່ຽນ