ກວດຜ່ານພິທີໄຂງານວາງສະແດງປ້ອງກັນຊາດສາກົນຫວຽດນາມ 2022
ກປ.ອອນໄລ - ຕອນເຊົ້າວັນທີ 2 ທັນວາ, ທ່ານພົນໂທ ຮວ່າງຊວນຈ໊ຽນ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ເປັນປະທານການກວດຜ່ານພິທີໄຂງານວາງສະແດງປ້ອງກັນຊາດສາກົນຫວຽດນາມ 2022 ຢູ່ເຂດສະໜາມບິນຢາເລິມ (ຮ່າໂນ້ຍ).
|
|
ທ່ານພົນໂທ ຮວ່າງຊວນຈ໊ຽນ ພ້ອມດ້ວຍຄະນະປະຕິບັດງານລົງກວດກາບັນດາເນື້ອໃນທີ່ຮັບໃຊ້ງານວາງສະແດງ. ພາບ: qdnd.vn |
ໂດຍອີງຕາມໜ້າທີ່ທີ່ໄດ້ມອບໝາຍໃຫ້, ເນື້ອໃນທັງໝົດຂອງພິທີໄຂງານວາງສະແດງໄດ້ດໍາເນີນຖືກຕາມແຜນການ. ບັນດາກໍາລັງໄດ້ຜັນຂະຫຍາຍວຽກງານກວດກາການທະຫານ, ຮັບປະກັນໂທລະຄົມມະນາຄົມ, ຄວາມສະຫງົບ, ຄວາມປອດໄພໃນເຂດຢ່າງແໜ້ນແຟ້ນ, ແຖວກຽດຕິຍົດ, ກອງດົນຕີ ກໍ່ໄດ້ຝຶກແອບທີ່ຕັ້ງໜ້າ, ພ້ອມແລ້ວທີ່ຈະ ຕ້ອນຮັບຄະນະແຂກພາຍໃນປະເທດ ແລະສາກົນ. ບັນດາກົມກອງຂອງຫວຽດນາມ ເຂົ້າຮ່ວມການວາງສະແດງ, ແນະນໍາຜະລິດຕະພັນສືບຕໍ່ຈັດແຈງຮ້ານວາງສະແດງໃຫ້ສົມບູນ. ວຽກງານພະລາທິການ, ໂຄງລ່າງເຕັກນິກທີ່ຮັບໃຊ້ການເຄື່ອນໄຫວຂອງງານວາງສະແດງໄດ້ຮັບປະກັນເປັນຢ່າງດີ.
|
|
ອາວຸດຍຸດໂທປະກອນບາງປະເພດຂອງກອງທັບປະຊາຊົນຫວຽດນາມ ໄດ້ແນະນໍາທີ່ງານວາງສະແດງ. ພາບ: qdnd.vn |
|
|
ນັກຮົບຕີພິເສດສະແດງລາຍການຕີມວຍ. ພາບ: qdnd.vn |
|
|
ການຈັດແຖວຕົວໜັງສື “VIETNAM DEFENCE 2022”. ພາບ: qdnd.vn |
|
|
ຍົນເອລີກົບແຕ ຂອງເຫຼົ່າທັບທະຫານອາກາດ-ປ້ອງກັນອາກາດ ບິນຍິນດີຕ້ອນຮັບ. ພາບ: qdnd.vn |
|
|
ບັນດາເຮືອບິນຂັບໄລ່ SU-30MK2 ບິນຕາມຮູບແຖວ ໃນລາຍການກວດຜ່ານ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ພ້ອມດ້ວຍຄະນະປະຕິບັດງານໄດ້ລົງກວດກາຄືນທຸກໜ້າວຽກງານກະກຽມ, ພິເສດແມ່ນບັນດາເຂດ, ກິດຈະກໍາທີ່ຮັບໃຊ້ງານວາງສະແດງ. ບັນດາເນື້ອໃນທີ່ກ່ຽວຂ້ອງເຖິງລາຍການຈັດຕັ້ງພິທີໄຂງານວາງສະແດງ; ພ້ອມທັງກວດກາການສົມທົບການເຄື່ອນໄຫວບິນຍິນດີຕ້ອນຮັບຂອງເຫຼົ່າທັບທະຫານອາກາດ-ປ້ອງກັນອາກາດ ແລະລາຍການສະແດງຕີກອງ, ຕີມວຍ ແລະຈັດແຖວຕົວໜັງສື ຂອງເຫຼົ່າຮົບຕີພິເສດ.
ໂດຍ: ທູຈາງ