ຫວຽດນາມ-ກຳປູເຈຍ ເພີ່ມທະວີການຮ່ວມມືດ້ານປ້ອງກັນຊາດ
ກປ.ອອນໄລ - ຕອນເຊົ້າວັນທີ 8 ສິງຫາ, ທີ່ສໍານັກງານກະຊວງປ້ອງກັນປະເທດ, ທ່ານພົນຕີ ຫງວຽນວັນເຫງັຍ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ໄດ້ໃຫ້ການຕ້ອນຮັບ, ພົບປະເຈລະຈາກັບທ່ານພົນເອກ Hun Manet, ຮອງຜູ້ບັນຊາການສູງສຸດ ທັງເປັນຜູ້ບັນຊາການທະຫານບົກກອງທັບລາດຊະວົງກໍາປູເຈຍ.
    |
 |
|
ບັນຍາກາດທີ່ການພົບປະເຈລະຈາ. ພາບ: ວັນຮ໊ຽວ. |
ທີ່ການພົບປະເຈລະຈາ, ສອງຝ່າຍເຫັນດີເປັນເອກະພາບຕີລາຄາວ່າ ໃນໄລຍະຜ່ານມາ, ກອງທັບສອງປະເທດຫາກໍ່ດໍາລົງບົດບາດສຳຄັນໃນການປ້ອງກັນ, ຕ້ານພະຍາດໂຄວິດ-19 ຢູ່ແຕ່ລະປະເທດ, ຫາກໍ່ສົມທົບກັນຜັນຂະຫຍາຍໜ້າທີ່ການທະຫານ, ປ້ອງກັນຊາດບັນລຸໝາກຜົນສຳຄັນ, ມີປະສິດທິຜົນຕາມແຜນການຮ່ວມມືແຕ່ລະປີ. ສອງຝ່າຍກໍ່ຕັ້ງໜ້າຜັນຂະຫຍາຍບັນດາການເຄື່ອນໄຫວແລກປ່ຽນຄະນະຜູ້ແທນ, ເປັນຕົ້ນແມ່ນຄະນະຜູ້ແທນຂັ້ນສູງ; ສືບຕໍ່ໄດ້ຮັບການຊຸກຍູ້ການຮ່ວມມືກໍ່ສ້າງ; ໜູນຊ່ວຍ, ຊ່ວຍເຫຼືອເຊິ່ງກັນ ແລະກັນຢ່າງທັນການສອດຄ່ອງກັບຄວາມຕ້ອງການ ແລະຄວາມສາມາດຂອງແຕ່ລະຝ່າຍ.
|
|
 |
|
ທ່ານພົນຕີ ຫງວຽນວັນເຫງັຍ ຕ້ອນຮັບທ່ານພົນເອກ Hun Manet. ພາບ: ວັນຮ໊ຽວ. |
ກ່ຽວກັບທິດທາງການຮ່ວມມືໃນໄລຍະຈະມາເຖິງ, ສອງຝ່າຍເນັ້ນໜັກວ່າບັນດາທະຫານເຂດ, ກໍາລັງປ້ອງກັນຊາຍແດນສອງປະເທດຄວນສືບຕໍ່ຮັກສາກົນໄກການແລກປ່ຽນ, ແບ່ງປັນຂໍ້ມູນຂ່າວສານຢ່າງມີປະສິດທິຜົນ; ພ້ອມແລ້ວທີ່ຈະສົມທົບກັນຮັບມືກັບໄພທໍາມະຊາດ, ໂລກລະບາດ ແລະບັນຫາຄວາມໝັ້ນຄົງແບບໃໝ່; ການຕໍ່ສູ້ປ້ອງກັນ, ຕ້ານອາດຊະຍາກຳ, ຮັບປະກັນຄວາມໝັ້ນຄົງ, ຄວາມປອດໄພຢູ່ເຂດຊາຍແດນສອງປະເທດ. ດ້ານອື່ນ, ສອງຝ່າຍຢັ້ງຢືນຖືເປັນສໍາຄັນການຮ່ວມມືກໍ່ສ້າງ, ຝຶກອົບຮົມ, ກໍານົດນີ້ແມ່ນບັນຫາຍຸດທະສາດສໍາຄັນຍາວນານ; ຊຸກຍູ້ການຜັນຂະຫຍາຍເຄື່ອນໄຫວພົບປະແລກປ່ຽນ, ແຮກສ່ຽວລະຫວ່າງກອງທັບສອງປະເທດ.
ໂດຍ: ເຈິ່ນຮວ່ຽນ