ຫວຽດນາມ ມອບວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ໃຫ້ກໍາລັງປ້ອງກັນຊາຍແດນກຳປູເຈຍ
ກປ.ອອນໄລ - ຕອນບ່າຍວັນທີ 13 ມິຖຸນາ, ທີ່ດ່ານສາກົນມົກບ່າຍ (ເມືອງເບ໊ນເກົ່າ, ແຂວງໄຕນິງ), ຄ້າຍທະຫານຊາຍແດນດ່ານສາກົນມົກບ່າຍ, ທະຫານຊາຍແດນແຂວງໄຕນິງ ຈັດຕັ້ງພິທີມອບ-ຮັບວັດຖຸອຸປະກອນການແພດຮັບໃຊ້ວຽກງານປ້ອງກັນ, ຕ້ານພະຍາດໂຄວິດ-19 ໃຫ້ກໍາລັງສາລະວັດທະຫານແຂວງ ສໄວ ຣຽງ, ກຳປູເຈຍ.
ດ້ວຍນ້ຳໃຈສາມັກຄີ, ໄມຕີຈິດມິດຕະພາບ, ແບ່ງປັນຄວາມຫຍຸ້ງຍາກກັບກຳລັງຄຸ້ມຄອງ, ປ້ອງກັນຊາຍແດນກຳປູເຈຍ, ຄ້າຍທະຫານຊາຍແດນດ່ານສາກົນມົກບ່າຍ ໄດ້ມອບໃຫ້ກຳລັງສາລະວັດທະຫານແຂວງສໄວ ຣຽງ ວັດຖຸອຸປະກອນການແພດລວມມີ: ຜ້າອັດປາກ-ອັດດັງ 20.000 ອັນ, ໝີ່ສໍາເລັດຮູບ 100 ແກັດ, ນ້ໍາບໍລິສຸດ 70 ແກັດ, ນ້ໍາເຕົ້າຈ້ຽວ 140 ຂວດ ເພື່ອຮັບໃຊ້ວຽກງານປ້ອງກັນ, ຕ້ານພະຍາດໂຄວິດ-19.
|
|
ກຳລັງສາລະວັດທະຫານແຂວງ ສໄວ ຣຽງ ຮັບວັດຖຸອຸປະກອນການແພດໂດຍຄ້າຍທະຫານຊາຍແດນດ່ານສາກົນມົກບ່າຍ ມອບໃຫ້. ພາບ: ວັນຮວ່ານ. |
ທ່ານພັນເອກ ຫວູກວາງກວນ, ຫົວໜ້າຄ້າຍທະຫານຊາຍແດນດ່ານສາກົນມົກບ່າຍ ໃຫ້ຮູ້ວ່າ ໃນໄລຍະຜ່ານມາເຖິງວ່າພະຍາດໂຄວິດ-19 ມີການຜັນແປສັບສົນຫຼາຍຢ່າງກໍ່ຕາມ, ແຕ່ວ່າກົມກອງໄດ້ຕິດຕໍ່ກັບກຳລັງປ້ອງກັນຊາຍແດນກຳປູເຈຍ ເພື່ອແລກປ່ຽນຂໍ້ມູນຂ່າວສານກ່ຽວກັບສະພາບພະຍາດໂຄວິດ-19, ກໍ່ຄືວຽກງານສົມທົບກັນຕໍ່ສູ້, ຕ້ານອາດຊະຍາກໍາປະເພດຕ່າງໆ. ໃນໄລຍະຈະມາເຖິງ, ກົມກອງຈະສືບຕໍ່ສົມທົບກັນຢ່າງແໜ້ນແຟ້ນກັບກຳລັງປ້ອງກັນຊາຍແດນຂອງປະເທດເພື່ອນມິດເພື່ອຮັບປະກັນຄວາມໝັ້ນຄົງຢູ່ເຂດຊາຍແດນ, ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະພັດທະນາ. ພິເສດແມ່ນຜັນຂະຫຍາຍມາດຕະການໃນການຕໍ່ສູ້ສະກັດກັ້ນການເຄື່ອນໄຫວເຂົ້າ-ອອກເມືອງຢ່າງຜິດກົດໝາຍ, ຮ່ວມແຮງຮ່ວມໃຈປ້ອງກັນ, ຕ້ານພະຍາດໂຄວິດ-19 ໃຫ້ມີປະສິດທິຜົນ.
ໂດຍ: ແສງເດືອນ