leftcenterrightdel
ຜູ້ແທນເຂົ້າຮ່ວມກອງປະຊຸມຢູ່ຮ່າໂນ້ຍ. ພາບ: ຮວ່າງຫວູ.

ກ່າວຄໍາເຫັນໄຂກອງປະຊຸມ, ເລຂາທິການຜູ້ປະຈໍາການກະຊວງປ້ອງກັນປະເທດບຣູໄນ ເນັ້ນໜັກວ່າ ໃນສະພາບສິ່ງທ້າທາຍຍ້ອນໂລກພະຍາດຄືໃນປັດຈຸບັນ, ສິ່ງສໍາຄັນແມ່ນຄວນສືບຕໍ່ເພີ່ມທະວີການຮ່ວມມືດ້ານປ້ອງກັນຊາດໃນພາກພື້ນ ເພື່ອແນໃສ່ກໍ່ສ້າງພາກພື້ນອາຊຽນແຫ່ງສັນຕິພາບ ແລະປອດໄພ. ສ່ວນທ່ານ Robert Matheus Michael Tene, ຮອງເລຂາທິການໃຫຍ່ອາຊຽນ ຮັບຜິດຊອບດ້ານການເມືອງ-ຄວາມໝັ້ນຄົງຕີລາຄາສູງຫວຽດນາມ ໃນບົດບາດເປັນປະທານອາຊຽນ 2020 ຍ້ອນໄດ້ນໍາພາອາຊຽນຜ່ານຜ່າປີທີ່ເຕັມໄປດ້ວຍສິ່ງທ້າທາຍ. ທ່ານ Robert Matheus Michael Tene ຮຽກຮ້ອງໃຫ້ບັນດາປະເທດອາຊຽນ ສືບຕໍ່ເພີ່ມທະວີການຮ່ວມມືດ້ານປ້ອງກັນຊາດ ເພື່ອແນໃສ່ປະກອບສ່ວນເຂົ້າໃນສັນຕິພາບ ແລະຄວາມໝັ້ນຄົງຂອງພາກພື້ນ ກໍ່ຄືໃນໂລກ.

leftcenterrightdel
ຜູ້ແທນເຂົ້າຮ່ວມກອງປະຊຸມ ADSOM ຜ່ານລະບົບທາງໄກ. ພາບ: ຮວ່າງຫວູ.

ຕາມໂຄງການດໍາເນີນງານ, ບັນດາຜູ້ແທນໄດ້ຮັບຟັງການລາຍງານຂອງທ່ານ Robert Matheus Michael Tene ກ່ຽວກັບສະພາບການຮ່ວມມືໃນໄລຍະຜ່ານມາໃນອາຊຽນ ແລະຝ່າຍບຣູໄນ ລາຍງານໝາກຜົນຂອງກອງປະຊຸມທາງໄກກຸ່ມປະຕິບັດງານເຈົ້າໜ້າທີ່ອາວຸໂສປ້ອງກັນຊາດອາຊຽນ (ADSOM WG) ແລະໝາກຜົນກອງປະຊຸມຜູ້ບັນຊາການທະຫານສູງສຸດອາຊຽນ ຄັ້ງທີ 18 (ACDFM-18) ທີ່ຜ່ານມາ. ກອງປະຊຸມໄດ້ພິຈາລະນາບັນດາເອກະສານທີ່ ADSOM WG ໄດ້ປຶກສາຫາລື, ເຫັນດີເປັນເອກະພາບຍື່ນສະເໜີຕໍ່ ADSOM ລວມມີ: ບັນດາເອກະສານນິຍາມ, ເອກະສານປຶກສາຫາລືໃໝ່ໃນກອງປະຊຸມລັດຖະມົນຕີກະຊວງປ້ອງກັນປະເທດບັນດາປະເທດອາຊຽນ (ADMM); ຮ່າງຖະແຫຼງການລວມຂອງ ADMM-15 ແລະກອງປະຊຸມລັດຖະມົນຕີປ້ອງກັນປະເທດບັນດາປະເທດອາຊຽນເປີດກວ້າງ (ADMM+) ຄັ້ງທີ 8; ເຫັນດີເປັນເອກະສັນຕໍ່ວຽກງານກະກຽມໃຫ້ກອງປະຊຸມເຈົ້າໜ້າທີ່ອາວຸໂສປ້ອງກັນຊາດອາຊຽນເປີດກວ້າງ (ADSOM+), ADMM-15 ແລະ ADMM+ ຄັ້ງທີ 8 ໃນໄລຍະຈະມາເຖິງ. ນອກຈາກນັ້ນ, ກອງປະຊຸມກໍ່ພິຈາລະນາຄໍາສະເໜີຂອງບັນດາປະເທດຄູ່ຮ່ວມມື, ໃນນັ້ນມີການຈັດຕັ້ງການພົບປະບໍ່ເປັນທາງການລະຫວ່າງລັດຖະມົນຕີກະຊວງປ້ອງກັນປະເທດອາຊຽນ+1 ແລະການຝຶກຊ້ອມທະຫານເຮືອອາຊຽນ-ລັດເຊຍ.

ໂດຍ: ທູຈາງ