ເພີ່ມພູນຄູນສ້າງມູນເຊື້ອມິດຕະພາບລະຫວ່າງກອງທັບ ແລະປະຊາຊົນສອງປະເທດຫວຽດນາມ-ກໍາປູເຈຍ
ກປ.ອອນໄລ - ວັນທີ 21 ມັງກອນ, ຄະນະພະນັກງານກອງບັນຊາການທະຫານແຂວງ Ban-Teay-Min-chay, ກອງທັບລາດຊະວົງກໍາປູເຈຍ ນໍາໂດຍທ່ານພົນຕີ Cham Ren An, ຫົວໜ້າການທະຫານກອງບັນຊາການທະຫານແຂວງ ໄດ້ມາຢ້ຽມຢາມ, ອວຍພອນປີໃໝ່ ຢູ່ກອງບັນຊາການທະຫານແຂວງໄຕນີງ.
ຫົວໜ້າກອງບັນຊາການທະຫານແຂວງໄຕນີງ ສະແດງຄວາມປິຕິຊົມຊື່ນເມື່ອໄດ້ຕ້ອນຮັບຄະນະຜູ້ແທນກອງບັນຊາການທະຫານແຂວງ Ban-Teay-Min-chay ທີ່ມາຢ້ຽມຢາມ, ອວຍພອນບຸນປີໃໝ່ປະຈໍາຊາດ ແລະແຈ້ງໃຫ້ຊາບໂດຍສັງເຂັບກ່ຽວກັບໝາກຜົນແຫ່ງການປະຕິບັດໜ້າທີ່ດ້ານປ້ອງກັນຊາດ-ປ້ອງກັນຄວາມສະຫງົບຂອງທ້ອງຖິ່ນໃນປີ 2019. ໃນນັ້ນມີການປະກອບສ່ວນ, ແບ່ງປັນບົດຮຽນຂອງກອງບັນຊາການທະຫານແຂວງ Ban-Teay-Min-chay.
    |
 |
|
ທ່ານພົນຕີ Cham Ren An ມອບຂອງຂວັນໃຫ້ແກ່ຫົວໜ້າກອງບັນຊາການທະຫານແຂວງໄຕນີງ. ພາບ: qdnd.vn |
ທ່ານພົນຕີ Cham Ren An ໄດ້ສະແດງຄວາມຂອບອົກຂອບໃຈ ຕໍ່ການຕ້ອນຮັບຂອງຫົວໜ້າກອງບັນຊາການທະຫານແຂວງໄຕນີງ ແລະການຊ່ວຍເຫຼືອ, ແບ່ງປັນ, ຮ່ວມມືຂອງກອງບັນຊາການທະຫານແຂວງໄຕນີງ ກັບກອງບັນຊາການທະຫານແຂວງ Ban-Teay-Min-chay.
ໃນໄລຍະຈະມາເຖິງ, ກອງບັນຊາການທະຫານແຂວງ Ban-Teay-Min-chay ຈະສ້າງໂຄງການ, ແຜນການຮ່ວມມືລະອຽດກັບກອງບັນຊາການທະຫານແຂວງໄຕນີງ, ປະກອບສ່ວນເພີ່ມພູນຄູນສ້າງມູນເຊື້ອສາມັກຄີ, ມິດຕະພາບລະຫວ່າງກອງທັບ ແລະປະຊາຊົນສອງປະເທດ ຫວຽດນາມ-ກໍາປູເຈຍ.
ໂດຍ: ທູຈາງ