ຫວຽດນາມ-ຍີ່ປຸ່ນ ເພີ່ມທະວີການຮ່ວມມືດ້ານປ້ອງກັນຊາດ
ກປ.ອອນໄລ - ໂດຍໄດ້ຮັບຄໍາເຊີນຂອງທ່ານພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດຫວຽດນາມ, ທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ ໄດ້ມາຢ້ຽມຢາມ ຫວຽດນາມ ຢ່າງເປັນທາງການໃນລະຫວ່າງວັນທີ 2-4 ພຶດສະພາ.
    |
 |
|
ທ່ານພົນເອກ ໂງຊວນລິກ ແລະທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ ກວດແຖວກຽດຕິຍົດກອງທັບປະຊາຊົນຫວຽດນາມ. ພາບ: qdnd.vn. |
|
|
 |
|
ທ່ານພົນເອກ ໂງຊວນລິກ ແລະທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ. ພາບ: qdnd.vn. |
ຕອນບ່າຍວັນທີ 2 ພຶດສະພາ, ພິທີຕ້ອນຮັບທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ ໄດ້ດໍາເນີນຢູ່ສຳນັກງານກະຊວງປ້ອງກັນປະເທດຫວຽດນາມ ພາຍໃຕ້ການເປັນປະທານຂອງທ່ານພົນເອກ ໂງຊວນລິກ. ພາຍຫຼັງພິທີຕ້ອນຮັບ, ທ່ານພົນເອກ ໂງຊວນລິກ ໄດ້ມີການພົບປະເຈລະຈາກັບທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ.
|
|
 |
|
ທ່ານພົນເອກ ໂງຊວນລິກ ພົບປະເຈລະຈາກັບທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ. ພາບ: qdnd.vn. |
ທີ່ການພົບປະເຈລະຈາ, ສອງຝ່າຍຢືນຢັນວ່າການຮ່ວມມືດ້ານປ້ອງກັນຊາດສອງຝ່າຍໃນຊຸມປີຜ່ານມາໄດ້ພັດທະນາຢ່າງວ່ອງໄວ, ນຳມາເຊິ່ງປະສິດທິຜົນ ແລະແທດຈິງ, ແມ່ນໜຶ່ງໃນບັນດາເນື້ອໃນສໍາຄັນຂອງສາຍພົວພັນ “ຄູ່ຮ່ວມມືຍຸດທະສາດເລິກເຊິ່ງກວ້າງຂວາງ” ຫວຽດນາມ-ຍີ່ປຸ່ນ.
|
|
 |
|
ລັດຖະມົນຕີກະຊວງປ້ອງກັນປະເທດສອງທ່ານຮ່ວມເປັນສັກຂີພິຍານພິທີລົງນາມໃນບົດບັນທຶກຊ່ວຍຈໍາວ່າດ້ວຍການກໍານົດທິດຊຸກຍູ້ການຮ່ວມມືອຸດສາຫະກໍາປ້ອງກັນຊາດລະຫວ່າງກະຊວງປ້ອງກັນປະເທດຫວຽດນາມ ແລະກະຊວງປ້ອງກັນປະເທດຍີ່ປຸ່ນ. ພາບ: qdnd.vn. |
|
|
 |
|
ທ່ານພົນເອກ ໂງຊວນລິກ ມອບຂອງຂວັນເປັນທີ່ລະນຶກໃຫ້ທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ. ພາບ: qdnd.vn. |
ທີ່ການພົບປະເຈລະຈາ, ສອງຝ່າຍເຫັນດີເປັນເອກະພາບໃນປີ 2019 ແລະຊຸມປີຕໍ່ໄປຈະສືບຕໍ່ນໍາການຮ່ວມມືດ້ານປ້ອງກັນຊາດສອງຝ່າຍເຂົ້າສູ່ລວງເລິກ, ມີປະສິດທິຜົນ, ແທດຈິງ; ເສີມຂະຫຍາຍບັນດາກົນໄກຮ່ວມມືທີ່ມີຢູ່ແລ້ວໃຫ້ມີປະສິດທິຜົນ, ຍູ້ແຮງການຮ່ວມມືດ້ານປ້ອງກັນຊາດສອງຝ່າຍຕາມບັນດາຂໍ້ຕົກລົງໄດ້ລົງນາມ, ພິເສດແມ່ນຖະແຫຼງການວິໄສທັດຮ່ວມກ່ຽວກັບການຮ່ວມມືດ້ານປ້ອງກັນຊາດມຸ່ງໄປເຖິງທົດສະວັດຕໍ່ໄປ; ຍູ້ແຮງການຜັນຂະຫຍາຍບັນດາເນື້ອໃນການຮ່ວມມືທີ່ມີຄວາມສາມາດບົ່ມຊ້ອນທາງດ້ານເສນາຮັກ, ອຸດສາຫະກໍາປ້ອງກັນຊາດ...
|
|
 |
|
ທ່ານພົນເອກ ໂງຊວນລິກ ແລະທ່ານ Takeshi Iwaya ລັດຖະມົນຕີກະຊວງປ້ອງກັນປະເທດຍີ່ປຸ່ນ ຖ່າຍຮູບຮ່ວມກັບຄະນະຜູ້ແທນກະຊວງປ້ອງກັນປະເທດສອງປະເທດ. ພາບ: qdnd.vn. |
ເນື່ອງໃນໂອກາດນີ້, ທ່ານພົນເອກ ໂງຊວນລິກ ປາດຖະໜາຢາກໃຫ້ກະຊວງປ້ອງກັນປະເທດຍີ່ປຸ່ນ ພ້ອມກັບບັນດາກະຊວງ, ຂະແໜງການອື່ນຂອງ ຍີ່ປຸ່ນ ສືບຕໍ່ຍູ້ແຮງການຮ່ວມມືກັບກະຊວງປ້ອງກັນປະເທດຫວຽດນາມ ໃນບາງຂົງເຂດ, ຄື: ແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ ຫວຽດນາມ, ຄວາມໝັ້ນຄົງທາງທະເລ, ການກູ້ຊີບ, ກູ້ໄພ, ເຂົ້າຮ່ວມການຮັກສາສັນຕິພາບສະຫະປະຊາຊາດ.
ພາຍຫຼັງການພົບປະເຈລະຈາ, ລັດຖະມົນຕີກະຊວງປ້ອງກັນປະເທດສອງທ່ານໄດ້ຮ່ວມເປັນສັກຂີພິຍານພິທີລົງນາມບົດບັນທຶກຊ່ວຍຈໍາວ່າດ້ວຍການກໍານົດທິດຊຸກຍູ້ການຮ່ວມມືອຸດສາຫະກໍາປ້ອງກັນຊາດລະຫວ່າງກະຊວງປ້ອງກັນປະເທດຫວຽດນາມ ແລະກະຊວງປ້ອງກັນປະເທດຍີ່ປຸ່ນ.
ໂດຍ: ເຈິ່ນຮວ່ຽນ